Matthew 7:21 - Luaniua New Testament

²¹ “Komaꞌi nakama meanaa mai anau pela ‘Kealiꞌi.’ Ia nikamaa kama oia epena kaukali hea Kamana anau la ehihai. Nakama na solakou meikae kenoholana i kevaelani.

Matthew 7:21 Iomraidhean Croise

Matthew 12:50

Poi hekama epena nia Kamana anau i kevaelani la hihai, kena kaina anau, keꞌave anau, ia ma kina anau.”

Matthew 16:17

Kena iko Jesus ime aꞌe, “Simon kama Jonah, aꞌoe ehakapu lia Keakua. Sehikama haꞌali aku i aꞌoe kehakaꞌoko la. Emeia Kamana anau i kevaelani ehuli aku imakino aꞌoe pela oai anau.

Matthew 18:10

“Lolosi hamakonu. Okou isehanaꞌino nakamaliꞌi nei. Maikinimea na{enselo} kela lolosi nakamaliꞌi nei enoho lakou ma Kamana anau i kevaelani.

Matthew 18:19

“Anau eme aku okou hoi. Poi koꞌolua nahakina ana i kemaalama nei enuu hakoa, kena loku aꞌe Keakua, kena Kamana anau i kevaelani la mehuli aꞌe nia koꞌolua la hihai.

Matthew 18:3

Kena Jesus eme aꞌe, “Anau eme aku kehamaoni. Pena okou sehuli nahakaꞌoko okou imoulalo poi hakaꞌoko kamaliꞌi nei, okou selavaa kekae kenoholana kevaelani.

Matthew 18:35

Kena Jesus ehapaa aꞌe iluna nakakala aia la ma, “Kamana anau i kevaelani emea pela hoi. Amea okou sehaialoha hamaoni nakaina okou la, kena kama la mesehaialoha okou hoi.”

Matthew 19:24

Anau eme aku okou hoi. Ehainakaa ke{kamelo} keulu iloko kelua kelina kela ekui pamalo. Ia hainakaa haeꞌo nakama haimoni la kekae kenoholana Keakua.”

Matthew 25:10

Kena koalima epanimu la uo nosui na{kalaseni} lakou la. Kulana nakama la nio, kama meꞌavana la ukae aꞌe. Nakaupu kanakana la ukaꞌa ma kama la iloko hale noꞌai keꞌai keꞌavana la. Kena nakama heheaꞌu la upui kokoꞌa la.

Matthew 25:21

Kena iko kama hamakua la ime aꞌe, ‘Kenaa. Aꞌoe hekama heheaꞌu kaualeꞌa. Aꞌoe ehalono i anau, kena elolosi hamakonu nakamaa mea la. Ia kena anau meihakina aꞌoe ilolosi namea komaꞌi. Hamai, kaua ihihia hakoa.’

Matthew 26:39

Kena Jesus ehaele ikaha ma nakama la nokoukuli ilalo noloku, “Kaukamana, pena aꞌoe hihai, ko kehalono lihu nei ikaha manau. Ia kaukali hea aꞌoe hihai, ia seai hea anau hihai.”

Matthew 26:42

Kena Jesus uvaꞌai hoi noloku, “Kaukamana, pena aꞌoe selavaa keko kehalono lihu nei ikaha manau, kena anau mehalono lihu, poi aꞌoe hihai.”

Mark 3:35

Poi hekama epena nia Keakua hihai, kena kaina anau, keꞌave anau, ia ma kina anau.”

Mark 9:47

Pena keꞌalemaka aꞌoe na emea aꞌoe ihaisala, ape keꞌalemaka aꞌoe na ikaha. Kaualeꞌa pela aꞌoe ukae kenoholana Keakua ma keꞌalemaka hokahi oia. Ia saꞌino pela aꞌoe ekaohi saꞌalemaka aꞌoe na, ia Keakua meilaku kinokama aꞌoe na hakoa iloko keꞌina halono lihu.

Luke 11:28

Kena iko Jesus ime aꞌe, “Emeia Keakua mehakapu nakama kela elono nakakala aia, kena ikaukali la.”

Luke 13:25

Keualoko kama hamakua la umasiꞌe nopui kokoꞌa la, okou mekuu imaka aho nokikili kokoꞌa la, kena ume aꞌe, ‘Kealiꞌi. Kalaꞌi mai kokoꞌa nei.’ Ia kama la meime aku, ‘Anau semakino okou. Okou omai ihee?’

Luke 18:25

Ia mehainakaa {kamelo} keulu iloko kelua kelina kela ekui pamalo. Ia hainakaa haeꞌo nakama haimoni la kekae kenoholana Keakua.”

Luke 6:46

“Aiea okou eanaa mai anau pela Kealiꞌi, ia okou sepena hea anau eme aku?

John 14:7

Vahonei okou makino anau. Kena okou memakino Kamana la hoi. Amaka vahonei okou emakino kama la, ia eꞌike kama la.”

John 15:23

Poi hekama eliloko anau, kama na meliloko Kamana anau la hoi.

