JOSUA 4:6 - Ombibeli Iyapuki

⁶ opo a ninge edidiliko mokati keni. Ovana veni ngeenge tave mu pula komesho ndele tava ti: Omamanya aa otae mu tile shike?

JOSUA 4:6 Iomraidhean Croise

EXODUS 13:14

Nomumwoye omumati ngeenge te ku pula ndele ta ti: ‘Eshi otashi ti ngahelipi?’ Opo nee u noku mu nyamukula: ‘Omwene okwe tu pitifa mu Egipiti, meumbo loupika, neke li neenghono.

JOSUA 4:21

Ndele ye okwa popya novana vaIsrael ndele ta ti: “Ovana veni momafiku okomesho ngeenge tava pula kooxo, tava ti: Omamanya aa otaa ti shike?

OMAPSALOME 44:1

Kalunga, otwe shi uda nomatwi etu vene, ootate eshi ve shi tu hepaululila, eshi Ove wa longele oinenelonga mounyuni wavo, momafiku onalenale.

JOSUA 22:27

ndelenee opo shi ninge ondobwedi pokati ketu nanye nomaludalo etu konima yetu, opo tu longe eyakulolonga lOmwene koshipala shaye nomaxwikiloyambo etu nomatomenoyambo etu nomapanduloyambo etu, opo ovana veni komesho vaha ka shiive okutya: ‘Nye kamu na mo sha mOmwene.’

DEUTERONOMION 11:19

ndele u noku di longa ovana voye moku di tonga ove nongeenge to kala omutumba meumbo loye, nongeenge u li mondjila, ngeenge to ka nangala ngeenge to ka penduka.

JESAJA 55:13

Poima apa pa mena omano, otapa ka mena omisipresi, naapa pa li eeshosholo, otapa ka mena omirti, ndele tashi ningile Omwene efimano noshidimbulukifo itashi dimwa po fiyo alushe.

JESAJA 38:19

Ovanamwenyo, heeno, ovanamwenyo otave ku hambelele ngaashi ame nena, xe ota hepaululile ovana oshili yoye.

OMAPSALOME 71:18

nomokufika moukulupe wange, ngeenge nda ninga eenghwakutoka, Kalunga, Ove ino efa nge! Ame opo nee ndi udifile epupi lokomesho eenghono dokwooko kwoye.

OILONGA YOVAYAPOSTOLI 2:39

Osheshi omaudaneko aa e mu udanekelwa onye vene novana veni, naaveshe venya ve li kokule, ovo aveshe Omwene Kalunga ketu te ke va ifana.”

HESEKIEL 20:20

ndele yapuleni omashabata ange. Ndele oo taa ka ninga edidiliko pokati ketu nanye, opo mu shiive nokutya, Aame Omwene Kalunga keni.

HESEKIEL 20:12

Nomashabata ange, Ame nde e va pa, a ninge edidiliko pokati ketu navo, opo va shiive nokutya, Aame Omwene ohandi va yapula.

NUMERI 16:38

nokutya, oikwatelwa yaava va nyona ndele va kanifa eemwenyo davo. Oikwatelwa nai hambulwe oipeleki ya lalakana, ndee tai ka ninga oshituvikopeleki shoaltari. Osheshi va eta oikwatelwa koshipala shOmwene, onghee yo oiyapuki. Ndele yo nai ninge edidiliko kovana vaIsrael.”

EXODUS 31:13

“Lombwela ovana vaIsrael u tye: ‘Nye omu nokudiinina shili Omashabata ange, osheshi oo edidiliko pokati ketu nanye momaludalo okomaludalo, ovanhu opo va shiive nokutya, Aame Omwene, ou te mu yapula.

EXODUS 13:9

Naashi nashi kale edidiliko lomeke loye nedimbulukifodidiliko kombada yoshipala shoye, opo omhango yOmwene i kale mokanya koye. Osheshi neke li neenghono Omwene e ku pitifa muEgipiti.

EXODUS 12:14

“Nefiku tuu olo li noku mu ningila efiku ledimbuluko, ndele nye mu noku li dana ngaashi oshivilo shokufimaneka Omwene. Nye mu noku shi dana kepupi nepupi ngaashi onghedimhango yaalushe.

JOSUA 4:5

Ndele Josua okwe va lombwela: “Indeni komesho yoshikefa shOmwene Kalunga keni fiyo omokati kaJordan ndele lekeni, omulumenhu keshe, emanya limwe kepepe laye, pamuvalo womapata ovana vaIsrael,