Matthew 26:10 - Luaniua New Testament

¹⁰ Ia Jesus unamakino avale nakakala nakama la, kena ime aꞌe, “Okou isekakala hamemea kehine na. Ekaualeꞌa pela kama na eamusi anau.

Matthew 26:10 Iomraidhean Croise

Matthew 26:11

Nakama haaloha la meinoho kahi ma okou, ia anau mesenoho ma okou naualoko kahi.

Matthew 26:9

Kaualeꞌa pela kama la iau aꞌe kelo manoni la isui alakama, kena uko komaꞌi namoni novavae aꞌe i nakama haaloha.”

Mark 14:6

Ia Jesus eme aꞌe nakama la, “Kiaꞌi kehine na! Okou isekakala hamemea kama na. Ekaualeꞌa pela kama na eamusi anau.

Luke 8:49

Keualoko kama la oikakala, kekama kehale Jairus la ukae aꞌe. Kena kama la eme aꞌe Jairus, kama hamakua keloku la, “Aꞌoe iseme aꞌe keRabai na ikonaꞌi kamaliꞌi hine aꞌoe la. Maikinimea kamaliꞌi la umake.”

2 Corinthians 9:8

Ia Keakua elolosi laoi okou i namahi aia. Pela okou mekuku laoi naualoko hakoa. Ia kena okou melavaa kepena kahi naheheaꞌu kaualeꞌa.

Galatians 1:7

Ia keaoaꞌo la esehamaoni. Nakama la ehuli sala kelono kaualeꞌa Christ, ihailavaꞌa okou.

Galatians 5:12

Nakama la kaoleole okou ihamakino kapukapu okou, ia kena nakama la ekau kehahiki solakou oia.

Galatians 6:17

Anau sehihai hekama imea anau ikipuaina, maikinimea kinokama anau eisi napona. Ia napona nei ehuli aku pela anau ekaukali Jesus.

Ephesians 2:10

Keakua epena hakaualeꞌa kakou, isuꞌui aꞌe kakou ma Jesus Christ, ilavaa kakou kepena namea kaualeꞌa. Ia kama la nakanakana mai avale namea kaualeꞌa la, ma kakou ipena kahi namea la.

Colossians 1:10

Ia okou ikauhano kekuu konu naola okou, ikau ma keola Kealiꞌi la. Pela kama la amehihia i nakipukipu okou la. Ia kena okou mehuli aꞌe nakipukipu kaualeꞌa hakoa, kena memakino laoi Keakua.

2 Thessalonians 2:17

ihapulupulu okou ikauhano kepena namea kaualeꞌa, kena ikakala hakaualeꞌa hoi.

1 Timothy 3:1

Nakakala nei ehamaoni. Pena hekama ehihai ihamakua iloko hale loku, kama na ikau kemakino pela keheheaꞌu la ekaualeꞌa.

1 Timothy 5:10

Ana nikama kela epena namea ekaualeꞌa. Nakama la eaumalie, kena ilolosi hakaualeꞌa nakamaliꞌi lakou la. Nakama la sosolo nakapuae nakama ekapu Keakua la, ia ikonaꞌi nakama ekipuaina. Nakama la ehai namahi lakou ipena namea kaualeꞌa hakoa.

2 Timothy 2:21

Penaa okou ekiaꞌi nakipukipu vale, kena Keakua meihakea naola okou. Kena ikanakana okou ipena naheheaꞌu kaualeꞌa, pela okou meikau kepena namea Kealiꞌi ehihai la.

Titus 1:16

Nakama la eme aku pela lakou emakino Keakua, ia naola lakou ehuli aku pela lakou enukulaoi oia. Nakama la esaꞌino, ia hakapanaka haeꞌo, kena selavaa kepena namea kaualeꞌa.

Titus 2:14

Kama la eaunahie keau aꞌe aia soia nomake, Pela ihasao kakou ikaha ma namea saꞌino. Kena isolo hakaualeꞌa naola nakama keonohenua aia la imakahua, Pela nakama la meimea mo onohenua aia, Kena hihai ipena namea kaualeꞌa.

Titus 3:1

Halono aꞌe nakama keloku la ihamaha nakuꞌu, ia halono nakama hamakua. Me aꞌe nakama la ikanakana kahi kepena namea kaualeꞌa.

Titus 3:14

Nakama keloku kakou la ikau kepena kahi namea kaualeꞌa, iko naꞌai lakou, kena isenoho vale.

Titus 3:8

Kakou ekau kehakina naaoaꞌo la, ia kena anau ehihai aꞌoe ipolopolo aꞌe nahakina ana nakakala la. Pela nakama ehakina Keakua la meipena kahi namea kaualeꞌa. Nakipukipu la ekaualeꞌa, kena ekonaꞌi nakama hakoa.

Hebrews 13:21

Kama la emea naola okou iꞌakoa. Pela okou amelavaa kekaukali hea aia hihai. Ia kama la mekonaꞌi kakou hakoa ipena namea aia ehihai la i namahi Jesus Christ. Kena kakou ihamalumalu kama la naualoko hamau. Amen.

1 Peter 2:12

Nakama enoho pouli eveuveꞌu okou. Ia kena okou ihuli aꞌe naola okou ikaualeꞌa imua namaisu nakama la. Pela nakama la meꞌike nakipukipu kaualeꞌa okou la. Kena i keaho Christ mevaꞌai mai muli, nakama la mehamaha aꞌe i Keakua.