Matthew 2:16 - Luaniua New Testament

¹⁶ Kulana Herod eailoa pela nakama makonu la ehailavaꞌa i aia, kama la uloko haeꞌo. Kena iko kama la ime aꞌe napulepule aia la, “Kaꞌa nosee nakamaliꞌi kanaka iloko Bethlehem ia ma namakaꞌina kapili aꞌe Bethlehem. Kaa imake nakamaliꞌi kanaka kela esekae sahekau kela kemakua lakou. Ala nikamaliꞌi kela nihanau iho keualoko nakama makonu la nime mai pela kekuꞌu na{Jiu} uhanau iho.”

Matthew 2:16 Iomraidhean Croise

Matthew 2:1

Kulana Herod nikuꞌu, Jesus ehanau mai i kemakaꞌina Bethlehem iloko Judea. Vahola, nakama makonu i keanaꞌe eholau nokae Jerusalem,

Matthew 2:17

Kena nakakala Keakua nime aꞌe Jeremiah uhamaoni,

Matthew 2:7

Herod eꞌave kakala aia la i nakama makonu la io aꞌe noꞌuku maia, imakino aia keualoko hee nakama la niꞌike kehekuu la esopo aꞌe.

Revelation 12:4

Ia kemosuꞌi aia ehakaa keꞌoina elahi nahekuu i kevaelani. Kena ilaku iho nahekuu la nopoꞌu ilalo kemaalama nei. Kena keuhuki la ekuu imua kehine la, pela aia iꞌai kamaliꞌi la, keualoko kehine la mehanau kamaliꞌi la.

Revelation 17:6

Ia anau eꞌike pela kehine la eunu kekoko keonohenua ekapu Keakua la novale. Ala nikama ekaia lia keualoko lakou ehuli aꞌe nakipukipu Jesus. Ia keualoko anau eꞌike kehine la, anau emasalo haeꞌo.