Mark 3:5 - Luaniua New Testament

⁵ Jesus eꞌila haloko aꞌe i nakama la. Kama la ekipuaina haeꞌo pela nakama la ehakapanaka lo. Kena Jesus eme aꞌe kekama kelima epiꞌo la, “Hola kelima aꞌoe.” Kena iko kama la ihola aꞌe kelima aia nokaualeꞌa.

Mark 3:5 Iomraidhean Croise

Matthew 12:13

Kena Jesus eme aꞌe kama kelima epiꞌo la, “Hola kelima aꞌoe.” Kena iko kama la ihola aꞌe kelima aia. Vahola oia, kelima la ukaualeꞌa, poi kelaa lima aia.

Mark 3:4

Kena Jesus eme aꞌe nakama la, “Nakuaa kakou i keaho kapu emea pehe? Ea? Kakou ipena namea kaualeꞌa, ma ipena namea saꞌino? Kakou ekau kekonaꞌi nakama iola, ma ikiaꞌi nakama la imake?” Ia nakama la enoho semuu oia.

Luke 13:15

Kena iko Kealiꞌi ime aꞌe, “Okou ekakala uhiuhi oia. Okou haunu namanu okou i keaho kapu. Okou eveke namanu okou la, kena ihakaꞌi namanu la ikaha ma kama hale la nohaunu.

Luke 17:14

Keualoko Jesus eꞌike nakama la, ko kama la ime aꞌe, “Kaꞌa nohuli aꞌe nakinokama okou imaka namaakua la.” Ia saika nakama la eo, nakama la hakoa ukaualeꞌa muli.

Luke 6:10

Ko Jesus iꞌila hakaꞌa aꞌe nakama la hakoa, kena ime aꞌe kama la, “Hola kelima aꞌoe.” Kena iko kama la ihola aꞌe kelima aia nokaualeꞌa hakoa.

John 9:7

Kena iko Jesus ime aꞌe, “Haele nohui naꞌalemaka aꞌoe iloko punavava Siloam.” (Emea ma Haunalia.) Kena iko kaupeala la ihaele nohui naꞌalemaka aia, kena ivaꞌai i hale, naꞌalemaka aia uꞌike.

Romans 11:25

Aukaina. Anau hihai okou iailoa kemea kela ehunaa lia imua. Aoki okou ameahu maꞌokou eakamai. Eme penei. Alakama i nakama Israel la mehakapanaka, nokae keualoko nakama enoho pouli la mehakina Keakua. Ia Keakua soia emakino ehia nakama enoho pouli mehakina.

2 Corinthians 3:14

Ia niaina vahonei, keualoko nakama la epau kelauniu nakuaa imua la, eme pela pamalo eꞌuhi iluna namaisu lakou. Ia kena nahakaꞌoko lakou upuia lia. Ia poi hekama esuꞌui ma Christ, kena Christ eui pamalo la ikaha.

Ephesians 4:18

Ia nakama la ehakapanaka haeꞌo, ia kena sehimea ailoa. Kela hea nahakaꞌoko lakou la oipouli oia, ia naola lakou emao ikaha ma Keakua.

Ephesians 4:26

Niaina ma okou eloko, okou isepena namea esala. Ia okou isekaohi mau naloko okou la nokae keualoko kelaa la esulu.

Ephesians 4:30

Okou isemea Keanana Kapu Keakua ikipuaina. Kama la ehamakino okou, ihuli aꞌe pela Keakua mehasao okou ikaha ma namahi nahaisala i keaho haoki.

Hebrews 3:10

Kela hea anau eloko haeꞌo i nakama la, Kena imea ma, ‘Nakama la esekaukali anau, Ia semakino nakipukipu anau.’

Hebrews 3:17

Kela hea Keakua eloko i nakama la kipu haa nahekau. Nakama la ehaisala, kena isina nomake iloko keꞌina kukuaha la.

Hebrews 5:9

Ia kena nakipukipu Jesus la eꞌakoa. Kela hea kama la elavaa kekonaꞌi nakama hakoa kela ehalono aia la, pela nakama la meola kahi.

Revelation 6:16

Nakama la eanaa aꞌe namouna ia ma nahakupaa la, “Maoha iluna makou. Ia hamuni makou ikaha ma kekama kela enoho iluna kuai hamakua la, ia ma punua {sipisipi} la. Aoki punua la ameliloko makou.