Matthew 23:8 - Luaniua New Testament

⁸ “Nakama keonohenua la isekapa aku okou ma, ‘Rabai,’ maikinimea okou nihaikaina hakoa. Kama hokahi soia eaoaꞌo aku okou.

Matthew 23:8 Iomraidhean Croise

James 3:1

Aukaina, ame kaualeꞌa pela nakama aoaꞌo okou la emoisi oia. Okou emakino pela Keakua meihakonukonu makou nakama aoaꞌo la elaꞌa iluna ma alakama.

1 Peter 5:3

Keakua eau aku keonohenua la pela okou ilolosi. Kena okou ihuli aꞌe nakama la nakipukipu kaualeꞌa. Ia okou isesau namahi okou, pela okou ihananiu iluna nakama la.

Luke 22:32

Ia anau eainoa aꞌe Keakua ikonaꞌi aꞌoe, pela aꞌoe mesekiaꞌi kehakina aꞌoe. Ia keualoko aꞌoe vaꞌai mai muli nokaukali anau, aꞌoe ihapulupulu aꞌe nakaina aꞌoe la.”

Matthew 23:10

Nakama keonohenua la selavaa ikekapa aku okou ma, ‘Kama Hamakua,’ maikinimea keMesaea soia ehamakua okou.

Matthew 17:5

Kulana Peter ekakala aꞌe nakama la, puleulehu eꞌivaꞌiva uꞌuhi nakama la, kena Keakua ekakala iho iloko puleulehu la ma, “Anau haikama laoi kaukama nei. Anau ehihai nakipukipu kama nei la hakoa. Okou ihalono aꞌe kama nei.”

Revelation 1:9

Anau kaina okou John. Niaina kakou ehalono lihu, kakou enoho havalekoa oia. Kakou enoho kali keualoko Jesus mehamakua kenoholana aia la. Vahonei, anau enoho henua nei, emale ma Patmos. Maikinimea anau ekaukaꞌu nakakala Keakua, ia ma namea kela Jesus nihaꞌali mai anau.

Revelation 22:9

Ia ke{enselo} la ekakala penei, “Sehamalu mai anau. Anau hekama heheaꞌu ehau poi aꞌoe na. Kaua ehapaa ma nakaina aꞌoe la nohakae nakakala Keakua, kena ikaukali nakakala kelauniu nei. Hamalumalu Keakua avale.”

Revelation 19:10

Keualoko anau nilono nakakala ke{enselo} la, anau ekoukuli imua kama la nohamalumalu i aia. Ia ke{enselo} la eme mai, “Aꞌoe isehamalu mai anau. Anau hekama heheaꞌu ehau poi aꞌoe na. Aꞌoe ihamalumalu Keakua la avale. Kaua ehapaa ma nakaina aꞌoe la ikaohi mau nakipukipu Jesus. Nakipukipu la ehuli mai kakou kehakaꞌoko nakakala Keakua la hakoa.”

Ephesians 3:15

Kama la o Kamana hamaoni kela nakama i kevaelani ia ma nakama i kemalama nei.

2 Corinthians 4:5

Maua ekaukaꞌu aku pela Jesus Christ o Kealiꞌi. Ia maua sekaukaꞌu aku nakipukipu maua somaua. Maua heheaꞌu ma okou avale, maikinimea maua ekaukali Jesus.

2 Corinthians 1:24

Seme pela makou ehananiu iluna nahakina okou. Emeia makou eheheaꞌu ma okou imea okou ihihia. Hano okou oihakina, kena okou mekauhano kekuu mau.

Matthew 26:49

Saika la oia, Judas uhaele aꞌe ia Jesus, kena ime aꞌe, “Rabai,” kena iapaꞌe novaisoni Jesus.

Matthew 10:25

Ekau pela nakama kaukali la ikipu poi kekama haaoaꞌo lakou la. Ia kama heheaꞌu la ikipu poi kama hamakua aia la hoi. Poi alakama esui kemale kama hamakua kehale la ma ‘Baꞌal Zebub,’ kena nakama la meikakala saꞌino nakama haleaina aia la hoi.

