Matthew 8:2 - Luaniua New Testament

² Kena hekama elavea kemahana {leprosi} ehaele aꞌe nokoukuli imua Jesus, kena ime aꞌe, “Kealiꞌi, poi aꞌoe eaunahie, aꞌoe ukonaꞌi mai anau ikaualeꞌa.”

Matthew 8:2 Iomraidhean Croise

Matthew 10:8

Kena okou ukonaꞌi nakama lavea ikaualeꞌa, haola nakama emake, konaꞌi nakama elavea kemahana {leprosi}, ia hakui nakipua saꞌino la ikaha. Keakua eau aku maluu namahi aia ikonaꞌi alakama. Kena kulana okou ehuli aꞌe namahi la, okou iseainoa kesui.

Matthew 13:58

Ia Jesus sehuli aꞌe namahi Keakua i nakama la hakoa, maikinimea nakama la sehakina.

Matthew 14:33

Kena nakama iluna kemonoui la ehamalu Jesus nome aꞌe, “Aꞌoe o kekama Keakua hamaoni.”

Matthew 15:25

Ia kehine la uhaele nokoukuli imua Jesus, kena ime aꞌe, “Kealiꞌi, konaꞌi mai anau.”

Matthew 18:26

Ia kama saꞌino la ekoukuli imua kekuꞌu la noainoa aꞌe, ‘Seliloko mai anau. Hakali. Anau meisui muli aku namoni aꞌoe la.’

Matthew 2:11

Nakama la uo i hale noꞌike kamaliꞌi la enoho ma kina aia la, Mary. Saika la, nakama la esulu ilalo nohamalu kamaliꞌi la. Kena iau aꞌe nahoꞌi lakou la; pahaku mea, keꞌohu manoni, ia kelo manoni.

Matthew 20:20

Keꞌavana Zebedee ma koꞌolua nakama laua la uo aꞌe nokoukuli imua Jesus noainoa aꞌe kama la.

Matthew 26:6

Jesus enoho i kemakaꞌina Bethany i kehale Simon, kama nilavea kemahana ke{leprosi} imua la.

Matthew 28:17

Kulana nakama la eꞌike Jesus, nakama la ehamalumalu kama la. Ia alakama nakama la sehakina hamaoni.

Matthew 28:9

Vahola ia, Jesus ukili nahine la, kena ikakala hakaualeꞌa nakama la. Ia kena nahine la ukoukuli nokaohi nakapuae Jesus la, kena ihamalumalu kama la.

Matthew 4:9

Kena Satan eme aꞌe Jesus, “Poi aꞌoe koukuli ilalo nohamalu mai anau, anau meau aku namea la hakoa maꞌoe.”

Matthew 8:1

Kulana Jesus nihaele iho ilalo kemouna la, naonohenua elahi la eo nokaꞌa lakou.

Matthew 8:25

Ia kena nakama kaukali la uo nohano aꞌe Jesus, kena ime aꞌe, “Kealiꞌi, lolosi, kakou memalemo.”

Matthew 9:18

Kulana Jesus ekakala aꞌe nakama la, kela hekama hamakua na{Jiu} uhaele aꞌe nokoukuli imua Jesus, kena ime aꞌe “Kealiꞌi, kamaliꞌi hine anau la umake. Hamai nohaapili nalima aꞌoe iluna kamaliꞌi la iola muli.”

Luke 4:27

“Kela hekama hakae nakakala Keakua emale ma Elisha. Keualoko kama la enoho iloko Israel, nakama lavea kemahana ke{leprosi} la ekomaꞌi. Ia kama la ekonaꞌi Naaman soia nokaualeꞌa. Ia Naaman senoho iloko Israel. Kama la hekama Syria.”

John 9:38

Kena iko kaupeala la ime aꞌe, “Anau ehakina, Kealiꞌi.” Kena kama la uhamalumalu Jesus.

Acts 10:14

Ia Peter ume aꞌe, “Seai Kealiꞌi. Anau selavaa keꞌai ponohi saꞌino la.”*f5*

Acts 10:25

Keualoko Peter ekae aꞌe kehale la, Cornelius uhaele iho nokili laua, kena ikoukuli imua Peter nohamalu aꞌe kama la.

1 Corinthians 14:25

Kena Keakua mehuli aꞌe nahakaꞌoko kela ehunaa lia iloko hakumanava kama na. Kena kama na mekoukuli ilalo nohamalumalu Keakua, kena ime aꞌe pela, “Hamaoni, Keakua enoho maꞌokou.”

Revelation 19:10

Keualoko anau nilono nakakala ke{enselo} la, anau ekoukuli imua kama la nohamalumalu i aia. Ia ke{enselo} la eme mai, “Aꞌoe isehamalu mai anau. Anau hekama heheaꞌu ehau poi aꞌoe na. Aꞌoe ihamalumalu Keakua la avale. Kaua ehapaa ma nakaina aꞌoe la ikaohi mau nakipukipu Jesus. Nakipukipu la ehuli mai kakou kehakaꞌoko nakakala Keakua la hakoa.”