Matthew 10:5 - Luaniua New Testament

⁵ Imua kela Jesus ehaunalia sehui ma lua nakama heheaꞌu aia la, kama la eme aꞌe, “Okou isekaꞌa iloko nahenua nakama enoho pouli, ia ma namakaꞌina Samaria.

Matthew 10:5 Iomraidhean Croise

Matthew 22:3

Kekuꞌu la ehaunalia nakama heheaꞌu aia la, nomea aꞌe nakama nialu mia i keꞌai keꞌavana la. Ia nakama la sehihai io aꞌe.

Matthew 4:15

“Zebulun laua ma Naphtali ekuu kapili aꞌe keala ekele nokae kemoana, I kelaa vahi ke{liva} Jordan, iloko Galilee, I keꞌina nakama enoho pouli la.

Mark 6:7

Kama la eanaa aꞌe sanahulu ma lua nakama heheaꞌu aia la noꞌuku hakoa, kena iau aꞌe nakama la namahi iluna nakipua saꞌino, kena ihaunalia nakama la kai koꞌolua.

Luke 10:1

Kena imuli, Jesus ekini kipuhiku ma lua nakama, kena ihaunalia nakama la kai koꞌolua iloko namakaꞌina imua aia.

Luke 10:33

“Ia kena hekama Samaria ehaele valoko keala la hoi, nokae keꞌina kanaka la emoe. Ia keualoko kama Samaria la uꞌike kanaka la emoe kevahi keala la, kama la ualoha haeꞌo.

Luke 17:16

nokoukuli imua Jesus, kena ihamaha aꞌe kama la.

Luke 9:1

Jesus eanaa aꞌe sehui ma lua nakama kaukali aia la noꞌuku hakoa, kena iau aꞌe nakama la namahi kehaise nakipua saꞌino hakoa ikaha, ia namahi kekonaꞌi nakama lavea nokaualeꞌa.

Luke 9:2

Kena Jesus ehaunalia nakama la nokaukaꞌu nakipukipu kenoholana Keakua, ia nokonaꞌi nakama lavea ikaualeꞌa.

John 17:18

Anau ehaunalia nakama la ikaꞌa valoko kemaalama nei. Ehau poi aꞌoe nihaunalia iho anau iloko kemaalama nei.

John 20:21

Ko Jesus ime aꞌe hoi, “Okou inoho laoi. Kamana anau la ehaunalia mai anau, kena anau mehaunalia okou pela hoi.”

John 4:20

Nakipuna makou la ehamalumalu Keakua iluna kemouna nei. Ia okou na{Jiu} ekakala pela nakama hakoa ekau kehamalumalu Keakua iloko Jerusalem oia.”

John 4:5

Kela hea kama la ehaele nokae kemakaꞌina iloko Samaria emale ma Sychar. Kemakaꞌina la ekuu kapili aꞌe keleꞌele kela Jacob niau aꞌe ma Joseph, kekama aia la.

John 4:9

Kehine la ume aꞌe, “Anau masalo pela aꞌoe me mai manau iau aku hevai iunu aꞌoe. Mai aꞌoe he{Jiu}, ia anau hehine haSamaria.” (Na{Jiu} la ehanaꞌino nakama Samaria.)

John 7:35

Kena nakama hamakua na{Jiu} la ekakala solakou ma, “Kama la mehaele ihee iselavaa kakou kelave aia la? Alakama kakou enoho i namakaꞌina nakama haGreek emao la. Ea, kama la meihaele i naꞌina la, iaoaꞌo nakama haGreek la hoi?

John 8:48

Kena na{Jiu} la eme aꞌe Jesus, “Makou eme aku aꞌoe pela aꞌoe hekama Samaria, ia eisi kipua saꞌino ekau iloko aꞌoe.”

Acts 1:8

Ia kulana Keanana Kapu meihaele iho nokau iloko okou iau aku namahi aia, kena okou meikakala aꞌe nakipukipu kaualeꞌa anau nei i nakama Jerusalem, ia ma nakama Judea lakou ma nakama Samaria, ia ma nakama nahenua kemaalama nei hakoa.”

Acts 10:45

Nahakina ana na{Jiu} la kela eo mai lakou ma Peter, umasalo pela Keakua ehoꞌi aꞌe Keanana Kapu i nakama sehi{Jiu} la hoi.

Acts 8:1

Keualoko la, naonohenua ememe haeꞌo kia nakama keloku iloko Jerusalem. Kena nahakina ana la umaseu nokaꞌa naꞌina hakoa iloko Judea ma Samaria. Ia nakama heheaꞌu Jesus la oinoho iloko Jerusalem.

1 Thessalonians 2:16

Nakama la ehahaꞌike ma ipui makou iseaoaꞌo nakama enoho pouli la, maikinimea nakama la sehihai Keakua ikonaꞌi naonohenua la. Kela hea nakama la ekauhano kehakau nahaisala lakou. Ia Keakua meililoko lakou, haele nokae kehaoki kemaalama nei.