Matthew 18:5 - Luaniua New Testament

⁵ Poi hekama ekaukali nakipukipu anau, kena ehihai nakamaliꞌi penei, kama na ehihai anau hoi.

Matthew 18:5 Iomraidhean Croise

Matthew 18:4

Ia poi hekama ekuu iho soia nomoulalo, ihau poi kamaliꞌi nei, kama na meihananiu i kenoholana kevaelani.

Matthew 18:6

“Poi hekama ekaoleole nakamaliꞌi kela ehakina i anau la ihaisala, ekau pela alakama enoa hehaku elahi keua aia, kena ulaku kama na kemoana imalemo.

Matthew 25:40

“Kena kekuꞌu la meme aꞌe nakama ekonu kahi la, ‘Anau eme aku kehamaoni. Keualoko okou ekonaꞌi nakaina haaloha anau la, okou ekonaꞌi mai anau hoi.’

Matthew 25:45

“Kena kekuꞌu la meme aꞌe, ‘Anau eme aku kehamaoni. Keualoko okou sehihai ikonaꞌi nakama ehaaloha, okou sehihai ikonaꞌi mai anau hoi.’

Matthew 7:8

Ame okou eainoa, okou meiko. Ame okou esesee, okou melave. Ia ame okou ekikili, kokoꞌa la mekalaꞌi aku maꞌokou.

Mark 9:37

“Poi hekama ekaukali nakipukipu anau, kena hihai nakamaliꞌi penei, kama na ehihai anau hoi. Ia poi hekama ehihai anau, kama na ehihai kekama kela haunalia iho anau la hoi.”

Mark 9:41

Anau eme aku kehamaoni. Pena hekama ehoꞌi aku okou keupu vai kea nounu, maikinimea okou nikama kaukali keMesaea, Keakua meihoꞌi aꞌe kuhana kama na.

Luke 9:48

Kena iko Jesus ime aꞌe nakama la, “Poi hekama ekaukali nakipukipu anau, kena hihai nakamaliꞌi penei, kama na ehihai anau hoi. Poi hekama ehihai anau, kama na ehihai kekama kela ehaunalia iho anau la hoi. Ia kekama moulalo okou hakoa, kena kekama hananiu.”

John 13:20

Anau eme aku okou kehamaoni. Poi hekama ehihai nakama kela anau mehaunalia la, kama la ehihai anau hoi. Ia ehihai kekama kela ehaunalia iho anau.”

Galatians 4:14

Ia vahola, okou sehanaꞌino anau. Emeia okou ehai namahi okou kelolosi anau. Okou esasaꞌa anau ehau poi he{enselo} Keakua, ehau poi Jesus Christ.