Matthew 3:2 - Luaniua New Testament

² John eme aꞌe, “Kiꞌe ikaha ma nahaisala okou, maikinimea Keakua kevaelani mehamai nohamakua kenoholana aia.”

Matthew 3:2 Iomraidhean Croise

Matthew 10:7

Ia kulana okou meio, okou ikaukaꞌu penei, ‘Keakua kevaelani mehamai nohamakua kenoholana aia.’

Matthew 11:20

Kena Jesus ehai aꞌe nakama iloko namakaꞌina kela aia nihuli aꞌe namahi Keakua la. Maikinimea nakama la seikiꞌe ikaha ma nahaisala lakou.

Matthew 12:41

Keualoko Keakua meihakonukonu nakama kemaalama nei hakoa, nakama Nineveh mehakonukonu okou, maikinimea nakama Nineveh la uui ikaha ma nahaisala lakou, kulana Jonah nipolopolo aꞌe lakou. Ia anau eme aku okou, kekama hananiu iluna Jonah enoho inei nopolopolo aku okou, ia okou sehihai ihalono i aia.

Matthew 13:11

Kena iko Jesus ime aꞌe nakama la, “Keakua hihai okou iailoa nakipukipu kenoholana kevaelani kela ehunaa lia. Ia kama la sehuli aꞌe kehakaꞌoko la imakino lia alakama.

Matthew 13:24

Jesus eme aꞌe kelaa kakala hulihuli. “Kipukipu kenoholana kevaelani eme penei. Kela hekama ehaele koli nahua kaualeꞌa na{uit} la iloko paupaꞌu aia.

Matthew 13:31

Jesus eme aꞌe kelaa kakala hulihuli. “Nakipukipu kenoholana kevaelani eme penei. Kela hekama ekoli nahua holiliꞌi iloko paupaꞌu aia la.

Matthew 13:33

Jesus eme aꞌe kela kakala hulihuli. “Nakipukipu kenoholana kevaelani emea penei. Kela hehine ehilo ke{iist} iloko nahalaoa, kena ihamoe nohuka.”

Matthew 13:47

“Kipukipu kenoholana kevaelani eme penei. Kela nikama epupui keupena vakai nokau naiꞌa kaualeꞌa, ia ma naiꞌa saꞌino.

Matthew 13:52

Kena Jesus eme aꞌe nakama la, “Pena hekama epolopolo nakuaa emakino laoi nakipukipu kenoholana kevaelani, kama la mehau poi hekama hamakua kehale. Kama la ehakau namea kaualeꞌa vahonei ia ma namea kaualeꞌa kuai iloko hale kehale aia la, ia kena ivavae aꞌe alakama.”

Matthew 18:23

“Kipukipu kenoholana Keakua eme penei. Kela hekuꞌu eanaa aꞌe nakama heheaꞌu aia la ihuli aꞌe namoni aia niau aꞌe nakama la ilolosi.

Matthew 20:1

“Kipukipu kenoholana kevaelani eme penei. Kela hekama ehamakua paupaꞌu aia la. Kahaka po, kama la uhaele nosesee nakama iheheaꞌu iloko paupaꞌu aia la.

Matthew 22:2

“Kipukipu kenoholana kevaelani emea penei. Kela hekuꞌu ekanakana keꞌai keꞌavana kaupeala aia la.

Matthew 23:13

“Anau eme aku okou nakama epolopolo nakuaa ia ma okou naFarasi. Okou meihalono lihu haeꞌo. Ia okou nikama kakala uhiuhi. Okou epui nakama keonohenua la isekae kenoholana Keakua la. Kena okou soꞌokou sekae ilaa hoi.

Matthew 25:1

“Kena kipukipu kenoholana kevaelani emea penei. Kela sehui nakaupu eko naahi hakua lakou la io nohakali kekama ekapili iꞌavana.

Matthew 25:14

“Kipukipu kenoholana kevaelani emea penei hoi. Kela hekama ekanakana noholau henua emao. Kena kama la eanaa aꞌe nakama heheaꞌu aia la, kena ime aꞌe nakama la ilolosi namea aia la.

