Matthew 18:3 - Luaniua New Testament

³ Kena Jesus eme aꞌe, “Anau eme aku kehamaoni. Pena okou sehuli nahakaꞌoko okou imoulalo poi hakaꞌoko kamaliꞌi nei, okou selavaa kekae kenoholana kevaelani.

Matthew 18:3 Iomraidhean Croise

Matthew 13:15

Keonohenua nei ehakapanaka haeꞌo. Nakama la sehihalono, ia sehiꞌike. Poi nakama la hihai ailoa, kena lakou meiꞌike, meihalono, ia meimakino laoi, Ia mevaꞌai mai muli. Kena anau meikonaꞌi nakama la ikaualeꞌa.’

Matthew 18:2

Jesus eanaa aꞌe kamaliꞌi holiliꞌi nohaele aꞌe. Kena ihakuu kama la imua nakama kaukali aia la.

Matthew 18:4

Ia poi hekama ekuu iho soia nomoulalo, ihau poi kamaliꞌi nei, kama na meihananiu i kenoholana kevaelani.

Matthew 19:14

Kena Jesus eme aꞌe, “Kiaꞌi nakamaliꞌi na io mai anau. Okou isepui nakamaliꞌi na. Maikinimea kenoholana kevaelani heꞌina nakamaliꞌi na.”

Matthew 19:23

Jesus eme aꞌe nakama kaukali aia la, “Anau eme aku kehamaoni. Mehainakaa haeꞌo nakama haimoni la kekae kenoholana kevaelani.

Matthew 5:18

Anau eme aku kehamaoni. Kevaelani ma kemaalama nei ameoki, ia nikamaa kakala nakuaa la selavaa keoki. Hanokae keualoko namea la hakoa meihuli mai nohamaoni.

Matthew 5:20

Anau eme aku okou pela naFarasi ia ma nakama epolopolo nakuaa la ekonu lo. Ia poi naola okou sehalaꞌa iluna naola nakama la, okou ameselavaa kekae kenoholana kevaelani.

Matthew 6:16

“Kulana okou meihasese hiꞌai, okou seiꞌila haaloha naꞌalemaka okou, poi nakama eahu. Nakama la eꞌilaꞌila haaloha naꞌalemaka lakou iꞌike alakama pela lakou ehasese hiꞌai. Anau eme aku kehamaoni. Nakama la nako avale nakuhana lakou.

Matthew 6:2

“Kena kulana okou ehoꞌi aꞌe namea i nakama haaloha, okou isekaukali nakipukipu nakama eahu la. Nakama la ehaiꞌahi ma lakou nikama kaualeꞌa. Kela hea nakama la eili kepuu keualoko lakou eau aꞌe nahoꞌi lakou, pela keonohenua la mehamaha lakou iloko hale loku, ia ihamaha lakou hoi valoko keala. Anau eme aku kehamaoni. Nakama eahu la nako avale nakuhana lakou.

Matthew 6:5

“Kulana okou meiloku, okou isekaukali nakipukipu nakama eahu. Nakama la hihai ikuu iloko nahale loku ia ma naꞌina eꞌapi kekama noloku hamaloa. Pela keonohenua la meiꞌike lakou eloku. Anau eme aku okou kehamaoni. Nakama la nako avale nakuhana lakou.

Mark 4:12

‘Nakama la eꞌila aꞌe Ia semakino hea lakou eꞌike. Nakama la elono kahi Ia semakino kehakaꞌoko nakakala lakou elono. Aoki lakou amekiꞌe ikaha ma nahaisala lakou, Imea anau ihaialoha lakou.’ ”

Luke 13:24

“Okou ihamamahi iulu iloko kokoꞌa eꞌao la. Komaꞌi nakama haꞌikeꞌike ma iulu, ia meselavaa.

Luke 22:32

Ia anau eainoa aꞌe Keakua ikonaꞌi aꞌoe, pela aꞌoe mesekiaꞌi kehakina aꞌoe. Ia keualoko aꞌoe vaꞌai mai muli nokaukali anau, aꞌoe ihapulupulu aꞌe nakaina aꞌoe la.”

John 1:51

Anau eme aku okou kehamaoni. Okou meꞌike kevaelani la ukalaꞌi, kena na{enselo} Keakua meio iho iluna ke{kama ekipu kama}, kena uvaꞌai muli iluna kevaelani.”

John 3:3

Ko Jesus ime aꞌe, “Anau eme aku kehamaoni. Ame hekama sehanau muli, kama na selavaa kekae kenoholana Keakua.”

John 3:5

Kena Jesus ume aꞌe, “Anau eme aku kehamaoni. Ame hekama sehanau i kevai ia ma Keanana Kapu, kama na selavaa kekae kenoholana Keakua.

Acts 14:22

Koꞌolua la ehapulupulu nahakaꞌoko nakama kaukali Kealiꞌi la, ikaohi mau kehakina lakou la. Koꞌolua la eme aꞌe nakama la, “Kakou ekau kehalono lihu ikae kakou kenoholana Keakua.”

Acts 28:27

Maikinimea nahakaꞌoko nakama nei upouli, Naakalina nakama nei ukuli, Naꞌalemaka nakama nei useni, Aoki naꞌalemaka nakama nei uꞌike Ia naakalina lakou ulono Kena imakino laoi Kekiꞌe ikaha ma nahaisala lakou, Pela anau mekonaꞌi lakou ikaualeꞌa.’

Acts 3:19

“Kiꞌe ikaha ma nahaisala okou. Vaꞌai muli i Keakua, kena kama la meisolo nahaisala okou ikaha,

1 Corinthians 14:20

Aukaina. Okou isekaukali nahakaꞌoko nakamaliꞌi, ia ikaukali nahakaꞌoko nakama makua avale. Ia okou inoho pasemuu poi nikamaliꞌi soliꞌi kela seailoa kepena namea saꞌino la.

1 Peter 2:2

Ia okou ihalono kahi nakakala hamaoni Keakua. Ihau poi namemea kela ehiuu kahi. Ia kena okou mehakina hamaoni, ia Keakua mekonaꞌi okou iola.

2 Peter 1:11

Ia kena Keakua meko lia halaoi okou iloko kenoholana kakou Aliꞌi Jesus Christ, kama kela nikonaꞌi kakou iola. Ia kenoholana la selavaa keoki.