Matthew 11:21 - Luaniua New Testament

²¹ “Okou nakama Chorazin mehalono lihu. Ia okou nakama Bethsaida mehalono lihu hoi. Anau ehuli aku okou namahi Keakua. Ia poi anau ehuli aꞌe namahi Keakua pela hoi iloko namakaꞌina i Tyre laua ma Sidon, nakama la amekiꞌe ikaha ma nahaisala lakou. Nakama la ameleleu napamalo aupuu, kena inoho i keꞌina nalehu la.

Matthew 11:21 Iomraidhean Croise

Matthew 11:22

Anau eme aku okou pela i keaho kehakonukonu, kehalono lihu okou melaꞌa iluna kehalono lihu nakama i Tyre laua ma Sidon.

Matthew 15:21

Jesus ma nakama kaukali aia uo ikaha ma keꞌina la, nokae keꞌina kapili aꞌe Tyre laua ma Sidon.

Matthew 18:7

Komaꞌi nakama iloko kemaalama nei mehalono lihu, maikinimea nakama la ekaoleole alakama ihaisala. Nahalono lihu la amekae nakama hakoa. Ia nakama kela ekaoleole alakama ihaisala meihalono lihu haeꞌo.

Matthew 26:24

{Kama ekipu kama} meimake, ehau poi kelauniu kapu nikakaa mai. Ia kekama kela meihaꞌali aꞌe {kama ekipu kama} i nakama la mehalono lihu haeꞌo. Ekau pela kama la isehanau iho.”

Mark 3:8

Idumea, ia ma nakama namakaꞌina Jerusalem, Tyre, ia ma Sidon. Ia ma nakama kela enoho i kelaa vahi ke{liva} Jordan. Nakama la hakoa ulono pela Jesus ehuli aꞌe namahi aia la. Kela hea nakama la uo aꞌe nomaka Jesus.

Mark 6:45

Vahola oia, Jesus eme aꞌe nakama kaukali aia la iꞌae kemonoui la nohulo imua aia i kemakaꞌina Bethsaida. Kena kama la eme aꞌe keonohenua la ikaꞌa veihale.

Mark 7:24

Jesus ehaele ikaha ma kemakaꞌina la, nokae keꞌina kapili aꞌe Tyre laua ma Sidon. Kena kama la ehaele iloko kehale, ia sehihai ma nikama imakino keꞌina hee aia enoho. Ia niaina Jesus ehasili nohaele iloko hale la, nakama la esee nolave oia.

Mark 7:31

Kena Jesus uhaele ikaha ma kemakaꞌina kapili Tyre, kena ihaele valoko Sidon, nokae kemoana i Galilee, kena ihaele i keꞌina Decapolis.*f8*

Mark 8:22

Jesus ia ma nakama kaukali aia la ukae kemakaꞌina Bethsaida. Ia kena alakama kemakaꞌina la ehakaꞌi aꞌe kekama alemaka seni ia Jesus, kena iainoa aꞌe Jesus ihapili nalima aia iluna kama la.

Luke 4:26

Ia Keakua ehaunalia Elijah ikonaꞌi kaukuaha hine hokahi oia. Ia kehine la senoho iloko Israel. Kama la enoho i kemakaꞌina Zarephath iloko Sidon.

Luke 6:17

Jesus ma nakama kaukali aia la uo ilalo kemouna nokae keꞌina hanakahi. Komaꞌi nakama ehaꞌuku i keꞌina la; ala nikama keonohenua elahi kela ekakaꞌa ma Jesus, naonohenua Jerusalem laua ma Judea, lakou ma naonohenua namakaꞌina kela ekuu vakai kapili aꞌe Tyre laua ma Sidon.

Luke 9:10

Keualoko nakama kela Jesus nihaunalia la uvaꞌai muli, nakama la ekakala aꞌe kama la namea lakou epena la. Kena Jesus uko nakama la io maia i kemakaꞌina emale ma Bethsaida.

John 1:44

Philip hekama i Bethsaida, kemakaꞌina kela Andrew laua ma Peter enoho la.

John 12:21

Nakama la eo aꞌe nomaka Philip, hekama i kemakaꞌina Bethsaida iloko Galilee. Nakama la eme aꞌe, “Makou hihai iꞌike Jesus.”

Acts 12:20

Herod uloko haimahi nakama iloko Tyre laua ma Sidon. Kena keukulana nakama namakaꞌina la uo nomaka Blastus, hekama heheaꞌu ma Herod. Nakama la ehihai inoho laoi ma Herod, maikinimea namakaꞌina la eko naꞌai lakou la i keꞌina Herod elolosi la.

Acts 27:3

Kela aho makou ukae i Sidon. Ia Julius ekaualeꞌa ia Paul, kena ihakana Paul ihaele iuka nomaka nasoa aia la. Ia kena nakama la elolosi hakaualeꞌa Paul.

Jude 1:11

Alohai nakama la. Nakama la ekaukali nakipukipu Cain imua. Ia ekaukali hoi nakipukipu esala Balaam, pela ihanaopo namoni. Nakama la ehakapanaka, poi Korah, kena memake poi kama la la hoi.

Revelation 11:3

“Ia kena anau meau aꞌe koꞌolua nakama namahi kehuli aꞌe nakipukipu anau. Kena koꞌolua la mehakae nakakala anau. Ia koꞌolua la meleleu napamalo aupuu,*f12* kena ihakae nakakala anau iloko simaka lua huikalau kipuono naaho.”

Revelation 6:12

Kena anau eꞌike punua la ehana keloꞌi kanahaono. Ia vahola, keꞌina la ukii lia kelulu henua haimahi. Ia kelaa la upouli kakano, epalaa poi keloulu na{nanikoti}. Ia kemaalama la umea poi hekoko.