Matthew 4:17

Keualoko la, Jesus uꞌamaka nokaukaꞌu ma, “Kiꞌe ikaha ma nahaisala okou, maikinimea Keakua kevaelani mehamakua kenoholana aia.”

Matthew 4:23

Jesus ehaele hakiꞌe namakaꞌina hakoa i Galilee noaoaꞌo iloko nahale loku lakou, kena ikaukaꞌu kelono kaualeꞌa kenoholana ialuna. Ia konaꞌi hoi nakama lavea namahana hakoa nokaualeꞌa.

Matthew 5:10

“Alakama meikahao sala nakama ekonu. Ia nakama ekonu la mehakapu lia Keakua. Kenoholana kevaelani heꞌina nakama la.

Matthew 5:3

“Nakama kela ekipuaina pela lakou ehaaloha mehakapu lia Keakua. Maikinimea kenoholana kevaelani heꞌina nakama la.

Matthew 6:10

Hamai nohamakua naonohenua hakoa. Pela nakama kemaalama nei meihalono i aꞌoe Ihau poi nakama i kevaelani la ehalono i aꞌoe.

Matthew 6:33

Emeia okou ihakekele maha pela Keakua mehamakua iloko naola okou, ia hakea naola okou ikonu i namaisu aia. Ia kena Keakua meihoꞌi aku namea la hakoa.

Mark 1:15

Jesus eme aꞌe, “Vahonei, Keakua mehamakua kenoholana aia. Kiꞌe ikaha ma nahaisala okou, kena hakina kelono kaualeꞌa Keakua.”

Mark 1:4

John Baptist ehasula iho i keꞌina kukuaha, nokaukaꞌu aꞌe keonohenua la penei, “Kiꞌe ikaha ma nahaisala okou, kena anau mehaauꞌau kapu okou. Kena Keakua mesolo nahaisala okou la ikaha.”

Mark 6:12

Kena nakama heheaꞌu Jesus la uo nokaukaꞌu pela, “Okou ikiaꞌi nahaisala okou.”

Luke 1:16

Kama la mehakaꞌi komaꞌi nakama Israel Ivaꞌai muli Keakua, Kealiꞌi lakou.

Luke 11:20

Emeia anau esasaꞌa namahi Keakua nohakui nakipua saꞌino la ikaha. Ia kena okou emakino pela Keakua uhamai nohamakua kenoholana aia la.

Luke 13:3

Seai. Ia anau eme aku. Okou iui ikaha ma nahaisala okou, aoki okou hakoa amemake pela hoi.

Luke 13:5

Seai. Anau eme aku okou. Okou iui ikaha ma nahaisala okou, aoki okou amemake pela hoi.”

Luke 15:10

“Keualoko kekama haisala uui ikaha ma nahaisala aia, na{enselo} ialuna ehihia imua Keakua pela hoi.”

Luke 15:7

“Anau eme aku okou. Na{enselo} kevaelani la ehihia lo, keualoko kekama haisala uui ikaha ma nahaisala aia la. Elaꞌa iluna ma kipusivo ma sivo nakama ekonu kahi kela sehakaꞌoko ma lakou meui ikaha ma nahaisala lakou la.

Luke 16:30

Ia kama haimoni la eme aꞌe, ‘Seai kamana Abraham. Ia poi hekama emake amekuu aꞌe soia i nakama la, nakama la mekiꞌe ikaha ma nahaisala lakou.’

Luke 21:31

Kulana okou eꞌike nahaꞌaku nei hakoa ehuli mai, okou umakino pela Keakua ukapili ihamai nohamakua kenoholana aia.

Luke 24:47

Kena nakama kaukali aia la meꞌamaka i Jerusalem nokaukaꞌu aꞌe naonohenua hakoa i kemale aia, pela ikiꞌe ikaha ma nahaisala lakou, imea Keakua ihaialoha aꞌe lakou.

Luke 6:20

Kena iko Jesus iꞌila aꞌe nakama kaukali aia la, kena ime aꞌe, “Okou nakama haaloha mehakapu lia Keakua, maikinimea kenoholana Keakua heꞌina okou.

