Matthew 20:4 - Luaniua New Testament

⁴ Kena kama hamakua la eme aꞌe nakama la, ‘Amea okou ekaꞌa noheheaꞌu iloko paupaꞌu anau la, anau meisui aku okou namoni ekau ma keheheaꞌu okou la.’ Kena nakama la ukaꞌa noheheaꞌu iloko paupaꞌu kama la.

Matthew 20:4 Iomraidhean Croise

Matthew 20:3

“Keualoko kesivo kahaka, kama hamakua la uhaele i kesoa noꞌike nakama enoho ilaa, ehamalolo oia.

Matthew 20:5

“Keualoko kelaa la kea, ia ma kekolu keiahi, kama hamakua la uvaꞌai i kesoa nolave alakama iheheaꞌu iloko paupaꞌu aia la.

Matthew 9:9

Kulana Jesus ehaele, kama la eꞌike hekama emale ma Matthew, enoho iloko keꞌina eaoao na{kakisi}. Kena Jesus eme aꞌe kama la, “Kaukali mai anau.” Kena iko Matthew imasiꞌe iluna nokaukali aꞌe Jesus.

1 Corinthians 6:11

Ia imua, alakama okou eme pela hoi. Ia Keakua esolo nahaisala okou la ikaha i kemale Kealiꞌi Jesus Christ, pela ihakea naola okou i namahi Keanana Kapu, imea okou nokonu i namaisu aia.

Colossians 4:1

Ia okou nakama hamakua, okou ilolosi hakaualeꞌa nakama heheaꞌu okou la, i nakipukipu ekonu. Maikinimea okou eailoa pela Kealiꞌi okou i kevaelani elolosi okou hoi.

Titus 3:8

Kakou ekau kehakina naaoaꞌo la, ia kena anau ehihai aꞌoe ipolopolo aꞌe nahakina ana nakakala la. Pela nakama ehakina Keakua la meipena kahi namea kaualeꞌa. Nakipukipu la ekaualeꞌa, kena ekonaꞌi nakama hakoa.

1 Peter 1:13

Ia kena okou ikanakana nahakaꞌoko okou i naheheaꞌu okou meko, ia kuꞌu konu naola okou la hoi. Keualoko Jesus Christ meivaꞌai mai muli, kama la melolosi hakaualeꞌa okou. Ia kena okou inoho kali kama la.