Matthew 6:5 - Luaniua New Testament

⁵ “Kulana okou meiloku, okou isekaukali nakipukipu nakama eahu. Nakama la hihai ikuu iloko nahale loku ia ma naꞌina eꞌapi kekama noloku hamaloa. Pela keonohenua la meiꞌike lakou eloku. Anau eme aku okou kehamaoni. Nakama la nako avale nakuhana lakou.

Matthew 6:5 Iomraidhean Croise

Matthew 21:22

Poi okou ehakina Keakua, kena kama la meiau aku okou nia okou eainoa aꞌe i aia.”

Matthew 23:13

“Anau eme aku okou nakama epolopolo nakuaa ia ma okou naFarasi. Okou meihalono lihu haeꞌo. Ia okou nikama kakala uhiuhi. Okou epui nakama keonohenua la isekae kenoholana Keakua la. Kena okou soꞌokou sekae ilaa hoi.

Matthew 23:5

“Nakama la hihai keonohenua iꞌike hea lakou epena la, kena ihamaha i lakou. Kela hea nakama la esaisai nalauniu nakuaa Moses i namoalae ma nalima lakou, kena isaisai namepamalo ekapu loloa i napamalo lakou.

Matthew 23:6

Nakama la ehihai inoho ma nakama hamakua iloko nahale loku ia ma naꞌailana.

Matthew 6:1

“Lolosi hamakonu. Okou isehaiꞌahi ma okou ekonu imua namaisu keonohenua ihamaha lia lakou. Aoki Kamana okou i kevaelani ameseau aku nakuhana okou.

Matthew 6:16

“Kulana okou meihasese hiꞌai, okou seiꞌila haaloha naꞌalemaka okou, poi nakama eahu. Nakama la eꞌilaꞌila haaloha naꞌalemaka lakou iꞌike alakama pela lakou ehasese hiꞌai. Anau eme aku kehamaoni. Nakama la nako avale nakuhana lakou.

Matthew 6:2

“Kena kulana okou ehoꞌi aꞌe namea i nakama haaloha, okou isekaukali nakipukipu nakama eahu la. Nakama la ehaiꞌahi ma lakou nikama kaualeꞌa. Kela hea nakama la eili kepuu keualoko lakou eau aꞌe nahoꞌi lakou, pela keonohenua la mehamaha lakou iloko hale loku, ia ihamaha lakou hoi valoko keala. Anau eme aku kehamaoni. Nakama eahu la nako avale nakuhana lakou.

Matthew 9:38

Kena ainoa aꞌe Kealiꞌi kela ehamakua huaka la ihaunalia komaꞌi nakama iheheaꞌu iloko paupaꞌu aia la.”

Mark 11:25

Kulana okou ekuu iluna noloku aꞌe Keakua, ia okou emakino pela okou eloko alakama, okou ihaialoha nakama la imua. Ia kena Kamana okou ialuna mehaialoha okou nia okou esala hoi.

Mark 12:38

Jesus eaoaꞌo keonohenua la ma, “Okou ilolosi hamakonu nakama epolopolo nakuaa. Nakama la hihai hahao naheheaꞌu kaualeꞌa, ihamaha lia lakou keonohenua la valoko kemakaꞌina.

Luke 11:43

“Okou naFarasi meihalono lihu haeꞌo, maikinimea okou hihai inoho ma nakama hamakua iloko nahale loku, ia okou hihai keonohenua la ihamamaha okou valoko kemakaꞌina.

Luke 18:1

Kena iko Jesus ime aꞌe kakala hulihuli nei noaoaꞌo nakama kaukali aia la iseꞌalo keloku kahi Keakua.

Luke 18:13

“Ia kama aoao na{kakisi} la ekuu imao, enapa haeꞌo. Keualoko kama la eloku, kama la seꞌila iluna kevaelani. Emeia kama la epopoꞌu hakahaka aia, kena ime aꞌe, ‘Keakua, haialoha mai anau. Anau hekama haisala haeꞌo.’

Luke 20:47

Ia nakama la eko naloku loloa ihamaha lia lakou keonohenua. Ia nakama la ehailavaꞌa noko naheheaꞌu nakaukuaha hine la. Ia kena nahalono lihu nakama la meilahi haeꞌo.”

Luke 6:24

Ia okou nakama hai heheaꞌu meihalono lihu, maikinimea okou nako avale nakuhana okou.

John 16:24

Imua, okou seainoa aꞌe Kamana nimea i kemale anau. Ia vahonei, okou iainoa aku nia okou hihai, kena okou meiko namela, pela okou mehihia hamaoni.

Ephesians 6:18

Okou iloku kahi i namahi Keanana Kapu, ia ainoa aꞌe Keakua i namea okou hihai la. Ia okou iala kahi, ia kauhano keloku aꞌe Keakua ikonaꞌi nakama ekapu aia hakoa.

1 Thessalonians 5:17

Ia kauhano keloku kahi.

James 4:6

Ia niaina ma nakipukipu kakou la esaꞌino, Keakua ekauhano kelolosi laoi kakou nokaualeꞌa. Nakakala nei emau iho iloko kelauniu kapu. “Keakua ehakauoki ma nakama eahu, Ia elolosi laoi nakama pasemuu.”