Matthew 18:9 - Luaniua New Testament

⁹ Ia pena keꞌalemaka aꞌoe emea aꞌoe ihaisala, ape keꞌalemaka aꞌoe la nopesia ikaha. Ekaualeꞌa pela aꞌoe ukae keola iluna ma keꞌalemaka hokahi. Ia saꞌino pela aꞌoe seape keꞌalemaka aꞌoe, kena kinokama aꞌoe hakoa meilakua i keahi eula kahi.

Matthew 18:9 Iomraidhean Croise

Matthew 16:26

Ame sekonu pela hekama ihakau namea hakoa i kemaalama nei, ia ulano keola hamaoni. Kama la selavaa kesui muli kanaola.

Matthew 18:8

“Pena kelima ma kevae aꞌoe emea aꞌoe ihaisala, kuu namea na nolakua ikaha. Ekaualeꞌa pela aꞌoe ukae keola iluna ma kevahi kinokama aꞌoe. Ia saꞌino pela aꞌoe sekuu kelima ma kevae aꞌoe, kena kinokama aꞌoe hakoa meilakua i keahi eula kahi.

Matthew 19:17

Kena Jesus eme aꞌe, “Aꞌoe isevasili mai anau pela nakipukipu kaualeꞌa. Keakua soia ekaualeꞌa. Poi aꞌoe hihai iola hamaoni ma Keakua, kena kaukali nakuaa aia la.”

Matthew 5:22

Ia anau eme aku okou, poi hekama eloko kaina aia, nakama hamakua meihakonukonu kama na. Ia poi hekama ekakala saꞌino kaina aia la, kehale nakuꞌu mehakonukonu kama la. Poi hekama ekakala saꞌino pela kaina aia la epanimu, Keakua soia mehakonukonu kama la nohalono lihu i keꞌina keahi.

Matthew 5:29

Pena keꞌalemaka kevahi laua aꞌoe la emea aꞌoe nohaisala, ape keꞌalemaka na ikaha nopesia. Ekaualeꞌa kepesia kamaꞌina kinokama aꞌoe ikaha. Aoki Keakua meilaku kinokama aꞌoe la hakoa i keꞌina keahi.

Mark 9:47

Pena keꞌalemaka aꞌoe na emea aꞌoe ihaisala, ape keꞌalemaka aꞌoe na ikaha. Kaualeꞌa pela aꞌoe ukae kenoholana Keakua ma keꞌalemaka hokahi oia. Ia saꞌino pela aꞌoe ekaohi saꞌalemaka aꞌoe na, ia Keakua meilaku kinokama aꞌoe na hakoa iloko keꞌina halono lihu.

Acts 14:22

Koꞌolua la ehapulupulu nahakaꞌoko nakama kaukali Kealiꞌi la, ikaohi mau kehakina lakou la. Koꞌolua la eme aꞌe nakama la, “Kakou ekau kehalono lihu ikae kakou kenoholana Keakua.”

Hebrews 4:11

Kena kakou ihamamahi nohamalolo ma Keakua hoi. Aoki hekama kakou amekaukali nakipukipu nakama hakapanaka la, kena ikiaꞌi kehakina aia la.

Revelation 21:27

Ia sehimea saꞌino mekae aꞌe kemakaꞌina la. Ia nakama kela epena namea saꞌino, ia ma nakama kela ekakala nukulaoi mesenoho ilaa hoi. Emeia nakama eisi namale lakou emau iloko kelauniu keola kela Punua Keakua, kena nakama na menoho iloko kemakaꞌina la.