Matthew 24:9 - Luaniua New Testament

⁹ “Alakama meikaohi okou, ihai haeꞌo kia okou, kena ikaa okou nomake. Naonohenua hakoa meililoko okou, maikinimea okou ekapa kemale anau.

Matthew 24:9 Iomraidhean Croise

Matthew 22:6

Ia alakama ekaohi nakama heheaꞌu la noliliꞌi haeꞌo kia nakama la, kena ikaa nakama la nomake.

Matthew 23:34

“Anau meihaunalia aku nakama ehakae nakakala Keakua, ma nakama eakamai, ia ma nakama epolopolo nakuaa. Ia okou mehakiꞌe nakama la valoko namakaꞌina hakoa, nomeme haeꞌo kia nakama la. Okou meilili kia alakama iloko nahale loku okou. Ia okou meikii alakama iluna na{kolosi}. Kena meikaa nakama la imake.

Luke 11:49

“Ia kena Keakua emakonu keualoko aia eme aꞌe, ‘Anau mehaunalia nakama hakae nakakala anau la, ia ma nakama heheaꞌu anau la ikonaꞌi keonohenua la. Ia nakama keonohenua la meikaa alakama nomake, ia meimeme haeꞌo kia alakama.’

Luke 21:12

“Ia imua namea nei hakoa ehuli mai, keonohenua la meikaohi okou, nomeme haeꞌo kia okou. Nakama la meihakonu okou iloko nahale loku lakou, kena ipono okou iloko kelokapu. Nakama la meihakaꞌi okou imua nakuꞌu ia ma nakama hamakua {kaumani}, maikinimea okou ekapa kemale anau.

John 15:18

“Poi nakama kemaalama nei la eliloko okou, okou imanaku pela nakama la eililoko anau imua.

John 15:21

Nakama la meikahao sala okou, maikinimea okou ehakina i kemale anau. Ia nakama la semakino kekama kela ehaunalia iho anau la.

John 16:2

Nakama hamakua la mehaoki okou ikaha ma nahale loku. Kena imuli, alakama meikaa okou nomake, kena ihakaꞌoko pela lakou epena hea Keakua hihai.

Acts 28:22

Makou hihai ilono nahakaꞌoko aꞌoe, maikinimea makou makino pela nakama i naꞌina hakoa esehihai keukulana okou na.”

Acts 7:59

Keualoko nakama la nimaꞌa Stephen nahaku, kama la uloku aꞌe Keakua, “Kealiꞌi Jesus, ko lia halaoi kauanana.”

1 Peter 4:16

Ame okou ehalono lihu, maikinimea okou nikama Christ, kena okou isenapa. Keualoko alakama ekapa okou ma “nikama Christ,” okou ihamaha i Keakua oia.

Revelation 2:10

Niaina ma okou ame halono lihu, okou isemakaꞌu. Ia lolosi hamakonu. Satan meipono alakama okou iloko kelokapu, ihaꞌike nakama la. Kena mehai haeꞌo kia nakama la sanahulu naaho. Niaina okou amekapili imake, okou ikauhano kehakina i anau. Ia kena anau meihapili aku nahau ihuli aku pela okou meola naualoko hamau.

Revelation 2:13

Anau eailoa kemakaꞌina okou enoho la. Satan elolosi keonohenua la. Ia kena keualoko Antipas ekauhano kehaꞌali aꞌe nakipukipu anau iloko kemakaꞌina okou la, kena keonohenua la ekaa kama la nomake. Ia niaina okou enoho i keꞌina Satan enoho la, okou sekiaꞌi nahakina okou la.

Revelation 7:14

Ia anau eme aꞌe kama la, “Kealiꞌi. Kena aꞌoe eailoa na.” Kena iko kama la ime mai ma, “Anei nikama esao laoi ikaha ma kehalono lihu saꞌino la. Nakama la esolo naauꞌahu lakou la nomaꞌini i kekoko punua {sipisipi} la.