Matthew 26:18 - Luaniua New Testament

¹⁸ Kena iko Jesus ime aꞌe, “Kaꞌa iloko Jerusalem nome aꞌe kekama kemakaꞌina la ma, ‘KeRabai eme aku pela aia mekaohi keꞌai kePasova vahonei ma nakama kaukali aia la iloko hale kehale aꞌoe la.’ ”

Matthew 26:18 Iomraidhean Croise

Matthew 21:3

Poi hekama evasili aku, kena olua ume aꞌe, ‘Kealiꞌi hihai namanu nei kamasaika oia, kena kama la mevaꞌai aku namanu nei.’ Ia kena kama la mehaakana olua iko namanu la.”

Matthew 23:10

Nakama keonohenua la selavaa ikekapa aku okou ma, ‘Kama Hamakua,’ maikinimea keMesaea soia ehamakua okou.

Matthew 23:8

“Nakama keonohenua la isekapa aku okou ma, ‘Rabai,’ maikinimea okou nihaikaina hakoa. Kama hokahi soia eaoaꞌo aku okou.

Matthew 26:19

Nakama kaukali la ehalono hea Jesus eme aꞌe la, kena ikanakana keꞌai kePasova la.

Matthew 26:2

“Okou emakino. Imuli saaho, keonohenua la meꞌai keꞌai kePasova. Ia keaho keꞌai la, kela hekama meiau aꞌe {kama ekipu kama} i nakama eliloko kama la, ma ikii kama la iluna {kolosi} imake.”

Matthew 26:49

Saika la oia, Judas uhaele aꞌe ia Jesus, kena ime aꞌe, “Rabai,” kena iapaꞌe novaisoni Jesus.

Mark 5:35

Kulana Jesus ekakala penei, alakama kehale Jairus uo nome aꞌe kama la, “Aꞌoe iseme aꞌe keRabai na ikonaꞌi kamaliꞌi hine aꞌoe la, kamaliꞌi la umake.”

Luke 22:53

Keaho ma keaho anau enoho ma okou iloko hale kapu. Ia vahola okou sekaohi anau. Ia vahonei, okou esuꞌui ma namahi kepouli la nohamakua.”

John 11:28

Martha ekakala penei, kena ivaꞌai muli nome aꞌe kaina aia la Mary, “KeRabai ukae mai inei, kena evasili i aꞌoe.”

John 12:23

Ko Jesus ime aꞌe koꞌolua la, “Vahonei Keakua mesau ke{kama ekipu kama} ialuna.

John 13:1

Imua keꞌai kePasova, Jesus umakino pela aia mekiaꞌi kemaalama nei ivaꞌai muli Kamana. Jesus elaoi nakama kaukali aia iloko kemaalama nei, kena kama la ehuli aꞌe kelaoi hamaoni aia la nokae kehaoki.

John 17:1

Jesus uoki kekakala aꞌe nakama kaukali aia la, kena iꞌila iluna noloku aꞌe ma, “Kamana. Vahonei, kapili anau mehalono lihu. Anau kekama hamaoni aꞌoe. Kena huli aꞌe namahi anau, pela anau mehuli aꞌe namahi aꞌoe.

John 20:16

Ko Jesus ikapa kemale kehine la, “Mary.” Kena iko kehine la iꞌila aꞌe nomake Jesus, kena ime aꞌe, “Rabboni.” (Emea ma kama aoaꞌo.)

John 7:30

Kena iko nakama la ihaꞌike ma ihapiꞌi Jesus, maikinimea kama la eme pela aia ehamai Keakua. Ia sehikama ekaohi kama la, maikinimea sekae keualoko kama la meimake.

John 7:6

Kena iko Jesus ime aꞌe nakaina aia la, “Sekau pela anau ihuli aꞌe namahi anau vahonei. Ia okou ehakaꞌoko pela anau ekau kehuli aku name nei naualoko hakoa.

John 7:8

Okou io soꞌokou. Ia anau mesehaele aku i keꞌai na, maikinimea sekau pela anau ihaele vahonei.”