Matthew 13:12 - Luaniua New Testament

¹² Poi hekama eko namea Keakua eau aꞌe i aia la, kena Keakua meihapaa aꞌe alamea hoi. Kena keola kama na meꞌakoa. Ia poi hekama seko namea Keakua eau aꞌe i aia la, kena Keakua meiko muli namea la hakoa.

Matthew 13:12 Iomraidhean Croise

Matthew 21:43

“Kena anau eme aku okou. Keakua meiko kenoholana aia la ikaha ma okou. Ia meau aꞌe kenoholana aia la i nakama kela ehuli aꞌe nakipukipu kaualeꞌa aia la.

Matthew 25:29

Poi hekama eko namea anau eau aꞌe i aia, kena anau meihapaa aꞌe alamea hoi. Kena keola kama na meꞌakoa. Ia poi hekama seko namea anau eau aꞌe i aia la, kena anau meiko muli namea aia la hakoa.

Mark 12:9

“Kama hamakua paupaꞌu la meimea pehe? Kama la meihamai nokaa nakama la nomake, kena iko paupaꞌu la iau aꞌe nololosi alakama.

Luke 10:42

Ia aꞌoe isehakekele namea komaꞌi. Hakekele kemea hokahi oia. Mary ehakaꞌoko kemenei,*f10* ia sehikama melavaa kepui kama na.”

Luke 12:48

Ia alakama heheaꞌu amesemakino hea kama hamakua lakou la hihai, ia kena ipena namea saꞌino, ikau kehalono lihu. Ia nakama la meselili kia avale. “Poi hekama eko komaꞌi namea, alakama meme aꞌe kama la ivavae aꞌe namea la. Ia poi hekama elolosi komaꞌi namea, alakama meainoa aꞌe kama la komaꞌi namea hoi.”

Luke 16:2

Kena kama hamakua la eanaa kama heheaꞌu aia la ihaele aꞌe, kena ime aꞌe, ‘Alakama ekamoa haeꞌo i aꞌoe. Kakala mai anau kelolosi aꞌoe naheaꞌu anau la, kena anau mehaoki aꞌoe.’

Luke 16:25

“Kena iko Abraham ime aꞌe, ‘Kaukama, aꞌoe emanaku keola aꞌoe imua la? Saika la, aꞌoe ekuku laoi, ia Lazarus ekuku haeꞌo. Ia vahonei, anau ehapoꞌi Lazarus inei, ia aꞌoe ehalono lihu i keꞌina keahi la.

Luke 8:18

“Keualoko okou elono, kena halono hakaualeꞌa. Poi hekama eko namea Keakua eau aꞌe i aia, Keakua mehapaa aꞌe alamea hoi. Ia poi hekama ehakaꞌoko maia ekuku laoi, kena iseko namea Keakua ehihai iau aꞌe i aia, kena Keakua meiko namela hakoa ikaha ma kama na.”

Luke 9:26

“{Kama ekipu kama} meihaele iho i namahi aia, ma namahi Kamana, ia ma na{enselo} ekapu. Keualoko la, poi hekama enapa i anau, ia enapa i nakakala anau, kena anau menapa i kama na hoi.

James 4:6

Ia niaina ma nakipukipu kakou la esaꞌino, Keakua ekauhano kelolosi laoi kakou nokaualeꞌa. Nakakala nei emau iho iloko kelauniu kapu. “Keakua ehakauoki ma nakama eahu, Ia elolosi laoi nakama pasemuu.”

Revelation 2:5

Okou emanaku pela nahakina okou imua la eivi. Ia okou ukiaꞌi nahakina okou la. Kena vahonei, okou ikau kekiꞌe ikaha ma nahaisala okou la, kena ihakina, ehau poi okou nihakina imua la. Ia poi seai, anau amehaele aku i okou nosau keahi okou na ikaha ma keꞌina okou enoho la.