Matthew 5:4 - Luaniua New Testament

⁴ Nakama kela epali mehakapu lia Keakua. Maikinimea Keakua meihapoꞌi aꞌe nakama la.

Matthew 5:4 Iomraidhean Croise

Luke 16:25

“Kena iko Abraham ime aꞌe, ‘Kaukama, aꞌoe emanaku keola aꞌoe imua la? Saika la, aꞌoe ekuku laoi, ia Lazarus ekuku haeꞌo. Ia vahonei, anau ehapoꞌi Lazarus inei, ia aꞌoe ehalono lihu i keꞌina keahi la.

Luke 6:21

Okou nahiꞌai ana mehakapu lia Keakua, maikinimea naola okou meꞌakoa. Okou nakani ana vahonei mehakapu lia Keakua, maikinimea okou meiꞌaka.

Luke 6:25

Okou nakama eꞌai kaualeꞌa meihalono lihu. maikinimea okou mehiꞌai haeꞌo. Okou puaꞌa aka alakama meihalono lihu. maikinimea okou mekani nokipuaina.

Luke 7:38

Kena kehine la uhaele aꞌe nokuu kevahi Jesus nokani kani. Naleimaka aia emaoha iluna nakapuae Jesus. Kena iko kehine la ikoukuli ilalo ihapaupaꞌu nakapuae Jesus keloulu aia, kena ivaisoni nakapuae kama la. Kena iko kelo la noamusi nakapuae Jesus.

Luke 7:50

Kena iko Jesus ime aꞌe kehine la, “Anau konaꞌi aꞌoe, maikinimea aꞌoe ehakina. Haele. Aꞌoe menoho laoi.”

James 1:12

Poi hekama ekili namea hainakaa, kena ikuu mau, kama na meihakapu lia Keakua. Keakua mehihai nakipukipu kama na, kena meau aꞌe kama na keola eola kahi. Keakua ekakala hamaoni pela iau aꞌe keola la i nakama kela elaoi i aia.

Revelation 21:4

Ia kama la meisolo naleimaka nakama la ikaha. Ia kena sehikama memake, ia sehikama mepali. Sehikama mekanikani, ia sehikama mehalono lihu. Maikinimea nakipukipu imua la uo nolano.”