Matthew 19:7 - Luaniua New Testament

⁷ Kena iko naFarasi la ime aꞌe, “Nakuaa Moses la emau iho ma kanaka ‘iꞌave kelauniu kela keseꞌavana imua aia ukiaꞌi keꞌavana aia la.’ Saika la, kama na elavaa kehaise kehine la ikaha.”

Matthew 19:7 Iomraidhean Croise

Matthew 1:19

Ia kena Joseph ehakekele ma laua ameselavaa keꞌavana. Ia Joseph hekama ekonu kahi, kena kama la sehihai kekakala aꞌe alakama, maikinimea kama la sehihai Mary inapa imua namaisu keonohenua la.

Matthew 19:6

Seai koꞌolua. Keakua esuꞌui koꞌolua la, hokahi oia. Kena sehikama ekau kekuu keꞌavana koꞌolua la.”

Matthew 19:8

Ia Jesus eme aꞌe, “Moses ehakana okou ikiaꞌi naꞌavana okou, maikinimea okou ehakapanaka haeꞌo. Ia kulana Keakua nipena kanaka ma kehine, kama la sehaakana nakama la ikiaꞌi naꞌavana lakou.

Matthew 5:31

“Moses ekakala mai imua pela, ‘Poi hekama hihai ikiaꞌi keꞌavana aia, kama la ekau keave kelauniu iseꞌavana laua imua kama la ukiaꞌi keꞌavana aia la.’

Mark 10:4

Nakama la eme aꞌe, “Moses ehaakana makou ikakaa kelauniu noꞌave nahine makou la, pela makou iseꞌavana, kena ihaise naꞌavana makou la ikaha.”