Matthew 20:26 - Luaniua New Testament

²⁶ Ia okou isemea pena. Poi hekama okou hihai ihananiu, kama na ikau kekonaꞌi alakama.

Matthew 20:26 Iomraidhean Croise

Matthew 20:27

Ia poi hekama okou hihai ihananiu, kama na ikuu iho soia ilalo, ime mo kama heheaꞌu okou.

Matthew 25:44

“Kena nakama saꞌino la meme aꞌe, ‘Kealiꞌi, kulana hee makou emakino pela aꞌoe hiꞌai ia hiunu. Ia kulana hee makou eꞌike pela aꞌoe hemanu sili ia sehipamalo leleu. Ia kulana hee makou eꞌike pela aꞌoe elavea, ia epono kia iloko kelokapu, ia makou sekonaꞌi aꞌoe?’

Matthew 27:55

Komaꞌi nahine ekuu hamao nomaka. Ala nahine kela nikakaꞌa ma Jesus i Galilee nokonaꞌi aia.

Mark 10:43

Ia okou iseme penaa. Poi hekama okou hihai ihananiu, kama la ekau kekonaꞌi alakama.

Mark 10:45

{Kama ekipu kama} eme pela hoi. Kama la sehamai nohananiu nakama hakoa. Emeia kama la ehamai nokonaꞌi alakama, kena ihoꞌi aꞌe keola aia. Kama la emake ihaakana komaꞌi nakama ikaha ma nahaisala lakou.”

Mark 9:35

Ia kena Jesus enoho ilalo, kena ianaa aꞌe sanahulu ma lua nakama kaukali aia la, kena ime aꞌe, “Pena hekama okou hihai ihananiu, kama na meihamai nohakaha ilalo, ime mo kama heheaꞌu nakama hakoa.”

Luke 18:14

“Anau eme aku okou, keualoko kama aoao na{kakisi} la uvaꞌai i hale aia, kama la ekonu i namaisu Keakua. Ia keFarasi la esekonu i namaisu Keakua. Pena hekama ehakanaka soia ihananiu, kela kama meikuu kama na nomoulalo. Ia pena hekama ekuu soia nomoulalo, kela kama mesapai kama na ihananiu.”

Luke 22:26

“Ia okou isehakanaka pela. Kama hananiu okou la memea poi kekama moulalo, ia kama hamakua okou la meheheaꞌu ikonaꞌi alakama.

John 18:36

Ko Jesus ime aꞌe, “Kenoholana anau sekuu iloko kemaalama nei. Poi kenoholana anau ekuu iloko kemaalama nei, kena nakama kaukali anau la amevuhu ihasao anau ikaha ma nakama hamakua na{Jiu} la. Ia kenoholana anau la sekuu inei.”

Acts 13:5

Koꞌolua la ukae kemakaꞌina Salamis, kena ikaukaꞌu nakakala Keakua iloko nahale loku na{Jiu} la. Ia John Mark ekonaꞌi koꞌolua la.

2 Corinthians 1:24

Seme pela makou ehananiu iluna nahakina okou. Emeia makou eheheaꞌu ma okou imea okou ihihia. Hano okou oihakina, kena okou mekauhano kekuu mau.

2 Timothy 1:18

Ia aꞌoe makino pela kama la ekonaꞌi anau iloko Ephesus hoi. Anau eainoa aꞌe Kealiꞌi ialoha aꞌe kama la i keaho haoki la.

Hebrews 1:14

Emeia Keakua ehaunalia na{enselo} la hakoa io nosapai nakama kela aia ehihai ikonaꞌi la.

1 Peter 4:11

Ame hekama okou ekakala aꞌe alakama, kama la ikau kekakala ehau poi Keakua ekakala la. Ia ame hekama okou ekonaꞌi alakama, kama la ipena kaukali namahi kela Keakua niau aꞌe i aia. Ia kena kakou hakoa mehamaha kahi Keakua, ia ehamalumalu kama hananiu la i namahi Jesus Christ naualoko hamau. Amen.

1 Peter 5:3

Keakua eau aku keonohenua la pela okou ilolosi. Kena okou ihuli aꞌe nakama la nakipukipu kaualeꞌa. Ia okou isesau namahi okou, pela okou ihananiu iluna nakama la.

Revelation 17:6

Ia anau eꞌike pela kehine la eunu kekoko keonohenua ekapu Keakua la novale. Ala nikama ekaia lia keualoko lakou ehuli aꞌe nakipukipu Jesus. Ia keualoko anau eꞌike kehine la, anau emasalo haeꞌo.