Luke 9:2

Kena Jesus ehaunalia nakama la nokaukaꞌu nakipukipu kenoholana Keakua, ia nokonaꞌi nakama lavea ikaualeꞌa.

Acts 11:18

Keualoko na{Jiu} la elono nakakala nei, nakama la uhamoku kehakauoki lakou la, ihamaha i Keakua, ia kena ikakala ma, “Keakua ukonaꞌi nakama enoho pouli la hoi ikiꞌe ikaha ma nahaisala lakou iola hamaoni.”

Acts 17:30

Imua lo, Keakua esili hia nahakaꞌoko vale keonohenua la. Ia vahonei kama la ehihai nakama i naꞌina hakoa ikiꞌe ikaha ma nakipukipu saꞌino lakou la.

Acts 2:38

Peter ume aꞌe nakama la, “Kiꞌe ikaha ma nahaisala okou, kena makou mehaauꞌau kapu okou i kemale Jesus Christ. Ia kena Keakua mesolo nahaisala okou la ikaha, kena ihoꞌi aku Keanana Kapu.

Acts 20:21

Anau ekakala aꞌe na{Jiu} ma naGreek la ikiꞌe ikaha ma nahaisala lakou, kena uhakina ia Jesus, Kealiꞌi kakou la.

Acts 26:20

Kena anau uꞌamaka nome aꞌe naonohenua la ikiꞌe ikaha ma nahaisala lakou la, nokaukali Keakua. Ia anau eme aꞌe nakama la pela lakou ekau kepena namea kaualeꞌa hoi. Kena anau eꞌamaka nokaukaꞌu i Damascus, kena iloko Jerusalem, ma naꞌina hakoa i Judea, ia ma naꞌina nakama enoho pouli la.

Acts 3:19

“Kiꞌe ikaha ma nahaisala okou. Vaꞌai muli i Keakua, kena kama la meisolo nahaisala okou ikaha,

2 Corinthians 7:10

Keualoko okou ekipuaina i nahaisala okou ikau ma kehakaꞌoko Keakua, kena okou mekiꞌe ikaha ma nahaisala okou la. Kena Keakua mekonaꞌi okou iola. Ia okou mesenapa i naola okou vahonei la. Ia poi okou ekipuaina kaukali nahakaꞌoko okou soꞌokou, kena okou meseko keola la. Okou memake oia.

Colossians 1:13

Keakua nahasao avale kakou ikaha ma namahi kepouli, kena ihanoho kakou i kenoholana kekama aia elaoi la.

2 Timothy 2:25

Ia kama la ekau kemasemu nopolopolo nakama kela ehakauoki i keaoaꞌo aia la. Ia kena Keakua meikonaꞌi nakama la iui ikaha ma nahaisala lakou, kena iailoa laoi kehamaoni,

Hebrews 6:1

Ia kena kakou ikiaꞌi naaoaꞌo hainahie la, kena iaꞌo nakipukipu Christ kela imea nahakina kakou la iivi. Kakou isevaꞌai muli naaoaꞌo imua la. Kakou naaꞌo avale pela kakou ikau kehaluu ikaha ma namea saꞌino kela ekaa kakou imake. Ia kakou emakino hoi pela kakou ikau kehakina hamaoni Keakua.

2 Peter 3:9

Ia alakama ehakaꞌoko pela ma Kealiꞌi enase kemea nakakala aia la io mai nohamaoni. Ia kama la senase. Kama la enoho kali nakama hakoa ikiaꞌi nakipukipu saꞌino lakou la. Maikinimea Keakua sehihai pela kama hokahi amelano.

Revelation 2:21

Anau enoho kali pela kehine la ikiꞌe ikaha ma nahaisala aia la. Ia kama la ehihai ikauhano kepaa huli ma nakanaka.

Revelation 2:5

Okou emanaku pela nahakina okou imua la eivi. Ia okou ukiaꞌi nahakina okou la. Kena vahonei, okou ikau kekiꞌe ikaha ma nahaisala okou la, kena ihakina, ehau poi okou nihakina imua la. Ia poi seai, anau amehaele aku i okou nosau keahi okou na ikaha ma keꞌina okou enoho la.