Matthew 4:12 - Luaniua New Testament

¹² Keualoko Jesus nilono pela nakama hamakua la ukaohi John Baptist nopono iloko kelokapu, Jesus uvaꞌai muli i Galilee.

Matthew 4:12 Iomraidhean Croise

Matthew 11:2

Keualoko la, John Baptist nipono iloko kelokapu. Ia kama la elono pela keMesaea ehuli aꞌe namahi aia i alakama. Kena John ehaunalia nakama kaukali aia la novasili aꞌe Jesus.

Matthew 14:3

Kemenei esala mai imua, pela Herod eailalao noꞌavana Herodias, keꞌavana kaina aia la, Philip. Ia kena Herod ume aꞌe napulepule aia la ikaohi John nosaisai, kena ipono kama la iloko kelokapu.

Mark 1:14

Kulana John Baptist nipono kia iloko kelokapu la, Jesus uhaele i Galilee nokaukaꞌu aꞌe kelono kaualeꞌa Keakua.

Mark 6:17

Kemenei esala mai imua, pela Herod eailalao noꞌavana Herodias, keꞌavana kaina aia la, Philip. Ia kena John Baptist eme aꞌe Herod penei, “Sekonu pela aꞌoe iko keꞌavana kaina aꞌoe na.” Kena Herod ume aꞌe napulepule aia la ikaohi John Baptist usaisai, kena upono kama la iloko kelokapu.

Luke 23:5

Ia nakama la emili kahi aꞌe, “Kama la eaoaꞌo nakama Judea hakoa; amaka i Galilee hanokae keꞌina nei, pela ihuli sia nahakaꞌoko nakama la nosaꞌino.”

Luke 3:20

Ia kena Herod emamaeꞌaa John, kena ipono kama la iloko kelokapu.

Luke 4:14

Jesus uvaꞌai muli i Galilee, ma namahi Keanana Kapu. Ia kena kelono Jesus upalalaha i namakaꞌina la hakoa.

Luke 4:31

Kena Jesus uhaele i kemakaꞌina Capernaum iloko Galilee. Kena keaho kapu, kama la eꞌamaka noaoaꞌo keonohenua la.

John 1:43

Kena kelaa aho Jesus uhakaꞌoko ma ihaele i Galilee. Vahola, kama la ekili Philip. Kena iko Jesus ime aꞌe, “Kaukali mai anau.”

John 2:11

Jesus ehuli aꞌe haꞌaku amaka aia nei i kemakaꞌina Cana iloko Galilee, ihuli aꞌe namahi aia. Kena nakama ekaukali aia la uhakina i aia.

John 3:24

Keualoko la hoi, John seipono lia i kelokapu.

John 4:43

Jesus enoho i kemakaꞌina la siaoa naaho, kena ihaele i Galilee.

John 4:54

Jesus ehuli aꞌe haꞌaku hasiaoa nei keualoko aia nikiaꞌi Judea nohaele i Galilee.