Matthew 11:23 - Luaniua New Testament

²³ Ia okou nakama i Capernaum ehakaꞌoko pela Keakua mesau okou ialuna nokae kevaelani. Ia seai. Emeia kama la melaku iho okou ilalo i keꞌina keahi. Poi anau ehuli aꞌe namahi Keakua i Sodom, ehau poi anau nihuli aꞌe namahi Keakua i okou, nakama la amekiꞌe ikaha ma nahaisala lakou. Ia kena Keakua ameselavaa keseu kemakaꞌina la, amemoe pela oia.

Matthew 11:23 Iomraidhean Croise

Matthew 10:15

Anau eme aku okou kehamaoni. Kehalono lihu nakama la i keaho hakonukonu, meilaꞌa iluna nahalono lihu nakama iloko Sodom laua ma Gomorrah.

Matthew 16:18

Kena anau eme aku i aꞌoe Peter, aꞌoe hakupaa. Anau meihakuu hale loku anau iluna hakupaa nei. Ia kemake seisi namahi aia i keseu hale loku anau la.

Matthew 17:24

Jesus ma nakama kaukali aia la ukae Capernaum, kena iko nakama aoao namoni hale kapu la io aꞌe ia Peter, kena ime aꞌe, “Ea, keRabai okou la eaunahie kehoꞌi aꞌe sileni ikonaꞌi hale kapu?”

Matthew 4:13

Jesus uhaele ikaha ma Nazareth nokae Capernaum, kemakaꞌina ilakonu Zebulun laua ma Naphtali, kapili aꞌe kemoana Galilee.

Matthew 8:5

Kulana Jesus nihaele iloko kemakaꞌina Capernaum, kekama hamakua napulepule la ehaele nome aꞌe Jesus,

Luke 10:15

Okou nakama i Capernaum ehakaꞌoko pela Keakua mesau okou ialuna nokae kevaelani? Ia seai. Emeia kama la melaku iho okou ilalo i keꞌina keahi.

Luke 14:11

Pena hekama ehakanaka soia ihananiu, alakama meikuu kama na nomoulalo. Ia pena hekama ekuu soia nomoulalo, alakama mesapai kama na ihananiu.”

Luke 16:23

Vahola, kama haimoni la ehalono lihu i keꞌina keahi, kena ila aꞌe noꞌike Abraham enoho emao ikaha maia, ia Lazarus ehapale aꞌe Abraham.

Luke 4:23

Ko Jesus ime aꞌe nakama la, “Anau makino. Okou meme mai anau kakala hulihuli nei, ‘{Tresa}, konaꞌi aꞌoe soꞌoe ikaualeꞌa. Makou ulono pela aꞌoe ekonaꞌi nakama elavea iloko Capernaum. Kena konaꞌi nakama lavea iloko kemakaꞌina aꞌoe nei hoi.’ ”

Acts 2:27

Maikinimea aꞌoe mesekiaꞌi anau i keꞌina kemake, ia mesekiaꞌi kama hokahi ekapu aꞌoe la ipala iloko kaluma.

Acts 2:31

David uailoa hea meiapihi mai. Kena kama la eme aꞌe pela keMesaea la meimasiꞌe muli ikaha ma kemake. Eme pela ‘Keakua meselavaa kekiaꞌi kinokama keMesaea la iloko keꞌina kemake, kena kinokama kama la mesepala.’

Jude 1:7

Nakama namakaꞌina Sodom laua ma Gomorrah, ia ma nakama namakaꞌina kela ekapili aꞌe, sehalono Keakua hoi. Nakama la epaa huli, ia epena namea kela sekau ma nakinokama lakou. Kela hea nakama la ehalono lihu i keꞌina keahi eula kahi, pela ihamakaꞌu kakou hakoa.

Revelation 1:18

Ila mai. Anau o kekama eola kahi. Anau nimake, ia vahonei anau uola naualoko hamau. Anau eisi namahi elaꞌa iluna ma kemake, kena ilavaa kehasao nakama la ikaha ma keꞌina kemake la.

Revelation 11:8

Ia nakinokama koꞌolua la memoe i keala kemakaꞌina hananiu la. Ia Kealiꞌi koꞌolua la umake iluna {kolosi} iloko kemakaꞌina la. Ia namakaꞌina Sodom laua ma Egypt ehuli aꞌe nakipukipu kemakaꞌina la hoi.*f13*

Revelation 20:13

Kena kemoana ukiaꞌi hua nakama emake kela emoe iloko aia. Ia kemake ia ma keꞌina kemake hoi ukiaꞌi hua nakama emake kela emoe iloko laua la. Ia kena Keakua ehakonukonu nakama la, kaukali nia lakou epena.

Revelation 6:8

Kena iko anau iꞌila noꞌike ke{hosi}. Keili aia la ehau poi hemanu ekapili imake. Kemale kekama kela enoho iluna ke{hosi} la esui ma Kemake. Ia kela kama emale ma Keꞌina Kemake ekaukali vamuli. Koꞌolua la eko namahi laua nohavaꞌee nakama kemaalama nei hakoa ehaa naukulana. Kena ikaa ukulana hokahi nomake. Pela alakama amemake kulana kaua, ia alakama amemake kulana keone. Ia alakama memake i namahana. Ia namanu leikama kemalama nei la amekaa alakama nomake.