Matthew 11:2 - Luaniua New Testament

² Keualoko la, John Baptist nipono iloko kelokapu. Ia kama la elono pela keMesaea ehuli aꞌe namahi aia i alakama. Kena John ehaunalia nakama kaukali aia la novasili aꞌe Jesus.

Matthew 11:2 Iomraidhean Croise

Matthew 1:17

Amaka Abraham haele nokae David, kela sanahulu ma haa nakaukama hakoa. Amaka David haele nokae kulana nakama Israel nikolia noꞌave i Babylon, kena kela sanahulu ma haa nakaukama hoi. Ia amaka kulana nakama Israel nikolia noꞌave i Babylon haele nokae kulana Christ nihanau, kena kela sanahulu ma haa nakaukama hoi.

Matthew 14:3

Kemenei esala mai imua, pela Herod eailalao noꞌavana Herodias, keꞌavana kaina aia la, Philip. Ia kena Herod ume aꞌe napulepule aia la ikaohi John nosaisai, kena ipono kama la iloko kelokapu.

Matthew 4:12

Keualoko Jesus nilono pela nakama hamakua la ukaohi John Baptist nopono iloko kelokapu, Jesus uvaꞌai muli i Galilee.

Matthew 9:14

Nakama kaukali John Baptist uo nome aꞌe Jesus, “Aiea makou ma naFarasi ehasese hiꞌai, ia nakama kaukali aꞌoe la eꞌai oia?”

Mark 6:17

Kemenei esala mai imua, pela Herod eailalao noꞌavana Herodias, keꞌavana kaina aia la, Philip. Ia kena John Baptist eme aꞌe Herod penei, “Sekonu pela aꞌoe iko keꞌavana kaina aꞌoe na.” Kena Herod ume aꞌe napulepule aia la ikaohi John Baptist usaisai, kena upono kama la iloko kelokapu.

Luke 3:19

Ia kena John ehai aꞌe Herod. Maikinimea Herod uailalao Herodias, keꞌavana kaina aia la. Kena John ehai aꞌe Herod kela alahaisala kama la hoi.

Luke 9:7

Kekuꞌu Herod ulono namea kela Jesus epena la. Ia kena kekuꞌu la ukipuaina, maikinimea alakama ukakala ma kela o John Baptist uola muli ikaha ma kemake.

John 4:1

NaFarasi la elono pela Jesus eaoaꞌo komaꞌi nakama ikaukali aia, kena ihaauꞌau kapu nakama la. Ia nakama kaukali Jesus la ekomaꞌi, elaꞌa iluna ma nakama kela ekakaꞌa ma John Baptist la.