Matthew 6:9 - Luaniua New Testament

⁹ Ia kena kulana okou eloku, loku aꞌe Keakua penei, ‘Kamana makou i kevaelani, Makou hakoa ihamalu kemale aꞌoe ekapu.

Matthew 6:9 Iomraidhean Croise

Matthew 10:29

“Sileni hokahi esui salupe. Ia niaina namanu la ekomaꞌi lo, Kamana okou ialuna emakino kulana hemanu hokahi emake.

Matthew 23:9

Okou isekapa nakama hamakua kemaalama nei ma, ‘Kamana.’ Maikinimea Kamana hokahi okou la enoho i kevaelani.

Matthew 26:29

Anau eme aku kehamaoni. Imuli, anau meseunu ke{uaen} nei. Hakali anau meiunu ke{uaen} vahonei ma okou iloko kenoholana kaukamana la.”

Matthew 26:42

Kena Jesus uvaꞌai hoi noloku, “Kaukamana, pena aꞌoe selavaa keko kehalono lihu nei ikaha manau, kena anau mehalono lihu, poi aꞌoe hihai.”

Matthew 5:16

Okou ehau poi keahi la. Okou ihuli aꞌe naola kaualeꞌa okou, pela nakama hakoa iꞌike namea kaualeꞌa okou epena, kena ihamaha Kamana okou i kevaelani.

Matthew 5:48

Okou ekau kekonu kahi, ihau poi Kamana okou i kevaelani la ekonu kahi.

Matthew 6:14

“Poi okou ehaialoha nakama kela ehaisaꞌino okou, kena Kamana okou i kevaelani mehaialoha aku okou nia okou esala.

Matthew 6:6

Ia kulana okou meiloku, kaꞌa iloko puikana iloko hale nahale okou la. Pui nakokoꞌa la, kena loku aꞌe Kamana okou i kevaelani kela okou seꞌike la. Kama la soia eꞌike hea okou eloku, kena meiau aku nakuhana okou.

Matthew 7:11

Niaina nakipukipu okou la saꞌino, okou eailoa keau aꞌe namea kaualeꞌa i nakamaliꞌi okou la. Ia Kamana okou i kevaelani eme pela hoi. Kama la meiau aꞌe komaꞌi namea kaualeꞌa i nakama kela eainoa aꞌe i aia.

Luke 15:18

Kena kaupeala la ehakaꞌoko kevaꞌai muli kamana aia la, kena ime aꞌe kama la, ‘Kamana. Anau ehaisala i namaisu Keakua, ia haisala i namaisu aꞌoe.

Luke 15:21

Ko kaupeala la ime aꞌe, ‘Kamana. Anau ehaisala i namaisu Keakua, ia haisala i namaisu aꞌoe. Anau sekau kenoho inei poi hekama aꞌoe.’

Luke 2:14

“Makou ehamaha i aꞌoe Keakua i kevaelani. Nakama kela aꞌoe hihai i kemaalama nei la meinoho laoi.”

John 20:17

Kena Jesus eme aꞌe kehine la, “Aꞌoe sekaohi mai anau, maikinimea anau seivaꞌai muli Kamana anau la. Aꞌoe ihaele nome aꞌe nakama ehakina i anau la, pela anau amevaꞌai muli Keakua Kamana kakou la.”

Romans 1:7

Anau ekakaa aku okou nakama i Rome. Pela Keakua elaoi okou, kena ikini okou ime mo kama ekapu aia. Keakua Kamana kakou ia ma Kealiꞌi Jesus Christ ilolosi hakaualeꞌa okou inoho laoi.

Romans 8:15

Imua, okou emakaꞌu pela Keakua mehakonukonu okou. Ia vahonei Keakua eau aku Keanana Kapu aia la, ia kena okou usemakaꞌu. Keakua ehoꞌi aku okou Keanana Kapu la, pela ipulu okou mo kama aia. Kela hea kakou ekani aꞌe Keakua pela, “Abba. Kamana makou.”

Galatians 1:1

Anau Paul. Keakua Kamana ehamasiꞌe Jesus Christ ikaha ma kemake. Kena koꞌolua la ekini anau mo kama heheaꞌu laua. Sehikama hoi ehaunalia mai anau.

Galatians 4:6

Kakou nikamaliꞌi Keakua, kena kama la eau iho keanana kela kanakama iloko nahakumanava kakou imea kakou ikakala hihia aꞌe pela “Abba, Kamana makou.”

1 Timothy 6:16

Keakua soia eola naualoko hamau iloko kemasina eꞌiva lo, pela selavaa hekama kesasaika aꞌe i aia. Imua sehikama eꞌike Keakua, ia vahonei sehikama eꞌike kama la hoi. Hamaha Keakua hananiu la naualoko hamau. Amen.

1 Peter 1:17

Okou emea pela ma Keakua o kamana okou. Ia niaina ma hekama pehe, Keakua mehakonukonu kekama ma kekama, kaukali nakipukipu keola kama la. Ia kena okou inoho poi nimanu sili iloko kemaalama nei nohamalumalu Keakua.

Revelation 4:11

“Kealiꞌi, Keakua makou, Namahi aꞌoe la ehananiu. Kena naonohenua hakoa ekau Kehamaha nohamalu i aꞌoe. Maikinimea aꞌoe epena keumea hakoa. Ia namea la eapihi mai vahonei, Ikaukali hea aꞌoe ehihai.”

Revelation 5:12

ehuhua hamaloa ma, “Punua {sipisipi} Ekaia nomake Aꞌoe ekau kehananiu, Ia ekuku laoi, Aꞌoe eakamai, ia eivi lo. Ia kena kakou isau Komale ialuna, Ihamalu i aꞌoe, Ihamaha i aꞌoe.”