JAKOB 2:5 - Ombibeli Iyapuki

⁵ Ovamwatate ovaholike, pwilikineni, Kalunga ina hoolola hamba ava va talwa kounyuni ou eehepele, va ninge oipuna meitavelo novafyuululi vouhamba ou wa udanekelwa ovo ve mu hole?

JAKOB 2:5 Iomraidhean Croise

1 EEHAMBA 22:28

Mikaia okwa nyamukula: “Ngeenge to aluka ino mona oshiponga, otashi ti Omwene ina popya mwaame.” Nokwa tya vali: “Keshe umwe na ude eshi nda popya!”

JOB 34:10

“Onghee hano ovalumenhu ovanaendunge, pwilikinei nge: Kalunga oku li kokule nouhenakalunga, nOmunaenghono adishe oku li kokule nowii!

JOB 34:19

Oye iha popile ovakulunhu voshilongo ndele ita tula omukengeli komesho yomukwanaluhepo, osheshi vo aveshe oshilonga shomake aye.

JOB 38:14

Opo nee tali shituka ngaashi elova koshi yoshihakifo, naashishe tashi holoka ngaashi oshikutu.

EXODUS 20:6

Ndele Ame ohandi file onghenda omayovi, aava ve hole nge ndele tava diinine oipango yange.

OMAYELETUMBULO 13:7

Ope na umwe te linomo nokutya, ye oshipuna, ndelenee ke na sha nande. Umwe te lininipike nokutya, ye ohepele, ndelenee e noinima ihapu.

OMAYELETUMBULO 7:24

Hano paife nye ovamwange, udeni nge ndele pwilikineni eendjovo dokanya kange.

OMAYELETUMBULO 8:32

“Ovamwange, pwilikinei nge hano, osheshi ovanelao ovovo hava diinine eendjila dange.

JESAJA 14:32

Ovatumwa voiwana otava nyamukukulwa shike? Omwene Oye mwene a tunga Sion, nomo tuu omo ovafyoona vovanhu vaye otava ka amenwa.

JESAJA 29:19

Ndele ovalininipiki otava ka pewa alushe nehafo lipe mOmwene neehepelelela domovanhu tadi ka nyakukwa mOmuyapuki waIsrael.

SEFANIA 3:12

Ndelenee Ame ohandi ka fiya mo mokati koye oshiwana sha xupa nosha nghundipala tashi lineekele edina lOmwene.

SAKARIA 11:11

Ndele mefiku tuu olo oya teywa. Ndele osho hano eenghwanaluhepoelela mokati keedi edi de lineekela nge, oda shiiva, nokutya oyo oya li ondjovo yOmwene.

SAKARIA 11:7

Ndele nda lifa eedi tadi dipawa, eedi da hepelela shili. Ame onda kufa eenhaili mbali. Imwe nde i luka Ounyenye. Naikwao nde i luka Ekwatafano, ndele Ame nda lifa eedi.

MATEUS 11:5

ovapofi otava mono ko, noingudu otai ende, novanashilundu otava yelifwa, novafitamatwi otava udu ko, novafi otava nyumunwa, neehepele otava udifilwa evaengeli.

MATEUS 25:34

Opo nee ohamba otai lombwele ovo vokolulyo layo: ‘Onye ovanangekwa noupuna vaTate, ileni, mu ka fyuulule ouhamba ou mwe u longekidilwa, keshito lounyuni.

MATEUS 5:3

“Ovanelao eehepele domhepo, osheshi Ouhamba weulu owavo.

MARKUS 7:14

Ndele Ye okwa ifana vali ovanhu ve uye kuye, ndele okwe va lombwela: “Udeni nge amushe, nye mu didilike.

LUKAS 12:21

Hano osho, ou te lilikolele emona, ye ke na oupuna puKalunga.”

LUKAS 12:32

“Ino tila, okangudu ove, osheshi Xo a hala oku mu pa ouhamba.

LUKAS 16:22

Ndele opa ningwa nee, ohepele ya fya, ndele oya twalwa kovaengeli mekolo laAbraham, noshipuna osha fya yo, ndele tashi pakwa.

LUKAS 16:25

Ndelenee Abraham okwa tya: ‘Omona wange, dimbulukwa, ove owa pelwe ouwa woye fimbo wa li u nomwenyo ndele Lasarus owii, hano paife eshi ye ota hekelekwa omu, ndele ove to yehamekwa.

LUKAS 22:29

osheshi Ame ohandi mu tokolele, ongaashi Tate a tokolela nge, ouhamba,

LUKAS 6:20

Ndelenee Ye okwa yelula omesho aye, a tala ovalongwa vaye ndele ta ti: “Ovanelao nye eehepele, osheshi ouhamba waKalunga oweni.

JOHANNES 7:48

Ope na tuu mbela nande umwe womovakulunhu e mu itavela, ile umwe womOvafarisai?

OILONGA YOVAYAPOSTOLI 7:2

Stefanus okwa tya: “Ovalumenhu nye ovamwatate nootate, pwilikineni! Kalunga koshinge okwe lihololela tate yetu Abraham, eshi a li muMesopotamia, fimbo ina tula muHaran,

OVAROMA 8:17

Ndele ngeenge fye ovana, otuvafyuululi yo, ovafyuululi vaKalunga novafyuululi pamwe naKristus, ngeenge hatu lididimike shili pamwe naye, opo tu fimanekwe yo pamwe naye.

