Matthew 24:7 - Luaniua New Testament

⁷ Naonohenua meivuhu ma alaonohenua. Kenoholana meivuhu ma kelaa noholana. Ia keone la mekae aꞌe komaꞌi nahenua, kena naonohenua la meimake kehiꞌai. Ia komaꞌi naꞌina meilulu hia kelulu henua.

Matthew 24:7 Iomraidhean Croise

Luke 21:11

Komaꞌi nahenua meilulu hia kelulu henua haimahi. Ia keone la mekae aꞌe nahenua la, kena naonohenua meimake kehiꞌai ia ma namahana. Namea hamakaꞌu ma nahaꞌaku elahi meihuli mai i kevaelani.

Acts 11:28

Kela hekama esuꞌui ma nakama la, kanamale Agabus. Kama la ehakakae nakakala Keanana Kapu, emea ma keone meikoha iloko kemaalama nei hakoa. (Keone la ukae mai keualoko kekuꞌu Claudius nihamakua.)

Acts 2:19

Anau meihuli aku namea kaualeꞌa i kevaelani iluna, ia nahaꞌaku iloko kemaalama ilalo nei Poi kekoko ma keahi, ia napuleulehu ma keꞌohu.

Hebrews 12:27

Ia keualoko Keakua emea maia melulu halaoi namea la, kama la ehuli mai pela namea hakoa aia nipena la menanaue nomaseu hakoa. Pela namea kela senanaue la memoe kahi.

Revelation 6:12

Kena anau eꞌike punua la ehana keloꞌi kanahaono. Ia vahola, keꞌina la ukii lia kelulu henua haimahi. Ia kelaa la upouli kakano, epalaa poi keloulu na{nanikoti}. Ia kemaalama la umea poi hekoko.

Revelation 6:5

Kena punua {sipisipi} la ehana keloꞌi hakoukolu. Ia kena anau elono kama kana hakoukolu eola kahi ekakala ma, “Hamai.” Ia kena anau uꞌila noꞌike ke{hosi} palaa. Ia kekama enoho iluna ke{hosi} la ekaohi kemea ehamamaha i kelima aia.

Revelation 6:6

Anau elono keleo ekakala iho ikaha ma koahaa nakama eola kahi la ma, “Kekama ameheheaꞌu keaho hokahi noko keꞌupu hao halaoa hokahi. Ia kela kama ameheheaꞌu keaho hokahi noko koukolu naupu hao {laisi}. Ia okou isememe puamu nasunu ia ma namesai.”

Revelation 6:8

Kena iko anau iꞌila noꞌike ke{hosi}. Keili aia la ehau poi hemanu ekapili imake. Kemale kekama kela enoho iluna ke{hosi} la esui ma Kemake. Ia kela kama emale ma Keꞌina Kemake ekaukali vamuli. Koꞌolua la eko namahi laua nohavaꞌee nakama kemaalama nei hakoa ehaa naukulana. Kena ikaa ukulana hokahi nomake. Pela alakama amemake kulana kaua, ia alakama amemake kulana keone. Ia alakama memake i namahana. Ia namanu leikama kemalama nei la amekaa alakama nomake.