Matthew 2:12 - Luaniua New Testament

¹² Keakua ehamakaꞌu aꞌe nakama la iloko kemiki pela nakama la isevaꞌai muli Herod la. Kena iko nakama la ivaꞌai muli henua lakou la i kelaa ala.

Matthew 2:12 Iomraidhean Croise

Matthew 1:20

Ia kulana Joseph ehakekele namenei, kama la emoe nomiki. Kama la eꞌike ke{enselo} Kealiꞌi haele aꞌe nome aꞌe, “Joseph kama haleaina David, aꞌoe sehakekele saꞌino i keꞌavana ia Mary. Maikinimea kamaliꞌi kama na enoho la, kamaliꞌi Keanana Kapu.

Matthew 2:13

Nakama makonu la ukaꞌa ikaha. Kena kepo la Keakua ehaunalia ke{enselo} nohaele iho nokakala aꞌe Joseph i kemiki aia, “Kuu iluna! Ko kamaliꞌi na ma kina aia la uo i Egypt. Herod meihaunalia napulepule aia la nosee kamaliꞌi na ikaa imake. Okou enoho inaa, ikae keualoko anau eme aku okou ivaꞌai mai imuli.”

Matthew 2:19

Saika Joseph, Mary, ia ma Jesus ninoho Egypt, kekuꞌu Herod umake. Kena Joseph emoe nomiki pela ke{enselo} Keakua uhaele iho nokakala aꞌe i aia ma,

Matthew 2:22

Kulana Joseph nilono pela Archelaus, kama Herod, ukuꞌu iloko Judea, Joseph umakaꞌu kevaꞌai muli. Kena Joseph emoe nomiki pela ke{enselo} Keakua ekakala hamakaꞌu aꞌe i aia ihaele i Galilee.

Matthew 27:19

Kulana Pilate enoho iluna keꞌina hakonukonu la, keꞌavana aia la eꞌave kakala nei, “Kiaꞌi kama la. Kama la ekonu kahi oia. Kepo la, anau eꞌike kama la iloko kemiki anau, kena anau ukipuaina haeꞌo.”

Luke 2:26

Keanana Kapu la eme aꞌe Simeon pela Simeon meiꞌike keMesaea la, imua aia meimake.

Acts 10:22

Nakama la eme aꞌe, “Cornelius uhaunalia mai makou. Niaina kama la ehamakua napulepule haRome, kama la ekonu kahi, ia ehamalumalu Keakua. Keonohenua na{Jiu} hakoa ehihai kama la. Ke{enselo} ekapu la eme aꞌe Cornelius ialu aku aꞌoe ihaele aꞌe i hale aia la, ihalono lakou nakakala aꞌoe la.”

Acts 4:19

Ia Peter laua ma John ume aꞌe, “Hakaꞌoko okou eme pehe? Keakua mehihai maua ihalono aku okou, ia isehalono i aia?

Acts 5:29

Ia Peter ma nakama heheaꞌu Jesus la ume aꞌe, “Makou ehalono Keakua, ia sehalono aku okou.

1 Corinthians 3:19

Ia Keakua emakino pela keakamai kemaalama nei la evale oia. Ehau poi nikakaa iho iloko kelauniu kapu imua la pela, “Keakua amea hakonukonu naakamai ana la i namea lakou eailoa la.”

Hebrews 11:7

Noah ehakina hamaoni Keakua. Kena Keakua ekakala hamakaꞌu aꞌe Noah i namea kela meapihi mai imuli. Ia kena Noah ehalono nakakala Keakua nopenapena kevaꞌa elahi isao lakou haimakua. Ia keualoko Noah ehalono i Keakua, Noah ehuli aꞌe pela nakama kemaalama nei la esaꞌino. Ia kama la ehuli aꞌe hoi pela aia ekonu kahi i namaisu Keakua.

Hebrews 8:5

Ia namaakua kemaalama nei la eheheaꞌu iloko kehale kapu kemaalama nei. Ia kehale la ekipu poi kehale kapu kevaelani. Ia kena keualoko Moses nihakuu hale kapolo, Keakua ekakala aꞌe kama la penei, “Lolosi hamakonu. Aꞌoe ihakuu kehale na, kaukali hea anau ehuli aku aꞌoe iluna kemouna la.”