John 3:5

Kena Jesus ume aꞌe, “Anau eme aku kehamaoni. Ame hekama sehanau i kevai ia ma Keanana Kapu, kama na selavaa kekae kenoholana Keakua.

John 5:17

Kena Jesus eme aꞌe na{Jiu} la, “Kamana anau la ehuli aꞌe namahi aia la naaho hakoa, kena anau ehuli aꞌe namahi pela hoi.”

John 6:40

Kaukamana la ehihai penei avale, pela nakama hakoa kela eꞌike kekama aia, ia hakina i kama la, meko keola eola kahi. Ia anau mehamasiꞌe nakama la ikaha ma kemake i keaho haoki la.”

John 7:17

Alakama okou ehakina pela anau ekakala aku keaoaꞌo Keakua. Ia alakama ehakaꞌoko manau ekakala aku kehakaꞌoko anau sonau oia. Ia poi hekama ehihai ipena hea Keakua ehihai, kama la meiailoa laoi keaoaꞌo anau nei.

Acts 14:22

Koꞌolua la ehapulupulu nahakaꞌoko nakama kaukali Kealiꞌi la, ikaohi mau kehakina lakou la. Koꞌolua la eme aꞌe nakama la, “Kakou ekau kehalono lihu ikae kakou kenoholana Keakua.”

Romans 12:2

Ia okou isekaukali nakipukipu kemaalama nei. Emeia okou ihakiꞌe konu nahakaꞌoko okou, pela ihakea naola okou. Kena okou memakino laoi namea kela Keakua ehihai. Ala nikipukipu kaualeꞌa kela ekonu i namaisu aia.

Romans 2:13

Nakama kela epena kaukali nakuaa la mekonu i namaisu Keakua. Ia nakama kela elono nakuaa la oia, ia sehimea ipena, nakama la esekonu.

Ephesians 6:6

Keualoko nakama hamakua la emakamaka okou, alakama okou ehaiꞌahi pela lakou eheheaꞌu mahi, imea nakama hamakua la ihihia. Ia okou iseme pela. Okou ipena hamaoni hea Keakua hihai. Maikinimea okou nikama heheaꞌu Christ.

Colossians 4:12

Epaphras hekama okou, ia hekama heheaꞌu ma Jesus Christ hoi. Kama la ekakala hihia aku i okou, ia emanaku kahi i okou i naloku aia. Kama la eloku ainoa aꞌe Keakua ikonaꞌi okou, pela okou ikuu mau nohakina hamaoni Keakua, kena imakino laoi hea kama la ehihai.

1 Thessalonians 4:3

Keakua ehihai okou ihakea naola okou la. Pela okou isehai huli.

1 Thessalonians 5:18

Hamaha kahi aꞌe Keakua. Ala nakipukipu kela Keakua ehihai okou ikaukali la, okou nakama kela esuꞌui ma Jesus Christ.

Titus 1:16

Nakama la eme aku pela lakou emakino Keakua, ia naola lakou ehuli aku pela lakou enukulaoi oia. Nakama la esaꞌino, ia hakapanaka haeꞌo, kena selavaa kepena namea kaualeꞌa.

Hebrews 13:21

Kama la emea naola okou iꞌakoa. Pela okou amelavaa kekaukali hea aia hihai. Ia kama la mekonaꞌi kakou hakoa ipena namea aia ehihai la i namahi Jesus Christ. Kena kakou ihamalumalu kama la naualoko hamau. Amen.

Hebrews 4:6

Nakipuna kakou la elono kelono kaualeꞌa la. Ia nakama la sehamalolo ma Keakua, maikinimea nakama la sehalono nakakala aia la. Ia vahonei, alakama amehamalolo maia.

James 1:22

Ia okou ipena kaukali nakakala Keakua. Ia poi okou elono oia, ia sehimea epena, kena nahakaꞌoko okou la evale haeꞌo.

1 Peter 2:15

Maikinimea Keakua ehihai okou ikaukali nakipukipu kaualeꞌa la, ipui nakama evale isekamoa haeꞌo okou.

1 Peter 4:2

Ia kena kulana okou oinoho iloko kemaalama nei, okou amesekaukali namea saꞌino kela naonohenua la ehihai. Okou amekaukali hea Keakua ehihai la avale.

Revelation 2:27

Kama la mehananiu iluna naonohenua la, Ia kama la meisi namahi elahi iluna nakama la. Kama la meiseu namahi naonohenua la. Ehau poi hekama eseu kepenu la nomaseuseu haliꞌi. Namahi la ehau poi namahi kela kamana anau eau mai anau la.

Revelation 22:14

Keakua mehakapu nakama kela ehakea naola lakou. Kama la meau aꞌe nakama la kekonu iꞌai nahua kelaꞌau keola. Kena nakama la melavaa keulu iloko nakokoꞌa kemakaꞌina la.

Revelation 3:5

Nakama kela ehakina hamaoni nokae kehaoki meileleu napamalo maꞌini la hoi. Ia anau mesesolo namale lakou ikaha ma kelauniu keola eola kahi. Emeia anau meikapa namale nakama la imua namaisu Kamana anau ia ma na{enselo} aia la, ihuli aꞌe pela nakama la ekaukali hamaoni anau.