Matthew 5:3 - Luaniua New Testament

³ “Nakama kela ekipuaina pela lakou ehaaloha mehakapu lia Keakua. Maikinimea kenoholana kevaelani heꞌina nakama la.

Matthew 5:3 Iomraidhean Croise

Matthew 11:25

Kena Jesus eme aꞌe, “Anau hamaha i aꞌoe Kamana, Kealiꞌi kevaelani ia ma kemaalama nei. Maikinimea aꞌoe ehuu namenei ikaha ma nakama kela ehakaꞌoko pela lakou ailoa, ia ehaꞌali aꞌe namenei i nakama sehimea ailoa.

Matthew 11:6

Poi hekama esenapa i nakipukipu anau nei, kena kama na mehakapu lia Keakua.”

Matthew 13:16

“Ia okou ehakapu lia Keakua, maikinimea naꞌalemaka okou la eꞌike, ia nakalina okou la elono.

Matthew 19:14

Kena Jesus eme aꞌe, “Kiaꞌi nakamaliꞌi na io mai anau. Okou isepui nakamaliꞌi na. Maikinimea kenoholana kevaelani heꞌina nakamaliꞌi na.”

Matthew 24:46

Kaualeꞌa pela kama hamakua aia la ehamai nolave kama heheaꞌu la elolosi nakama la.

Matthew 25:34

“Kena kekuꞌu la meime aꞌe nakama kela enoho i kevahi laua aia la, ‘Omai. Okou ehakapu lia Kamana anau la. Imua keꞌamaka kemaalama nei, Keakua ekanakana naꞌina okou iloko kenoholana aia. Omai, noko nakuhana okou la.

Matthew 3:2

John eme aꞌe, “Kiꞌe ikaha ma nahaisala okou, maikinimea Keakua kevaelani mehamai nohamakua kenoholana aia.”

Matthew 8:11

Anau eme aku okou, komaꞌi nakama enoho pouli kemaalama nei meio noꞌai lakou ma Abraham, Isaac, ia ma Jacob iloko kenoholana kevaelani.

Mark 10:14

Ia keualoko Jesus uꞌike nakama kaukali aia la epui nakamaliꞌi la iseo aꞌe, kama la eloko, kena ime aꞌe, “Kiaꞌi nakamaliꞌi na io mai anau. Okou isepui nakamaliꞌi na. Maikinimea kenoholana Keakua heꞌina nakamaliꞌi na.

Luke 11:28

Kena iko Jesus ime aꞌe, “Emeia Keakua mehakapu nakama kela elono nakakala aia, kena ikaukali la.”

Luke 18:14

“Anau eme aku okou, keualoko kama aoao na{kakisi} la uvaꞌai i hale aia, kama la ekonu i namaisu Keakua. Ia keFarasi la esekonu i namaisu Keakua. Pena hekama ehakanaka soia ihananiu, kela kama meikuu kama na nomoulalo. Ia pena hekama ekuu soia nomoulalo, kela kama mesapai kama na ihananiu.”

Luke 22:29

Kena anau meikini okou ilolosi nanoholana okou, ehau poi Kamana anau ekini anau ilolosi kenoholana anau.

Luke 22:30

Ia kena okou meiꞌai ia meiunu manau iloko kenoholana anau la. Vahola, okou meinoho i nanoholana okou la, ihakonukonu sehui ma lua naꞌaha Israel.

Luke 4:18

“Keanana Kapu Keakua enoho manau. Keakua eau mai namahi anau ikaukaꞌu kelono kaualeꞌa i nakama haaloha. Keakua ehaunalia mai anau nome aꞌe naonohenua hakoa pela aia meihasao nakama epono kia; Kena ime aꞌe nakama eseni pela lakou meilavaa keꞌike muli; Kena ihakana nakama haaloha ikaha ma namahi nakama hakanaka;

John 20:29

Ko Jesus ime aꞌe kama la, “Aꞌoe uꞌike anau, kena aꞌoe uhakina. Ia alakama seꞌike anau, ia ehakina oia. Nakama la mehakapu lia Keakua.”

James 1:10

Ia poi hekama ehaimoni, kama na ekau kehihia hoi. Maikinimea kama na hekama moulalo hamaoni. Niaina kama la ehaimoni, kama la memake oia, ehau poi naꞌauke naveve la.

James 1:12

Poi hekama ekili namea hainakaa, kena ikuu mau, kama na meihakapu lia Keakua. Keakua mehihai nakipukipu kama na, kena meau aꞌe kama na keola eola kahi. Keakua ekakala hamaoni pela iau aꞌe keola la i nakama kela elaoi i aia.

James 2:5

Aukaina. Halono mai. Keakua ehilihili nakama haaloha i kemaalama nei ihakina haimahi aia, pela nakama la mehamakua i kenoholana aia la. Ia kama la ekakala hamaoni iau aꞌe kenoholana la i nakama kela elaoi aia la.

Revelation 19:9

Kena ke{enselo} la eme mai anau, “Kakaa kemenei, ‘Keakua mehakapu nakama hakoa kela aia ealu io mai i keꞌai keꞌavana Punua aia la.’ ” Ia ke{enselo} la ekakala penei hoi, “Anei nikakala hamaoni Keakua.”

Revelation 22:14

Keakua mehakapu nakama kela ehakea naola lakou. Kama la meau aꞌe nakama la kekonu iꞌai nahua kelaꞌau keola. Kena nakama la melavaa keulu iloko nakokoꞌa kemakaꞌina la.

Revelation 3:17

Okou emea ma okou ehaimoni, pela okou ekuku laoi hoi. Ia okou semakino pela naola okou la esaꞌino. Okou ehaaloha, ia ekuku haeꞌo. Naꞌalemaka okou la eseni, ia okou sehipamalo eleleu.