Matthew 5:12 - Luaniua New Testament

¹² Ia nakama la nimeme haeꞌo kia nakama hakae nakakala Keakua imua ehau pela hoi. Ia okou ekau kehihia oia, maikinimea kuhana elahi okou emoe mai i kevaelani.

Matthew 5:12 Iomraidhean Croise

Matthew 16:27

“{Kama ekipu kama} meivaꞌai iho i namahi Kamana aia la, ia ma na{enselo} aia la. Kena kama la meivavae aꞌe nakuhana nakama hakoa, ikau ma hea kama ma kekama epena la.

Matthew 6:16

“Kulana okou meihasese hiꞌai, okou seiꞌila haaloha naꞌalemaka okou, poi nakama eahu. Nakama la eꞌilaꞌila haaloha naꞌalemaka lakou iꞌike alakama pela lakou ehasese hiꞌai. Anau eme aku kehamaoni. Nakama la nako avale nakuhana lakou.

Luke 13:34

“Okou nakama i Jerusalem. Okou ekaa nakama ehakae nakakala Keakua la nomake. Kena okou emaꞌa nahaku la ikaa nakama kela Keakua nihaunalia iho la nomake. Anau hihai ihaꞌuku okou, ehau poi hemoa hine ehaꞌuku nakamaa moa aia la ilalo napaꞌau aia. Ia okou sehihai.

Luke 6:23

Ia nakipuna lakou la umeme haeꞌo kia nakama hakae nakakala Keakua imua ehau pela hoi. Ia okou ekau kehihia mahi, ilue kehihia okou, maikinimea kuhana elahi okou emoe mai i kevaelani.

Luke 6:35

“Ia okou ilaoi nakama haihai manava okou la. Konaꞌi nakama la, ia sehakaꞌoko pela iko muli nimea. Kena kuhana okou melahi. Ia okou meme mo kama Keakua ialuna. Keakua ealoha nakama saꞌino ma nakama aimake.

Acts 16:25

Paul laua ma Silas uloku nokae lakonu kepo, kena ihuhua hamaha i Keakua. Ia ala{palaseni} ehalolono nahua koꞌolua la ehua la.

Acts 5:41

Nakama heheaꞌu Jesus la uo ikaha ma kehale la. Ia nakama la ehihia lo. Maikinimea Keakua ehakaꞌoko pela lakou ekau kehalono lihu i kemale Jesus.

Romans 5:3

Niaina ma kakou ehalono lihu, kakou ehihia oia. Maikinimea nakapahala la emea kakou inoho havalekoa.

1 Corinthians 3:8

Kama kela ekoli la, ma kama sasaꞌa la, sakoꞌolua nei ehau oia. Ia Keakua mesui aꞌe sakoꞌolua nei kaukali naheheaꞌu laua epena la.

2 Corinthians 4:17

Maua ehalono lihu hamalie vahonei. Ia kena maua meihuli aꞌe namahi hananiu Keakua naualoko hamau.

Philippians 1:29

Maikinimea Keakua ekini okou ihakina ia Christ, kena ihalono lihu kulana okou ekaukali i aia.

Philippians 2:17

Okou ehakina Keakua, kena ehoꞌi aꞌe naola okou iheheaꞌu ma kama la. Ia anau eheheaꞌu ma kama la poi okou la hoi. Niaina anau ame halono lihu nomake i keheheaꞌu la, anau mehihia maꞌokou oia.

Colossians 1:24

Imua, Christ ehalono lihu nokonaꞌi okou nahakina ana, mai okou kinokama aia. Ia vahonei, anau ekauhano kehalono lihu nokonaꞌi okou hoi. Ia niaina, anau enoho hihia oia,

Colossians 3:24

Ia okou emakino pela okou eheheaꞌu ma Kealiꞌi Christ, ia kama la soia meiau aku okou nakuhana okou la.

1 Thessalonians 2:15

Nakama ha{Jiu} la ekaa Kealiꞌi Jesus ia ma nakama hakae nakakala Keakua imua la nomake. Ia nakama la ehaise makou ikaha ma namakaꞌina lakou la hoi. Nakama la ehakauoki ma nakama hakoa, kena ipena namea kela Keakua sehihai la.

Hebrews 10:34

Vahola, okou ealoha nakama kela epono kia iloko kelokapu. Ia keualoko alakama eko naheaꞌu okou la, kena okou ehihia oia. Maikinimea okou namakino avale pela namea kaualeꞌa lo emoe kali mai okou i kevaelani. Ia namela memoe kahi naualoko hamau.

Hebrews 11:26

Ia niaina ma aia enapa, kama la ehihai ikaukali Christ. Maikinimea aia sehakaꞌoko maha namea kaualeꞌa Egypt la. Emeia kama la ehakaꞌoko maha kuhana aia meiko la.

Hebrews 11:33

Nakama la ehakina hamaoni Keakua, kena elaꞌa kevuhu ma alahenua, kena ilolosi laoi nahenua la i nakipukipu ekonu. Ia kena nakama la eko namea kela Keakua eme aꞌe lakou la. Nakama la hoi epui napuꞌua nasalau leikama elahi la.

Hebrews 11:6

Poi hekama sehakina Keakua, kena Keakua mesehihai nakipukipu kama na. Ia poi hekama ehihai ihaele nohakapili aꞌe Keakua, kena kama na ekau kehakina pela Keakua eola, ia ehakina hoi pela Keakua meau aꞌe nakuhana i nakama kela esee i aia la.

James 1:2

Aukaina. Keualoko nakapahala la mekae aku i okou, okou ekau kehihia oia.

James 5:10

Aukaina. Okou imanaku nakama kela ehakae nakakala Keakua la. Nakama la ekakala i kemale Kealiꞌi. Ia niaina ma nakama la ehalono lihu, nakama la oinoho havalekoa oia.

1 Peter 4:13

Emeia okou ekau kehihia. Maikinimea okou ehalono lihu poi Christ la hoi. Kena okou mehihia lo keualoko Christ meivaꞌai mai muli i namahi aia.