Matthew 6:2 - Luaniua New Testament

² “Kena kulana okou ehoꞌi aꞌe namea i nakama haaloha, okou isekaukali nakipukipu nakama eahu la. Nakama la ehaiꞌahi ma lakou nikama kaualeꞌa. Kela hea nakama la eili kepuu keualoko lakou eau aꞌe nahoꞌi lakou, pela keonohenua la mehamaha lakou iloko hale loku, ia ihamaha lakou hoi valoko keala. Anau eme aku kehamaoni. Nakama eahu la nako avale nakuhana lakou.

Matthew 6:2 Iomraidhean Croise

Matthew 15:7

Okou ekakala uhiuhi. Hea Isaiah ekakala aku imua ukonu,

Matthew 16:3

Keualoko kelaa nisopo aꞌe, ame okou eꞌike napuleulehu emea, okou ekakala ma, ‘Keaho nei memaili.’ Okou emakino pela nahaꞌaku la ehuli aku nakipukipu naaho la. Ia niaina okou eꞌike anau ehuli aku namahi Keakua, okou oisemakino hea meiapihi mai imuli.

Matthew 22:18

Ia Jesus umakino pela nahakaꞌoko nakama la esaꞌino, kena ime aꞌe, “Okou nakama kakala uhiuhi. Aiea, okou hihai ikaiꞌi anau naea?

Matthew 23:5

“Nakama la hihai keonohenua iꞌike hea lakou epena la, kena ihamaha i lakou. Kela hea nakama la esaisai nalauniu nakuaa Moses i namoalae ma nalima lakou, kena isaisai namepamalo ekapu loloa i napamalo lakou.

Matthew 23:6

Nakama la ehihai inoho ma nakama hamakua iloko nahale loku ia ma naꞌailana.

Matthew 24:51

Kena kama hamakua la meilili kia kama saꞌino la, kena ihaise kama la ikaha, nonoho i keꞌina halono lihu ma nakama kakala uhiuhi la. Kena nakama la meikanikani nohaꞌaki naniho lakou.

Matthew 5:18

Anau eme aku kehamaoni. Kevaelani ma kemaalama nei ameoki, ia nikamaa kakala nakuaa la selavaa keoki. Hanokae keualoko namea la hakoa meihuli mai nohamaoni.

Matthew 6:16

“Kulana okou meihasese hiꞌai, okou seiꞌila haaloha naꞌalemaka okou, poi nakama eahu. Nakama la eꞌilaꞌila haaloha naꞌalemaka lakou iꞌike alakama pela lakou ehasese hiꞌai. Anau eme aku kehamaoni. Nakama la nako avale nakuhana lakou.

Matthew 6:3

Ia kulana okou ehoꞌi aꞌe nakama haaloha, okou isehuli aꞌe nikama iꞌike nia okou ehoꞌi aꞌe la.

Matthew 6:5

“Kulana okou meiloku, okou isekaukali nakipukipu nakama eahu. Nakama la hihai ikuu iloko nahale loku ia ma naꞌina eꞌapi kekama noloku hamaloa. Pela keonohenua la meiꞌike lakou eloku. Anau eme aku okou kehamaoni. Nakama la nako avale nakuhana lakou.

Matthew 7:5

Aꞌoe ekakala uhiuhi oia. Sau keunaloko laꞌau emau naꞌalemaka aꞌoe na ikaha. Kena aꞌoe melavaa keꞌike laoi nopisi kaꞌele iloko keꞌalemaka kaina aꞌoe la.

Mark 12:39

Nakama la ehihai inoho ma nakama hamakua iloko nahale loku ia ma naꞌailana.

Mark 7:6

Kena iko Jesus ime aꞌe “Okou ekakala uhiuhi. Hea Isaiah nikakaa mai imua nohuli aꞌe nakipukipu okou la ame konu oia. ‘Nakama na emea ma lakou ehamaha i anau, Ia nahakaꞌoko lakou emao haeꞌo ikaha manau.

Luke 11:41

Okou ihoꞌi aꞌe naola okou ikonaꞌi nakama haaloha, kena naola okou memakahua hamaoni.

Luke 11:43

“Okou naFarasi meihalono lihu haeꞌo, maikinimea okou hihai inoho ma nakama hamakua iloko nahale loku, ia okou hihai keonohenua la ihamamaha okou valoko kemakaꞌina.

Luke 12:33

Au aꞌe naheheaꞌu okou isui alakama, kena hoꞌi aꞌe namoni la i nakama haaloha. Ia kena okou meiko namuliopu moni kela selavaa kekuai. Ia namea kaualeꞌa okou i kevaelani meselavaa keoki. Nakama ailalao selavaa kekae keꞌina la. Ia selavaa nalolona keꞌai namalo la.

Luke 12:56

Ia okou ekakala uhiuhi. Okou emakino laoi namea kela okou eꞌike i kemaalama nei ia ma kevaelani. Okea okou semakino namea kela ehuli aku vahonei?

Luke 13:15

Kena iko Kealiꞌi ime aꞌe, “Okou ekakala uhiuhi oia. Okou haunu namanu okou i keaho kapu. Okou eveke namanu okou la, kena ihakaꞌi namanu la ikaha ma kama hale la nohaunu.

Luke 20:46

“Lolosi hamakonu nakama polopolo nakuaa. Nakama la hihai hahao naauꞌahu loloa kaualeꞌa, ihamaha lia lakou valoko namakaꞌina. Nakama la ehihai inoho ma nakama hamakua iloko nahale loku ia ma naꞌailana.

Luke 6:24

Ia okou nakama hai heheaꞌu meihalono lihu, maikinimea okou nako avale nakuhana okou.

