Matthew 6:16 - Luaniua New Testament

¹⁶ “Kulana okou meihasese hiꞌai, okou seiꞌila haaloha naꞌalemaka okou, poi nakama eahu. Nakama la eꞌilaꞌila haaloha naꞌalemaka lakou iꞌike alakama pela lakou ehasese hiꞌai. Anau eme aku kehamaoni. Nakama la nako avale nakuhana lakou.

Matthew 6:16 Iomraidhean Croise

Matthew 6:1

“Lolosi hamakonu. Okou isehaiꞌahi ma okou ekonu imua namaisu keonohenua ihamaha lia lakou. Aoki Kamana okou i kevaelani ameseau aku nakuhana okou.

Matthew 6:2

“Kena kulana okou ehoꞌi aꞌe namea i nakama haaloha, okou isekaukali nakipukipu nakama eahu la. Nakama la ehaiꞌahi ma lakou nikama kaualeꞌa. Kela hea nakama la eili kepuu keualoko lakou eau aꞌe nahoꞌi lakou, pela keonohenua la mehamaha lakou iloko hale loku, ia ihamaha lakou hoi valoko keala. Anau eme aku kehamaoni. Nakama eahu la nako avale nakuhana lakou.

Matthew 6:5

“Kulana okou meiloku, okou isekaukali nakipukipu nakama eahu. Nakama la hihai ikuu iloko nahale loku ia ma naꞌina eꞌapi kekama noloku hamaloa. Pela keonohenua la meiꞌike lakou eloku. Anau eme aku okou kehamaoni. Nakama la nako avale nakuhana lakou.

Mark 2:18

Nakama kaukali John la ia ma naFarasi la ehasese hiꞌai. Kena alakama uo nome aꞌe Jesus, “Aiea nakama kakaꞌa ma John la, lakou ma nakama kakaꞌa ma naFarasi la ehasese hiꞌai, ia nakama kaukali aꞌoe la eꞌai oia?”

Luke 18:12

Anau hasese hiꞌai saualoko iloko kelakapu hokahi. Ia anau ehoꞌi aku kana hasehui namea anau eko la.’

Luke 2:37

kena keꞌavana aia la umake. Kena kehine la unoho kaukuaha nokae kipuvalu ma haa nahekau kemakua aia. Keaho ma kepo, Anna enoho iloko hale kapu la iheheaꞌu ma Keakua, sehaele imaka hale. Kama la eloku kahi, ia hasese hiꞌai.

Acts 10:30

Ia kena Cornelius ume aꞌe, “Heluaoa naaho ulaꞌa, keualoko kekolu keiahi, anau eloku iloko hale anau nei. Vahola, hekama ekuu imua anau, pamalo aia la eꞌivaꞌiva.

Acts 14:23

Koꞌolua la ehasese hiꞌai ia ekauhano keloku ihilihili nakama i hamakua nahale loku la. Nakama hamakua la ehakina Kealiꞌi, kena koꞌolua la ehakapu nakama la ikaukali kama la.

1 Corinthians 7:5

Ia poi sakoꞌolua la ehakaꞌoko pela laua isemoe hakoa kamaualoko noloku aꞌe Keakua, ame kaualeꞌa oia. Kena imuli, sakoꞌolua la ivaꞌai muli nonoho hakoa. Ia sakoꞌolua la ikuꞌu konu naola laua, aoki hekama laua ukaoleole hia Satan nopaa ma kelaa kama.

2 Corinthians 11:27

Anau eheheaꞌu haimahi haeꞌo, ia kena anau sehiualoko meimoe. Komaꞌi naualoko anau seisi naꞌai meiꞌai, ia sehivai kea meiunu. Ia anau ehasese hiꞌai. Ia komaꞌi keualoko anau esamalio, ia sehipamalo keleleu.

2 Corinthians 6:5

Alakama eliliꞌi maua, nopono lia maua i kelokapu. Ia alakama ehakui maua ikaha. Nakinokama maua ekahi keheheaꞌu mahi. Ia maua semoe kepo, kena hiꞌai hoi.