Matthew 8:3 - Luaniua New Testament

³ Kena iko Jesus iapaꞌe kelima aia nokaohi kama la, kena ime aꞌe, “Anau eaunahie kekonaꞌi aꞌoe ikaualeꞌa.” Vahola oia, kemahana ke{leprosi} la uoki, kena kama la ukaualeꞌa.

Matthew 8:3 Iomraidhean Croise

Matthew 12:13

Kena Jesus eme aꞌe kama kelima epiꞌo la, “Hola kelima aꞌoe.” Kena iko kama la ihola aꞌe kelima aia. Vahola oia, kelima la ukaualeꞌa, poi kelaa lima aia.

Mark 1:41

Kena iko Jesus ialoha kama la, kena iapaꞌe kelima aia nokaohi kama la, kena ime aꞌe, “Anau eaunahie kekonaꞌi aꞌoe ikaualeꞌa.”

Mark 4:39

Jesus emahulu nohai aꞌe kemakani la, kena ime aꞌe napeau la, “Malino, ukau.” Kena kemakani la ukeiho nomalino.

Mark 5:41

Jesus ekaohi kelima kamaliꞌi la, kena ime aꞌe, “{Talitha Kum}.” (Emea ma, “Kamaliꞌi hine, anau eme aku aꞌoe imasiꞌe iluna.”)

Mark 7:34

Jesus uꞌila iluna, iko kemanava aia, kena ime aꞌe kama la i nakakala kemakaꞌina la, “Efatha” (Eme ma, Kalaꞌi.)

Mark 9:25

Keualoko Jesus uꞌike keonohenua la uhulo mai nomaka, kama la ekakala hamakaꞌu aꞌe kipua la. “Aꞌoe epui naakalina nakama la noselono, ia epui napuꞌua nakama la nosekakala. Anau eme aku aꞌoe, haele ikaha ma kaupeala na. Aꞌoe selavaa kevaꞌai muli aꞌe.”

Luke 4:27

“Kela hekama hakae nakakala Keakua emale ma Elisha. Keualoko kama la enoho iloko Israel, nakama lavea kemahana ke{leprosi} la ekomaꞌi. Ia kama la ekonaꞌi Naaman soia nokaualeꞌa. Ia Naaman senoho iloko Israel. Kama la hekama Syria.”

Luke 5:13

Kena Jesus eapaꞌe kelima aia nokaohi kama la, kena ime aꞌe, “Anau eaunahie kekonaꞌi aꞌoe ikaualeꞌa.” Vahola oia, kemahana {leprosi} la uoki.

Luke 7:14

Kena iko Jesus ikaohi kemoena kama umake la, kena nakama kela esau kinokama la uhamau. Kena iko Jesus ime aꞌe, “Kaupeala, masiꞌe iluna.”

John 11:43

Jesus eloku penei, kena ianaa aꞌe hamaloa keleo aia, “Lazarus. Hamai i makahale.”

John 15:24

Sehikama ehuli aku namahi penei imua. Keonohenua la eꞌike namahi anau ehuli aku la, kena uailoa nia lakou esala. Ia keualoko nei, nakama la naꞌike mai avale namahi anau ehuli aku la. Ia nakama la oililoko anau, ia eliloko Kamana anau la hoi.

John 5:21

Kamana ehamasiꞌe nakama emake la noola. Ehau pela hoi, kanakama mehaola nakama aia ehilihili la.