JAKOB 4:5 - Ombibeli Iyapuki

⁵ Ile omu shii omushangwa otau popi dongaho: “Omhepo ei i li mufye okwe i twila olwisho noku i kodilila?”

JAKOB 4:5 Iomraidhean Croise

2 OVAKORINTO 6:16

Otembeli yaKalunga oi nekwatafano lashike noikalunga? Osheshi fye otembeli yaKalunga omunamwenyo, Kalunga ngaashi a tonga: “Ame onda hala okukala muvo, nokweenda mokati kavo, Ame ohandi kala Kalunga kavo, ovo notava ningi oshiwana shange.”

1 OVAKORINTO 6:19

Ile kamu shi shii, omalutu eni oo otembeli yOmhepo Iyapuki ei i li munye mwe i pewa kuKalunga, hano kamu fi veni vene?

NUMERI 11:29

Ndelenee Moses okwe mu lombwela: “Ove u nefupandubo molwange? Akutu, ovanhu aveshe vOmwene ngeno ovaxunganeki, Omwene opo a yandje omhepo yaye kombada yavo!”

TITUS 3:3

Osheshi nafye yo nale otwa li tuhe neendunge, fye inatu dulika, otwa li twa puka notwa li ovapika vouhalu u lili nou lili, fye twa kala mowii nomefupandubo ndele twa li twa tondwa ndele twa tondafana.

OMAPSALOME 37:1

Ino handuka nande molwovanawii, novanyonauni ino va ningila ondubo.

GENESIS 8:21

Ndele omwene okwa li e udite edimba liwa, ndele Omwene okwe lipopila momutima waye ta ti: “Ame itandi ka finga vali edu molwovanhu, osheshi omadiladilo omutima womunhu omai kokudja kounona waye. Ndele itandi ka nyonauna po vali aishe i na omwenyo ngaashi nda ningile.

GENESIS 37:11

Ndele ovamwaxe ove mu twila ondubo, ndelenee xe okwa dimbulukwa eendjovo odo.

GENESIS 30:1

Ndele Rakel eshi a mona nokutya, ye ita dalele Jakob ounona, okwa twila mumwaina ondubo ndele ta lombwele Jakob: “Pe nge oludalo, ngeenge hasho ohandi fi.”

GENESIS 26:14

Ye okwa li e na eedi neengobe novapiya vahapu, onghee Ovafilisti ve mu fila efupandubo.

GENESIS 6:5

Omwene eshi a mona owii wovanhu kombada yedu wa li uhapu, nomauko omadiladilo omitima davo okwa li mai efimbo alishe,

OVAGALATI 3:8

Nomushangwa, eshi we shi mona nale kutya, Kalunga ota yukipalifa ovapaani okeitavelo, onghee hano wa udifila Abraham evaengeli eli nale, nokutya: “Omwoove oiwana aishe tai nangekwa noupuna.”

OILONGA YOVAYAPOSTOLI 7:9

“Ndele ootatekulu venya ova ningila Josef ondubo ndele ve mu landifa po kuEgipiti, ndele Kalunga okwa li pamwe naye,

JOHANNES 10:35

Oye ngeenge ta ifana venya va pewa eendjovo daKalunga, ookalunga, nomishangwa itadi dulu okudimwa po,

OMUUDIFI 4:4

Mokutala oupyakadi aushe womokulonga noilonga aishe iwa, oyo okufilafana efupandubo. Osho yo shongahoelela nokushikula ashike omhepo.

OMAYELETUMBULO 21:10

Omwenyo womuhenakalunga u hole owii; mukwao ita mono nande onghenda momesho aye.

OMAPSALOME 106:16

Opo nee monhanda ova ngongotela Moses naAron, omupiyayapuki wOmwene;

OVAROMA 1:29

va yada okuhenouyuki akushe, oluhaelo, owii, olwisho, oumbudi, ve yadi efupandubo, edipao, omakoto, oupote, ekonda,

OVAROMA 9:17

Osheshi omushangwa otau ti kuFarao: “Osho ngaha nde ku yelula poluhaela, ndi monikife mwoove eenghono dange, nedina lange li hepaululwe nounyuni aushe.”

JESAJA 11:13

Opo nee efupa laEfraim otali ka xula po, nomahandu aJuda otaa xulifwa po; Efraim ita ka fila vali Juda efupa naJuda ita fininika vali Efraim.

JOHANNES 19:37

Nomushangwa umwe tau ti vali: “Vo otava ka tala kwaau ve mu twa.”

JOHANNES 7:42

Omushangwa itau ti: Kristus ota di moludalo laDavid nomoshilando shaBetlehem, oku kwa li David?”

NUMERI 23:19

Kalunga ke fi pomunhu a fufye ngeno. Ile omona womunhu ye e lialuluke. Ye a tonga sha ngeno, ndelenee ite shi ningi mbela? Ile ta popi sha, ite shi wanifa hamba?

GENESIS 38:9

Ndelenee Onan okwa li e shi shii nokutya, oludalo itali ka ninga laye, onghee hano keshe efimbo a nangala nomwalikadi wamumwaina, ine mu xuxwila a etele mumwaina oludalo.