Matthew 16:3 - Luaniua New Testament

³ Keualoko kelaa nisopo aꞌe, ame okou eꞌike napuleulehu emea, okou ekakala ma, ‘Keaho nei memaili.’ Okou emakino pela nahaꞌaku la ehuli aku nakipukipu naaho la. Ia niaina okou eꞌike anau ehuli aku namahi Keakua, okou oisemakino hea meiapihi mai imuli.

Matthew 16:3 Iomraidhean Croise

Matthew 11:5

Eme pela, ‘Nakama alemaka seni la uꞌike, Nakama navae make la uhahaele, Nakama elavea kemahana {leprosi} la ukaualeꞌa, Nakama naakalina kuli la ulono muli, Nakama emake la umasiꞌe ikaha ma kemake, Ia nakama haaloha ehalono kelono kaualeꞌa Keakua.’

Matthew 15:7

Okou ekakala uhiuhi. Hea Isaiah ekakala aku imua ukonu,

Matthew 22:18

Ia Jesus umakino pela nahakaꞌoko nakama la esaꞌino, kena ime aꞌe, “Okou nakama kakala uhiuhi. Aiea, okou hihai ikaiꞌi anau naea?

Matthew 23:13

“Anau eme aku okou nakama epolopolo nakuaa ia ma okou naFarasi. Okou meihalono lihu haeꞌo. Ia okou nikama kakala uhiuhi. Okou epui nakama keonohenua la isekae kenoholana Keakua la. Kena okou soꞌokou sekae ilaa hoi.

Matthew 4:23

Jesus ehaele hakiꞌe namakaꞌina hakoa i Galilee noaoaꞌo iloko nahale loku lakou, kena ikaukaꞌu kelono kaualeꞌa kenoholana ialuna. Ia konaꞌi hoi nakama lavea namahana hakoa nokaualeꞌa.

Matthew 7:5

Aꞌoe ekakala uhiuhi oia. Sau keunaloko laꞌau emau naꞌalemaka aꞌoe na ikaha. Kena aꞌoe melavaa keꞌike laoi nopisi kaꞌele iloko keꞌalemaka kaina aꞌoe la.

Luke 11:44

“Okou meihalono lihu haeꞌo. Okou ehau ma nakaluma kela sehamakino lia nahaku. Alakama kakaꞌa valuna nakaluma la, ia semakino.”

Luke 12:56

Ia okou ekakala uhiuhi. Okou emakino laoi namea kela okou eꞌike i kemaalama nei ia ma kevaelani. Okea okou semakino namea kela ehuli aku vahonei?

Luke 13:15

Kena iko Kealiꞌi ime aꞌe, “Okou ekakala uhiuhi oia. Okou haunu namanu okou i keaho kapu. Okou eveke namanu okou la, kena ihakaꞌi namanu la ikaha ma kama hale la nohaunu.

Hebrews 5:14

Ia nakama makua la elavaa keꞌai naꞌai makau. Nakama la eaoaꞌo kahi solakou imakino hea ekonu ia ma hea saꞌino.