Matthew 4:10 - Luaniua New Testament

¹⁰ Ia Jesus eme aꞌe Satan, “Haele ikaha manau, maikinimea nikakaa mai kelauniu kapu pela, ‘Hamalu Keakua Kealiꞌi aꞌoe, ia heheaꞌu ma kama la soia oia.’ ”

Matthew 4:10 Iomraidhean Croise

Matthew 16:23

Jesus uhakiꞌe nome aꞌe Peter, “Haele ikaha manau Satan. Aꞌoe hihai ipui anau, maikinimea aꞌoe sehakaꞌoko nakipukipu Keakua, ia aꞌoe ehakaꞌoko nakipukipu nakama oia.”

Mark 1:13

Kena kama la enoho i keꞌina la kipuhaa naaho, ikaoleole hia Satan. Namanu kakaloko enoho ilaa hoi, ia na{enselo} la eo aꞌe nokonaꞌi Jesus.

Luke 10:18

Ko Jesus ime aꞌe nakama la, “Anau eꞌike Satan ukeiho poi heꞌemo ikaha ma kevaelani.

Luke 11:18

Poi nakipua Satan ehavavaꞌee solakou, kena namahi kama la meimaseuseu. “Anau ekakala aku penei, maikinimea okou emea ma Baꞌal Zebub eau mai namahi anau ihaise nakipua la ikaha.

Luke 13:16

“Satan ekaohi kehine nei sehui ma valu nahekau. Ia kehine nei hemopuna Abraham. Ia kena Keakua ekau kehasao kama nei ikaha ma namahi Satan i keaho kapu.”

Luke 22:3

Vahola, Satan ukau iloko Judas, emale ma Iscariot, hekama iloko sanahulu ma lua nakama kaukali Jesus la.

Luke 22:31

“Simon. Satan eainoa aꞌe Keakua pela aia melavaa kehaꞌikeꞌike okou hakoa, ehau poi hekama ehilihili nahua na{uit} ikaha ma napenu la.

Luke 4:8

Ko Jesus ime aꞌe, “Ekakaa mai pela, ‘Hamaha Keakua mo Aliꞌi aꞌoe, ia heheaꞌu ma kama la soia ia.’ ”

John 13:27

Keualoko Judas eꞌai halaoa la, kena Satan ukau iloko kama la. Ko Jesus ime aꞌe Judas, “Haikaalualu!”

Acts 26:18

Anau meikalaꞌi naꞌalemaka nakama la, ia kena nakama la mekiꞌe ikaha ma kepouli, nonoho i kemasina. Pela nakama la mekiaꞌi namahi Satan, kena ukaukali Keakua. Keakua meisolo nahaisala lakou ikaha. Nakama la mehakina i anau, kena Keakua meihakea naola lakou, ia au aꞌe nakama la nakuhana lakou la.’

Acts 5:3

Kena Peter ume aꞌe Ananias, “Aꞌoe eau aꞌe keeleꞌele aꞌoe la isui kelaa kama. Ia Satan eusuusu aku aꞌoe ikaohi alamoni kesui keeleꞌele la, ihailavaꞌa Keanana Kapu.

1 Corinthians 5:5

Kena kiaꞌi kekama kela ehaihina la, pela Satan memea keola kama la nosaꞌino. Niaina ma Satan ameseu kinokama kama la, Kealiꞌi kakou la melolosi hakaualeꞌa keanana kama la i keaho kela aia mehakonukonu naonohenua hakoa.

1 Corinthians 7:5

Ia poi sakoꞌolua la ehakaꞌoko pela laua isemoe hakoa kamaualoko noloku aꞌe Keakua, ame kaualeꞌa oia. Kena imuli, sakoꞌolua la ivaꞌai muli nonoho hakoa. Ia sakoꞌolua la ikuꞌu konu naola laua, aoki hekama laua ukaoleole hia Satan nopaa ma kelaa kama.

2 Corinthians 11:14

Ia kakou isemasalo nakipukipu lakou la. Maikinimea Satan elavaa kehuli aia soia poi he{enselo} emasina lo.

2 Corinthians 12:7

Ia anau selavaa keahu i namea hananiu kela Kealiꞌi ehuli mai anau. Maikinimea kamaꞌina kinokama anau ehalono lihu. Ia kelihu la ehau poi hekama kela Satan ehaunalia iho novuhu manau.

2 Corinthians 2:11

Ia kena Satan meselavaa kehailavaꞌa kakou. Maikinimea kakou namakino avale nakaoleole aia la.

James 4:7

Ia kena okou ihalono Keakua, ia hakauꞌaa ma Satan, imea kama la ikele ikaha maꞌokou.

1 Peter 5:9

Ia okou ikuu mau i nahakina okou, ilavaa okou kevuhu ma kama la. Maikinimea okou emakino pela nakaina okou iloko kemaalama nei hakoa ehalono lihu poi okou na hoi.