Matthew 13:57 - Luaniua New Testament

⁵⁷ Kena keonohenua la emasalo haeꞌo i nakakala Jesus la. Kena Jesus eme aꞌe nakama la, “Nakama naꞌina hakoa ehamaha kekama kela ehakae nakakala Keakua. Ia alakama sehamaha i aia. Ala nikama kemakaꞌina aia la, ia ma alakama haleaina aia la.”

Matthew 13:57 Iomraidhean Croise

Matthew 11:6

Poi hekama esenapa i nakipukipu anau nei, kena kama na mehakapu lia Keakua.”

Matthew 13:58

Ia Jesus sehuli aꞌe namahi Keakua i nakama la hakoa, maikinimea nakama la sehakina.

Mark 6:1

Jesus ehaele ikaha ma kemakaꞌina la, kena ihaele ma nakama kaukali aia la i kemakaꞌina aia la.

Mark 6:14

Kekuꞌu Herod ulono hea Jesus epena la, maikinimea kelono nakipukipu Jesus la upalalaha i nakama hakoa. Kena alakama eme aꞌe ma, “Kela John Baptist. Kama la uola muli. Kela hea kama la elavaa kehuli aꞌe namahi aia.”

Mark 6:3

Kena hekama hakuku nahale oia, hekama Mary. Seai la? Ia kama nei hekaina James, Joses, Judas lakou ma Simon. Naꞌave aia la enoho inei hoi.” Kena keonohenua la emasalo haeꞌo i nakakala Jesus la.

Mark 6:4

Kena Jesus eme aꞌe nakama la, “Nakama naꞌina hakoa ehamaha kekama kela ehakae nakakala Keakua. Ia alakama sehamaha i aia. Ala nikama kemakaꞌina aia, nakama keꞌaha aia, ia ma alakama haleaina aia la hoi.”

Luke 4:24

Ia Jesus eme aꞌe, “Anau eme aku kehamaoni. Naonohenua hakoa sehihai nakama namakaꞌina lakou kela ehakae nakakala Keakua.

Luke 7:23

Poi hekama esenapa i nakipukipu anau nei, kena kama na mehakapu lia Keakua.”

John 4:44

Jesus soia eme aꞌe pela naonohenua ame sehamaha kekama lakou kela ehakae nakakala Keakua.

John 6:42

Kena iko nakama la ime aꞌe, “Seai. Kela Jesus, kekama Joseph oia. Kakou emakino kamana ia ma kina aia la. Okea kama nei ekakala ma, ‘Anau sonau ehaele iho ikaha ma kevaelani.’ ”

John 6:61

Jesus eailoa ma nakama kaukali aia la ekamumu solakou, kena ime aꞌe nakama la, “Ea, okou emasalo haeꞌo i nakakala nei?