Matthew 5:9 - Luaniua New Testament

⁹ Nakama kela enoho halaoi ma alakama mehakapu lia Keakua. Maikinimea nakama la nikamaliꞌi Keakua.

Matthew 5:9 Iomraidhean Croise

Matthew 5:45

Kena okou ume mo kamaliꞌi Kamana okou i kevaelani. Keakua elolosi nakama kemaalama nei hakoa. Kama la ehamasina kelaa iluna nakama kaualeꞌa ma nakama saꞌino. Kama la eau iho keua iluna nakama ekonu ia ma nakama sekonu.

Matthew 5:48

Okou ekau kekonu kahi, ihau poi Kamana okou i kevaelani la ekonu kahi.

Luke 6:35

“Ia okou ilaoi nakama haihai manava okou la. Konaꞌi nakama la, ia sehakaꞌoko pela iko muli nimea. Kena kuhana okou melahi. Ia okou meme mo kama Keakua ialuna. Keakua ealoha nakama saꞌino ma nakama aimake.

Acts 7:26

Kela aho, Moses eꞌike sakoꞌolua nakama haIsrael evuhu, kena ihaele aꞌe nohamau koꞌolua la isevuhu, kena ime aꞌe, ‘Aukaina, olua hanau oia. Aiea olua evuhu naea?’

Romans 12:18

Poi okou elavaa kenoho laoi ma alakama, kena ekaualeꞌa pela okou inoho laoi ma nakama na.

Romans 8:14

Nakama kela ekaukali Keanana Kapu, ala nikamaliꞌi hamaoni Keakua.

Romans 8:16

Keanana Kapu la ehaꞌali mai naanana kakou, pela kakou nikamaliꞌi Keakua.

Romans 8:19

Keakua epena namea hakoa. Ia namea la ehakali ma Keakua ihuli aꞌe pela nakamaliꞌi aia la ehananiu.

1 Corinthians 6:6

Ia vahonei, hekama iloko keukulana okou na eko kaina aia la noꞌave imua namaisu nakama sehakina keloku la nohakonukonu lia.

2 Corinthians 13:11

Aukaina. Anei nakakala haoki anau. Keakua elaoi okou, ia emea okou inoho laoi. Kena okou ikau kehihia, ia hakea naola okou ihakina hamaoni. Halono nakakala anau nei. Okou io mai hakaꞌoko hokahi, kena inoho laoi hakoa. Kena Keakua menoho kahi ma okou.

2 Corinthians 5:20

Ia kena maua nipalekuꞌu Christ. Kena keualoko maua ekakala aku okou, eme pela Keakua soia ekakala aku okou. Maua eme aku okou i kemale Christ, pela okou ivaꞌai muli aꞌe nosoa laoi ma Keakua.

Galatians 5:22

Ia amea kakou ekaukali nakipukipu kaualeꞌa Keanana Kapu, kena kakou melaoi alakama, mehihia kahi, menoho laoi, mevalekoa, mealoha alakama, mekaualeꞌa, ia mehakina hamaoni.

Ephesians 4:1

Anau epono kia iloko kelokapu, maikinimea anau eheheaꞌu ma Kealiꞌi. Ia kama la nianaa aku okou iheheaꞌu ma aia hoi. Ia kena anau ekakala hapulu aku okou ikaukali nakipukipu keola kela ekau ma nakama heheaꞌu aia la.

Philippians 4:2

Ia anau eme aꞌe Euodia laua ma Syntyche inoho laoi, poi nikama Kealiꞌi.

Colossians 3:13

Okou imanava aloha i alakama. Ia poi hekama ehai saꞌino kelaa kama, kena koꞌolua la ihaialoha solaua. Kealiꞌi nahaialoha avale okou, ia kena okou hoi ihaialoha soꞌokou.

Hebrews 12:14

Okou ihaꞌike kenoho laoi ma alakama, ia hakea naola okou. Pela okou melavaa keꞌike Kealiꞌi.