Matthew 23:7

Nakama la ehihai keonohenua la ihamaha lakou valoko kemakaꞌina, kena ikapa aꞌe lakou pela, ‘Rabai.’

Matthew 26:25

Kena Judas eme aꞌe Jesus, “Rabai. Kena oai, anau?” (Judas o kekama meihaꞌali aꞌe Jesus i nakama eliloko kama la.) Jesus eme aꞌe, “Ehau poi aꞌoe me mai na.”

Mark 9:5

Kena iko Peter ime aꞌe Jesus, “Rabai, kaualeꞌa pela makou inei, ihakuu koukolu nakamahale ma okou, kamahale aꞌoe, kamahale Moses, kena kamahale Elijah.”

Mark 10:51

Jesus ume aꞌe kama la, “Hea aꞌoe hihai anau ikonaꞌi aꞌoe na?” Kena iko kama alemaka seni la ime aꞌe “Rabai, anau hihai iꞌike.”

Mark 11:21

Kena Peter umanaku kelaꞌau la, kena ime aꞌe Jesus, “Rabai, ila aꞌe. Kelaꞌau aꞌoe nihai aꞌe la umake.”

Mark 14:45

Saika la oia, Judas uhaele aꞌe ia Jesus, kena ime aꞌe, “Rabai,” kena iapaꞌe novaisoni Jesus.

John 1:38

Kena Jesus uhakiꞌe aꞌe noꞌike sakoꞌolua la ekaukali vamuli aia, kena ime aꞌe “Hea olua hihai na?” Kena sakoꞌolua la ume aꞌe “Rabai. (Eme ma kama aoaꞌo.) Aꞌoe enoho ihee?”

John 1:49

Kena Nathanael eme aꞌe, “Rabai. Aꞌoe o kekama Keakua. Ia aꞌoe o kekuꞌu Israel hoi.”

John 3:2

Kama la ehaele aꞌe kepo novasili aꞌe Jesus penei, “Rabai, makou eailoa pela Keakua ehaunalia mai aꞌoe iaoaꞌo mai makou. Kama la enoho ma aꞌoe. Kela hea aꞌoe elavaa kehuli mai nahaꞌaku la.”

John 3:26

Kena nakama la uo nome aꞌe John, “Rabai, aꞌoe emanaku kekama nikili olua i kelaa vahi ke{liva} Jordan, kama aꞌoe ekakala la. Vahonei kama la uhaauꞌau kapu alakama, ia nakama hakoa eo aꞌe kama la.”

John 4:31

Keualoko la, nakama kaukali Jesus la ume aꞌe, “Rabai, ko nimea maꞌoe noꞌai!”

John 6:25

Nakama la elave Jesus i kelaa vahi kemoana la, kena ime aꞌe, “Rabai, aꞌoe ekae mai vahohee?”

John 9:2

Ko nakama kaukali Jesus ivasili aꞌe, “Rabai. Aiea naꞌalemaka kaupeala la useni keualoko aia nihanau iho laea? Kela hemea esala kama la? Ma hemea esala namakua aia la?”

John 11:8

Ia nakama la eme aꞌe, “Rabai. Na{Jiu} iloko Judea la ehihai imaꞌa aꞌoe nahaku ikaa aꞌoe imake, ia aꞌoe ehakaꞌoko ma ivaꞌai muli keꞌina la?”

John 20:16

Ko Jesus ikapa kemale kehine la, “Mary.” Kena iko kehine la iꞌila aꞌe nomake Jesus, kena ime aꞌe, “Rabboni.” (Emea ma kama aoaꞌo.)

Philemon 1:16

Ia seko kama nei poi hemanu sili. Kama nei ekaualeꞌa iluna kemanu sili, kama nei kaina hamaoni kaua. Kena aꞌoe mehaikaina laoi kama heheaꞌu aꞌoe nei, maikinimea olua ehakina Kealiꞌi.