Luke 6:42

Kena aꞌoe sekau keme aꞌe kaina aꞌoe la pela, ‘Kaina, hamai ipisi kaꞌele emau keꞌalemaka aꞌoe na.’ Ia aꞌoe soꞌoe seꞌike keunaloko laꞌau emau keꞌalemaka aꞌoe la. Aꞌoe ekakala uhiuhi oia. Aꞌoe ekau kesau keunaloko laꞌau emau keꞌalemaka aꞌoe na imua. Kena aꞌoe meꞌike laoi nopisi kaꞌele emau keꞌalemaka kaina aꞌoe la.

John 13:29

Alakama ehakaꞌoko pela ma Jesus emea Judas ihaele nosui hea lakou hihai keꞌai la. Ia ehoꞌi aꞌe nimea ma nakama haaloha la. Mai Judas elolosi kemuli opu namoni lakou.

John 5:41

“Anau sehihai keonohenua la ihamaha mai anau.

John 5:44

Okou hihai keonohenua la ihamaha okou. Ia okou sehai namahi okou pela Keakua amehamaha okou. Kena okou meihakina nakakala Keakua la pehe?

John 7:18

Poi hekama ehihai ikakala kehakaꞌoko aia soia, kama la ehihai keonohenua ihamaha i aia. Hano hekama ehihai ihamaha kekama kela ehaunalia iho aia la, kena kama la ekonu kahi hamaoni.

Acts 10:2

Haimakua Cornelius la hakoa ekaukali nakipukipu Keakua, kena ihamalumalu i kama la. Cornelius ehoꞌi aꞌe namoni aia la ikonaꞌi nakama haaloha, ia eloku kahi Keakua.

Acts 10:31

Kama la eme mai, ‘Cornelius, Keakua elono naloku aꞌoe, ia eꞌike hea aꞌoe ehoꞌi aꞌe i nakama haaloha la, kena kama la ealoha i aꞌoe.

Acts 10:4

Keualoko Cornelius eꞌila aꞌe ke{enselo} la, kama la umakaꞌu, kena ime aꞌe, “Kealiꞌi, aꞌoe hamai noa?” Ke{enselo} la ume aꞌe, “Keakua elono naloku aꞌoe, ia eꞌike hea aꞌoe ehoꞌi aꞌe i nakama haaloha la, kena kama la ealoha i aꞌoe.

Acts 11:29

Nahakina ana la ehakaꞌoko pela ikonaꞌi nahakina ana kela enoho i Judea. Kama ma kekama ehoꞌi aꞌe hea ekau maia.

Acts 24:17

“Anau enoho i naꞌina emao la komaꞌi nahekau. Ia kena anau uvaꞌai mai i Jerusalem ihoꞌi aꞌe namoni ikonaꞌi nakama makou ehaaloha la, ia ihamalumalu Keakua.

Acts 9:36

Kela hehine ekaukali Jesus enoho i Joppa, kanamale Tabitha. Ia kemale aia i Greek esui Dorcas. Kehine la ehoꞌi aꞌe namoni aia, ia epena kahi namea kaualeꞌa ikonaꞌi nakama haaloha la.

Romans 12:8

Ia poi kama la eau mai namahi kehapulupulu alakama, kena kakou ihapulupulu nakama la hoi. Ia poi kama la eau mai namahi kevavae naheheaꞌu kakou, kena kakou iaumalie kevavae aꞌe namea la. Ia poi kama la eau mai namahi kelolosi alakama, kena kakou ilolosi hakaualeꞌa nakama la. Ia poi kama la eau mai namahi kememe halaoi alakama, kena kakou ihihia kememe halaoi nakama la.

1 Corinthians 13:3

Niaina anau evavae aꞌe naheheaꞌu anau la hakoa ikonaꞌi nakama haaloha la. Ia niaina anau ehoꞌi aꞌe kinokama anau nohalono lihu.*f6* Ame anau selaoi alakama, namea la selavaa kekonaꞌi anau.

Galatians 2:10

Nakama la eme mai maua imanaku nokonaꞌi nakama haaloha i Jerusalem. Ia anau hihai ikonaꞌi nakama haaloha la hoi.

Ephesians 4:28

Nakama kela ailalao, ihamau keailalao lakou la, ia uꞌamaka noheheaꞌu hakaualeꞌa ma nalima lakou. Ilavaa lakou kekonaꞌi nakama haaloha.

1 Thessalonians 2:6

Makou seme pela okou ihamalu mai makou, ia makou seme pela alakama ihamalu mai makou hoi.

1 Timothy 6:18

Me aꞌe nakama la iheheaꞌu mahi, ia ipena kahi namea kaualeꞌa, kena iaumalie kevavae aꞌe namea lakou la.

Philemon 1:7

Kaukaina, aꞌoe ihapulupulu mai anau ihihia, maikinimea aꞌoe ehuli aꞌe kelaoi aꞌoe i nakama ekapu Keakua la, ilolosi hakaualeꞌa lakou.

Hebrews 13:16

Ia okou isesili kememe halaoi alakama, kena ivavae namea kaualeꞌa ikonaꞌi nakama la. Maikinimea ala nihoꞌi kela Keakua ehihai la.

1 Peter 4:11

Ame hekama okou ekakala aꞌe alakama, kama la ikau kekakala ehau poi Keakua ekakala la. Ia ame hekama okou ekonaꞌi alakama, kama la ipena kaukali namahi kela Keakua niau aꞌe i aia. Ia kena kakou hakoa mehamaha kahi Keakua, ia ehamalumalu kama hananiu la i namahi Jesus Christ naualoko hamau. Amen.