Matthew 6:30 - Luaniua New Testament

³⁰ Keakua ehalalaꞌei naꞌauke iloko malae la. Keaho nei naveve eola, ia kaiao umake, kena meilaku iluna keahi ivela. Ia okou elaꞌa iluna naꞌauke la. Niaina ma okou sehakina, Keakua mekauhano kekonaꞌi okou.

Matthew 6:30 Iomraidhean Croise

Matthew 14:31

Saika la oia, Jesus ehalo aꞌe kanalima nokaohi Peter, kena ime aꞌe, “Aꞌoe ukau kehakina mahi. Ia aꞌoe sehakina oia?”

Matthew 16:8

Jesus namakino avale hea nakama la ekakala solakou, kena ime aꞌe, “Okou ikau kehakina hamaoni. Okea okou ekakala ma okou sehihalaoa?

Matthew 17:17

Kena Jesus ehai aꞌe nakama la, “Kaukama okou na ikau kehakina, ia okou evale oia. Anau enoho ma okou saika loloa haeꞌo, ia okou sehakina anau. Ko mai kaupeala na.”

Matthew 8:26

Kena iko Jesus ime aꞌe “Aiea okou emakaꞌu naea? Okou sehakina?” Kena Jesus umasiꞌe iluna nohai aꞌe kemakani ma napeau la. Kena kemoana la umalino.

Mark 4:40

Kena Jesus eme aꞌe nakama kaukali aia la, “Aiea okou emakaꞌu naea? Okou sehakina?”

Mark 9:19

Kena Jesus eme aꞌe nakama la, “Kaukama okou na ikau kehakina. Anau enoho ma okou saika loloa haeꞌo, ia okou sehakina oia. Ko mai kaupeala na.”

Luke 12:28

“Keakua ehalalaꞌei naꞌauke iloko malae la. Keaho nei naꞌauke naveve la eola, ia kaiao umake, kena meilakua iluna keahi ivela. Ia okou elaꞌa iluna naꞌauke la. Niaina ma okou sehakina, Keakua mekauhano kekonaꞌi okou.

Luke 9:41

Ko Jesus ime aꞌe nakama la, “Nakama kaukama okou na ikau kehakina, ia okou evale oia. Anau enoho ma okou saika loloa haeꞌo, ia okou sehakina anau.” Kena iko Jesus ime aꞌe kamana kaupeala la, “Ko mai kaupeala aꞌoe na.”

John 20:27

Kena iko Jesus ime aꞌe Thomas, “Kaohi kemakalima aꞌoe inei, kena ila mai nalima anau; ia halo mai kolima nokaohi kevahi manava anau. Aꞌoe sehakapanaka. Aꞌoe ihakina oia!”

Hebrews 3:12

Aukaina. Okou ilolosi hamakonu, aoki okou amehakaꞌokoꞌoko saꞌino nosehakina, kena ikiaꞌi Keakua kela eola kahi.

1 Peter 1:24

Nakakala aia nei emau iho iloko kelauniu kapu, “Nakama hakoa ehau poi naveve. Ia namea kaualeꞌa lakou la, Ehau poi naꞌauke naveve la oia. Naveve la memake hakoa, Ia kena naꞌauke la memaoha ikaha.