Matthew 11:5 - Luaniua New Testament

⁵ Eme pela, ‘Nakama alemaka seni la uꞌike, Nakama navae make la uhahaele, Nakama elavea kemahana {leprosi} la ukaualeꞌa, Nakama naakalina kuli la ulono muli, Nakama emake la umasiꞌe ikaha ma kemake, Ia nakama haaloha ehalono kelono kaualeꞌa Keakua.’

Matthew 11:5 Iomraidhean Croise

Matthew 10:8

Kena okou ukonaꞌi nakama lavea ikaualeꞌa, haola nakama emake, konaꞌi nakama elavea kemahana {leprosi}, ia hakui nakipua saꞌino la ikaha. Keakua eau aku maluu namahi aia ikonaꞌi alakama. Kena kulana okou ehuli aꞌe namahi la, okou iseainoa kesui.

Matthew 11:4

Kena iko Jesus ime aꞌe, “Vaꞌai muli nome aku John hea okou elono, ia ma hea okou eꞌike.

Matthew 12:13

Kena Jesus eme aꞌe kama kelima epiꞌo la, “Hola kelima aꞌoe.” Kena iko kama la ihola aꞌe kelima aia. Vahola oia, kelima la ukaualeꞌa, poi kelaa lima aia.

Matthew 21:14

Keualoko la, nakama alemaka seni ia ma nakama navae make la eo aꞌe Jesus la iloko hale kehale kapu la. Kena kama la ekonaꞌi nakama la nokaualeꞌa.

Matthew 5:3

“Nakama kela ekipuaina pela lakou ehaaloha mehakapu lia Keakua. Maikinimea kenoholana kevaelani heꞌina nakama la.

Matthew 9:30

Vahola oia, koꞌolua la uꞌike. Kena Jesus ehamakaꞌu aꞌe koꞌolua la pela, “Olua isekakala aꞌe alakama.”

Mark 7:37

Nakama la hakoa umasalo haeꞌo, kena ikakala solakou, “Namea hakoa kama nei epena nei, ekaualeꞌa. Nakama nakalina lakou ekuli la ulono, ia nakama seailoa kekakala la ukakala.”

Mark 9:25

Keualoko Jesus uꞌike keonohenua la uhulo mai nomaka, kama la ekakala hamakaꞌu aꞌe kipua la. “Aꞌoe epui naakalina nakama la noselono, ia epui napuꞌua nakama la nosekakala. Anau eme aku aꞌoe, haele ikaha ma kaupeala na. Aꞌoe selavaa kevaꞌai muli aꞌe.”

Luke 4:18

“Keanana Kapu Keakua enoho manau. Keakua eau mai namahi anau ikaukaꞌu kelono kaualeꞌa i nakama haaloha. Keakua ehaunalia mai anau nome aꞌe naonohenua hakoa pela aia meihasao nakama epono kia; Kena ime aꞌe nakama eseni pela lakou meilavaa keꞌike muli; Kena ihakana nakama haaloha ikaha ma namahi nakama hakanaka;

John 10:25

Ko Jesus ime aꞌe, “Anau name aku okou avale. Ia okou sehakina nakakala anau la. Anau ehuli aku namahi Kamana anau la i kemale aia, imakino okou nakipukipu anau.

John 10:38

Hano anau epena namela, okou ihakina pela anau ehuli aku okou namahi Keakua, niaina okou sehakina mai anau. Ia okou meimakino pela Kamana la esuꞌui manau. Ia anau esuꞌui ma kama la hoi.”

John 2:23

Jesus oinoho iloko Jerusalem keualoko keonohenua la eꞌai keꞌai kePasova. Komaꞌi nakama uꞌike Jesus ehuli aꞌe nahaꞌaku, kena ihakina i kama la.

John 3:2

Kama la ehaele aꞌe kepo novasili aꞌe Jesus penei, “Rabai, makou eailoa pela Keakua ehaunalia mai aꞌoe iaoaꞌo mai makou. Kama la enoho ma aꞌoe. Kela hea aꞌoe elavaa kehuli mai nahaꞌaku la.”

John 5:36

“John ekakala aku nakipukipu anau. Ia namahi kela anau ehuli aku la ehamakua iluna nakakala John la. Anau epena nookia nia Kamana la ehihai anau ipena. Ihuli aku okou pela kama la ehaunalia iho anau.

John 9:7

Kena iko Jesus ime aꞌe, “Haele nohui naꞌalemaka aꞌoe iloko punavava Siloam.” (Emea ma Haunalia.) Kena iko kaupeala la ihaele nohui naꞌalemaka aia, kena ivaꞌai i hale, naꞌalemaka aia uꞌike.

Acts 2:22

“Okou nakama Israel halono mai. Keakua ehaunalia iho Jesus, hekama kemakaꞌina Nazareth. Okou hakoa emakino kemela, maikinimea Jesus ehuli aku namahi Keakua, ma namea kaualeꞌa ia ma nahaꞌaku.

James 2:5

Aukaina. Halono mai. Keakua ehilihili nakama haaloha i kemaalama nei ihakina haimahi aia, pela nakama la mehamakua i kenoholana aia la. Ia kama la ekakala hamaoni iau aꞌe kenoholana la i nakama kela elaoi aia la.