1 OVAKORINTO 2:9

ndelenee ngaashi pa shangwa: “Osho eisho inali shi mona, nokutwi inaku shi uda, sho inashi ya momutima womunhu, Kalunga okwe shi longekidila ava ve mu hole.”

2 OVAKORINTO 4:15

Osheshi aishe otai ningwa omolweni, opo efilonghenda eli tali hapupala alushe, li pendule muvahapu ve dule voshito epandulo tali hapupala okufimaneka Kalunga.

2 OVAKORINTO 6:10

ngaashi ava ve nomahodi, ndele otu nehafo alushe, ngaashi eehepele, ndele ohatu punapalifa vahapu, ngaashi ovo vehe na nande sha, ndele otu noinima aishe.

2 OVAKORINTO 8:9

Osheshi efilonghenda lOmwene weni Jesus Kristus omu li shii Oye nande okwa li oshipuna, a ninga ohepele omolweni, opo mu punapale koluhepo laye.

OVAEFESO 1:18

Ye a minikile omesho eni omomutima, opo mu shiive eteelelo olo mwe li ifanenwa, noupuna wefimano lefyuululo laye apa u fike movayapuki vaye,

OVAEFESO 3:8

Aame ou omunini ndi dulike kovayapuki aveshe onda pewa efilonghenda eli, okuudifila ovapaani evaengeli loupuna waKristus uhe fi okukonakonwa,

1 OVATESSALONIKI 2:12

noku mu kunghilila shili, mu ende ngaashi sha wapalela Kalunga, ou e mu ifanena mouhamba waye nomoshinge shaye.

2 OVATESSALONIKI 1:5

Osho edidiliko letokolo laKalunga la yuka, nokutya nye mu talwe mwa wapalela ouhamba waKalunga, ngaashi tamu u hepekelwa yo.

1 TIMOTEUS 6:18

vo nava longe ouwa, va ninge oipuna yoilonga iwa, va ninge ovayandji nokutukulilafana,

2 TIMOTEUS 4:18

Ndele Omwene ota ka mangulula nge mo mukeshe tuu oshilonga showii, ndele ta ka xupifa nge mouhamba waye womeulu. Kuye efimano alushe fiyo alushe. Amen.

2 TIMOTEUS 4:8

Opo nee nda tuvikililwa oshishani shouyuki handi ke shi pewa mefiku linya kOmwene, omutokoli omuyuki, ndelenee haame andike, naaveshe ava ve hole eholoko laye.

OVAHEBERI 11:26

nokushekwa kwaKristus okwe ku tala oko oupuna u dule omamona omuEgipiti, osheshi e a pilamena a taalela kondjabi.

JAKOB 1:12

Omulumenhu omunelao oye ou te lididimikile eshindo, osheshi ngee a ningi omuduli walo, ota ka pewa oshishani shomwenyo, ou Omwene a udanekela ava ve mu hole.

JAKOB 1:16

Ovamwatate ovaholike, inamu puka.

JAKOB 1:19

Hano mu shi shii, ovamwatate ovaholike, omunhu keshe na kale ha endelele okupwilikina, ne liteelele mokupopya, ye ne liteelele mokuhanduka;

JAKOB 1:9

Ndelenee omumwatate ou munini ne litangele ounenenhu waye,

1 PETRUS 1:4

opo tu mone efyuululo itali nyonauka ndele inali nyata ndee itali xulu po, twe li tuvikililwa meulu, puye

2 PETRUS 1:11

osheshi osho ngaha tamu pewa omhito iwa ya wana yokuya mouhamba waalushe wOmwene Omukulili wetu Jesus Kristus.

EHOLOLO 2:9

Oilonga yoye nokufininikwa kwoye noluhepo loye ondi lu shii ndelenee ove oshipuna, nomasheko aa venya tave liti ovo Ovajuda, nande havo, ndelenee vo ongudu yaSatana.

EHOLOLO 21:7

Ou omufindani ota ka fyuulula ei, Ame ohandi kala Kalunga kaye, ye ota ningi omona wange.

EHOLOLO 3:18

Ohandi ku pe eendunge, u lande kwaame oshingoldo sha yelifwa momundilo, u punapale, noikutu yoye itoka u i djale, opo ohoni youhamunghele woye iha monike, omaadi omesho, u vaeke omesho oye u mone ko.

OVATOKOLIPANGELI 9:7

Vo eshi ve shi shiivifila Jotam, ye okwa londa a kala ofika koxulo yomhunda yaGerisim nokwa yelula ondaka yaye, ta ingida ta ti kuvo: “Pwilikineni nge, nye oonakukalamo muSekem, opo Kalunga a shiive oku mu pwilikina.

1 SAMUEL 2:30

Onghee hano Omwene Kalunga kaIsraeli ta ti: ‘Ame nde shi tonga shili nokutya, eumbo loye neumbo laxo tali ka enda koshipala shange fiyo alushe.’ Ndelenee paife Omwene ta ti: ‘Ahowe, shi dalelwe! Osheshi ava hava fimaneke nge, Ame ohandi ke va fimaneka. Ndelenee ava tava dini nge, otava ka dinika.

1 SAMUEL 2:8

Mondwi Ye ota yambula omufyoona ndele ta lenge omukwanaluhepo moshala shomute, vo va kale omutumba peehamba, va fyuulule olukalwa lado lefimano. “Osheshi eengudi dedu odo dOmwene, ndele kombada yado Ye okwa dika ounyuni.