Matthew 4:23 - Luaniua New Testament

²³ Jesus ehaele hakiꞌe namakaꞌina hakoa i Galilee noaoaꞌo iloko nahale loku lakou, kena ikaukaꞌu kelono kaualeꞌa kenoholana ialuna. Ia konaꞌi hoi nakama lavea namahana hakoa nokaualeꞌa.

Matthew 4:23 Iomraidhean Croise

Matthew 11:5

Eme pela, ‘Nakama alemaka seni la uꞌike, Nakama navae make la uhahaele, Nakama elavea kemahana {leprosi} la ukaualeꞌa, Nakama naakalina kuli la ulono muli, Nakama emake la umasiꞌe ikaha ma kemake, Ia nakama haaloha ehalono kelono kaualeꞌa Keakua.’

Matthew 12:9

Jesus ukiaꞌi keꞌina la, kena ihaele iloko hale loku na{Jiu} la.

Matthew 13:19

Nahua emaoha i keala ehau poi nakama kela elono nakakala kenoholana Keakua, ia semakino laoi. Satan uhaele aꞌe nohakiꞌe nahakaꞌoko nakama la isili nakakala Keakua la.

Matthew 13:54

Kena ivaꞌai muli i kemakaꞌina aia la noaoaꞌo keonohenua la iloko hale loku lakou la. Nakama ehalono la emasalo i nakakala Jesus, kena ivasisili solakou, “Kama nei eko kehakaꞌoko la ihee? Oai kekama eau aꞌe aia namahi elahi la?

Matthew 14:14

Kulana Jesus uhau iuka, kama la uꞌike keonohenua elahi la, kena ialoha haeꞌo nakama la, kena ikonaꞌi nakama lavea la nokaualeꞌa.

Matthew 24:14

Nakama kaukali anau la meikaukaꞌu aꞌe kelono kaualeꞌa kenoholana Keakua i nakama kemaalama nei hakoa, kena nakama la hakoa meilono i anau. Kena kehaoki kemaalama nei mekae mai.

Matthew 3:2

John eme aꞌe, “Kiꞌe ikaha ma nahaisala okou, maikinimea Keakua kevaelani mehamai nohamakua kenoholana aia.”

Matthew 9:35

Jesus uhaele hakiꞌe namakaꞌina hakoa, noaoaꞌo kelono kaualeꞌa kenoholana Keakua iloko nahale loku la, kena ikonaꞌi nakama elavea nokaualeꞌa hakoa.

Mark 1:14

Kulana John Baptist nipono kia iloko kelokapu la, Jesus uhaele i Galilee nokaukaꞌu aꞌe kelono kaualeꞌa Keakua.

Mark 1:21

Jesus ia ma nakama kaukali aia la uo i Capernaum. Kena keualoko keaho kapu, Jesus ehaele i hale loku noaoaꞌo keonohenua la.

Mark 1:39

Kena Jesus uhaele valoko Galilee nokaukaꞌu iloko nahale loku namakaꞌina la, kena ihakui nakipua saꞌino la ikaha.

Mark 3:10

Kama la uoki kekonaꞌi komaꞌi nakama la nokaualeꞌa, ia kena komaꞌi nakama lavea ehihai ikaohi Jesus imea lakou ikaualeꞌa hoi.

Mark 6:2

I keaho kapu, Jesus eaoaꞌo iloko hale loku. Nakama kela ehalono la emasalo i nakakala Jesus la, kena ivasisili solakou, “Kama nei eailoa nahakaꞌoko la pehe? Kama nei emakonu lo, kena elavaa kehuli aꞌe namahi Keakua.

Mark 6:6

Ia Jesus emasalo haeꞌo hoi, maikinimea nakama la sehakina. Kena Jesus uhaele noaoaꞌo i namakaꞌina ekapili aꞌe la.

Luke 10:9

Konaꞌi nakama lavea la, kena ime aꞌe nakama la hakoa, ‘Vahonei Keakua ukapili ihamakua okou.’

Luke 13:10

Kela heaho kapu, Jesus eaoaꞌo iloko hale loku.

Luke 16:16

“Imua, keonohenua la ehalono nakuaa Moses ia ma nakama hakae nakakala Keakua la. Ia keualoko John nihamai nokaukaꞌu, keonohenua la ehalono kelono kaualeꞌa kenoholana Keakua. Kena keonohenua la ehai namahi lakou iulu kenoholana la.

