Mark 2:5 - Luaniua New Testament

⁵ Keualoko Jesus niꞌike nakama la, kama la eailoa pela nakama la ehakina i aia, kena ime aꞌe kama navae emake la, “Kaukama, anau esolo nahaisala aꞌoe ikaha.”

Mark 2:5 Iomraidhean Croise

Matthew 9:2

Nakama kemakaꞌina la esau aꞌe kekama navae emake kela emoe iluna kelomoena. Keualoko Jesus eꞌike nakama la, Jesus eailoa pela nakama la ehakina i aia, kena ime aꞌe kama navae emake la, “Kaukama. Aꞌoe isehakekele. Anau esolo nahaisala aꞌoe la ikaha.”

Matthew 9:22

Jesus ehakiꞌe noꞌike kehine la, kena ime aꞌe “Kaukama, aꞌoe isemakaꞌu. Aꞌoe ehakina i anau, ia kena aꞌoe ukaualeꞌa.” Saika la oia, kehine la ukaualeꞌa.

Matthew 9:5

Okou ehakaꞌoko pela ehainahie i keme aꞌe kama navae emake la, ‘Anau esolo nahaisala aꞌoe ikaha.’ Ia hainakaa i keme aꞌe kama la, ‘Kuu iluna nohaele.’

Mark 2:6

Nakama epolopolo nakuaa la enoho ilaa, kena ihakaꞌoko solakou,

Mark 5:34

Kena Jesus eme aꞌe kehine la, “Kaukama, aꞌoe ehakina ia anau, ia kena aꞌoe ukaualeꞌa. Haele. Aꞌoe menoho laoi. Kemahana aꞌoe na uoki.”

Luke 5:20

Keualoko Jesus uꞌike nakama la, kama la eailoa pela nakama la ehakina i aia, kena ime aꞌe kama navae emake la, “Anau esolo nahaisala aꞌoe la ikaha.”

Luke 8:48

Ko Jesus ime aꞌe kehine la, “Kaukama, aꞌoe ehakina i anau, ia kena aꞌoe ukaualeꞌa. Haele. Aꞌoe menoho laoi.”

John 2:25

Niaina sehikama ekakala aꞌe Jesus nakipukipu nakama la, Jesus naailoa avale hea iloko nahakumanava nakama la.

John 5:14

Kena imuli, Jesus ulave kama la iloko kehale kapu, kena ime aꞌe kama la, “Aꞌoe uꞌike, vahonei aꞌoe ukaualeꞌa. Kiꞌe ikaha ma nahaisala aꞌoe, aoki namea saꞌino haeꞌo meikae aku aꞌoe imuli.”

Acts 11:23

nokae kemakaꞌina la. Kena kama la eꞌike pela Keakua elolosi hakaualeꞌa nahakina ana la. Ia kena kama la uhihia lo. Barnabas ehako aꞌe nakama la ikaukali Kealiꞌi, ia ikaohi mau nahakina lakou la.

Acts 14:9

Kama la ehalolono nakakala Paul. Ia Paul eꞌike kama la, kena umakino pela kama la ehakina pela Keakua elavaa kekonaꞌi aia ikaualeꞌa.

Acts 5:31

Keakua esau kama la ialuna, kena ihanoho kama la i kelima laua aia, imea kama la mo kuꞌu kakou. Kama la ekonaꞌi kakou nakama Israel ikiꞌe ikaha ma nahaisala kakou, kena isolo nahaisala kakou la ikaha.

1 Corinthians 11:30

Kela hea komaꞌi kekama okou elavea, ia ekaia kino kahi. Ia alakama namake avale hoi.

2 Corinthians 2:10

Poi okou ehaialoha aꞌe kekama, anau hoi mehaialoha aꞌe kama la. Poi kama la epena hemesala, kena anau mehaialoha aꞌe kama na imua namaisu Christ. Maikinimea anau hihai ikonaꞌi okou hakoa.

Ephesians 2:8

Okou ehakina Christ. Kela hea Keakua melolosi laoi okou, kena ikonaꞌi okou iola. Ala nihoꞌi Keakua au aku, ia seai nimahi okou ehuli aꞌe soꞌokou.

Colossians 3:13

Okou imanava aloha i alakama. Ia poi hekama ehai saꞌino kelaa kama, kena koꞌolua la ihaialoha solaua. Kealiꞌi nahaialoha avale okou, ia kena okou hoi ihaialoha soꞌokou.

James 5:15

Keloku nakama ehakina la mekonaꞌi kama lavea la nomaakala, ia Kealiꞌi mehamasiꞌe kama la ikaha ma kemahana aia la. Ia poi kama la epena namesala, Kealiꞌi mehaialoha kama la hoi.