Luke 20:1

Kela heaho, Jesus eaoaꞌo keonohenua la iloko hale kapu, kena ikaukaꞌu kelono kaualeꞌa. Vahola, namaakua hamakua ia ma nakama polopolo nakuaa, lakou ma nakama hamakua na{Jiu} la eo aꞌe ia Jesus,

Luke 4:14

Jesus uvaꞌai muli i Galilee, ma namahi Keanana Kapu. Ia kena kelono Jesus upalalaha i namakaꞌina la hakoa.

Luke 5:17

Kela heaho, Jesus eaoaꞌo keonohenua la. NaFarasi lakou ma nakama polopolo nakuaa enoho ilaa hoi. Nakama la eo mai Jerusalem, ia ma namakaꞌina iloko Galilee laua ma Judea. Keakua eau aꞌe namahi Jesus ikonaꞌi nakama lavea la.

Luke 6:17

Jesus ma nakama kaukali aia la uo ilalo kemouna nokae keꞌina hanakahi. Komaꞌi nakama ehaꞌuku i keꞌina la; ala nikama keonohenua elahi kela ekakaꞌa ma Jesus, naonohenua Jerusalem laua ma Judea, lakou ma naonohenua namakaꞌina kela ekuu vakai kapili aꞌe Tyre laua ma Sidon.

Luke 6:6

Kela heaho kapu, Jesus ehaele iloko hale loku noaoaꞌo. Kela hekama kelima laua aia epiꞌo la enoho ilaa hoi.

Luke 7:21

Saika la ia, Jesus ekonaꞌi komaꞌi nakama lavea ia ma nakama ehalono lihu namahana, ia ma nakama ekau lia nakipua saꞌino. Kama la ekonaꞌi komaꞌi nakama alemaka seni la noꞌike hoi.

Luke 7:22

Kena iko Jesus ime aꞌe koꞌolua nakama kaukali John la, “Vaꞌai muli nome aku John hea olua eꞌike, ia hea olua elono. Nakama alemaka seni la uꞌike, Nakama navae emake la uhahaele. Nakama elavea kemahana {leprosi} la ukaualeꞌa, Nakama akalina kuli la ulono muli, Nakama emake la umasiꞌe ikaha ma kemake, Ia nakama haaloha la ehalono kelono kaualeꞌa Keakua.

Luke 8:1

Kena imuli, Jesus uhaele valoko namakaꞌina elahi ma namakaꞌina soliꞌi ikaukaꞌu kelono kaualeꞌa kenoholana Keakua. Sehui ma lua nakama kaukali aia la ekaꞌa lakou hoi.

Luke 9:11

Ia keualoko keonohenua la umakino keꞌina Jesus ehaele la, nakama la ekaukali vamuli kama la. Ko kama la ikakala hakaualeꞌa keonohenua la, kena ime aꞌe nakama la nakipukipu kenoholana Keakua, kena ikonaꞌi nakama lavea la nokaualeꞌa.

Luke 9:60

Ia Jesus eme aꞌe kama la, “Nakama kela seiko keola hamaoni la ekau kekanu nakama emake. Ia aꞌoe uhaele nokakala pela Keakua mehamai nohamakua kenoholana aia la.”

John 18:20

Ko Jesus ime aꞌe, “Anau ekakala nolono nakama iloko naꞌina hakoa, kena iaoaꞌo naukulana na{Jiu} iloko nahale loku lakou ia ma hale kapu la hoi. Ia anau sehiualoko ehuu nakakala anau.

John 6:59

Jesus eaoaꞌo penei iloko hale loku na{Jiu} la i kemakaꞌina Capernaum.

John 7:1

Kena Jesus uhaele valoko Galilee. Ia kama la sehihaele muli i Judea, maikinimea nakama hamakua na{Jiu} la ehihai ikaa aia imake.

Acts 10:38

Keakua ehakapu Jesus kela i Nazareth ma namahi Keanana Kapu, kena inoho ma kama la. Kena Jesus uhaele nopena namea kaualeꞌa, ia ikonaꞌi nakama kela elepokia namahi Satan.

Acts 18:4

Naaho kapu la hakoa, Paul ekakala iloko hale loku na{Jiu} la ipolopolo aꞌe na{Jiu} lakou ma nakama haGreek la.

Acts 20:25

“Anau ehamai ikaukaꞌu aku okou nakipukipu kenoholana Keakua. Ia anau eailoa pela okou meiselavaa keꞌike muli anau hoi.

Acts 28:31

Kama la esemakaꞌu kekaukaꞌu nakipukipu kenoholana Keakua, ia iaoaꞌo nakipukipu Kealiꞌi Jesus Christ. Kena sehikama hoi epui kama la.