Mark 2:2 - Luaniua New Testament

² Ia kena komaꞌi nakama uo aꞌe nonoho iloko hale la. Kena kehale la uꞌapi haeꞌo, ia nakokoꞌa la uꞌapi hoi. Kena iko Jesus ikakala aꞌe nakama la nakakala Keakua.

Mark 2:2 Iomraidhean Croise

Matthew 5:2

Kena Jesus eaoaꞌo aꞌe nakama la pela,

Mark 1:14

Kulana John Baptist nipono kia iloko kelokapu la, Jesus uhaele i Galilee nokaukaꞌu aꞌe kelono kaualeꞌa Keakua.

Mark 1:33

Nakama kemakaꞌina la hakoa eo aꞌe nohaꞌuku imaka hale kehale Simon la.

Mark 1:37

Ia kulana nakama la elave Jesus, nakama la eme aꞌe, “Nakama hakoa esesee aꞌoe.”

Mark 1:45

Ia kama la ehaele kakala oia, ihaꞌali aꞌe hea Jesus epena la. Ia kena Jesus uselavaa kenoho iloko namakaꞌina la. Ia niaina ma Jesus enoho i keꞌina sevaa soia, nakama i namakaꞌina la hakoa eo aꞌe nomaka aia.

Mark 2:1

Kela heaho, Jesus uvaꞌai i Capernaum. Keonohenua la ulono pela Jesus ukae aꞌe kehale aia ninoho la.

Mark 2:13

Jesus evaꞌai imuli ikai, kena komaꞌi nakama uo aꞌe i aia. Kena iko Jesus iaoaꞌo aꞌe nakama la.

Mark 6:34

Keualoko Jesus nihauu iuka, kama la uꞌike keonohenua elahi la, kena ualoha haeꞌo. Maikinimea nakama la ehau poi ni{sipisipi}, sehikama lolosi lakou. Kena iko Jesus iꞌamaka noaoaꞌo nakama la komaꞌi namea.

Luke 12:1

Simaka ma simaka nakama emumui aꞌe Jesus. Kena alakama ekaꞌa iluna nakapuae alakama. Ko Jesus ikakala aꞌe nakama kaukali aia la, “Lolosi hamakonu ke{iist} kela naFarasi la. Ala nikama kakala uhiuhi oia.

Luke 5:17

Kela heaho, Jesus eaoaꞌo keonohenua la. NaFarasi lakou ma nakama polopolo nakuaa enoho ilaa hoi. Nakama la eo mai Jerusalem, ia ma namakaꞌina iloko Galilee laua ma Judea. Keakua eau aꞌe namahi Jesus ikonaꞌi nakama lavea la.

Luke 8:1

Kena imuli, Jesus uhaele valoko namakaꞌina elahi ma namakaꞌina soliꞌi ikaukaꞌu kelono kaualeꞌa kenoholana Keakua. Sehui ma lua nakama kaukali aia la ekaꞌa lakou hoi.

Luke 8:11

“Kenei kehakaꞌoko nakakala hulihuli la. Nahua la o nakakala Keakua.

Acts 11:19

Keonohenua la ehai haeꞌo kia nahakina ana iloko Jerusalem hoi. Ia kena nahakina ana la umaseu nokaꞌa valoko Phoenicia, Cyprus, ia ma kemakaꞌina Antioch iloko Syria. Ia nakama la ekakala kelono kaualeꞌa la i na{Jiu} la oia.

Acts 14:25

Koꞌolua la ekaukaꞌu kelono kaualeꞌa iloko kemakaꞌina Perga, kena ikaꞌa sala ilalo nokae i Attalia, kena iꞌae kevaꞌa nohulo i Antioch iloko Syria.

Acts 16:6

Nakama la uo valoko Phrygia ma Galatia. Ia Keanana Kapu epui nakama la isekaukaꞌu nakakala Keakua iloko Asia.

Acts 8:25

Koꞌolua la uhaꞌali aꞌe nakama Samaria la nakakala Kealiꞌi, kena ikaꞌa valoko namakaꞌina i Samaria nokakala aꞌe kelono kaualeꞌa Keakua, kena ivaꞌai muli i Jerusalem.

Romans 10:8

Nakakala nei emau iho iloko kelauniu kapu hoi, “Nakakala Keakua nakae aku avale, Kena imoe iloko nahakumanava okou. Ia kena okou ekakala kahi nakakala la.” Ia makou ekaukaꞌu nakakala kehakina la hoi.

2 Timothy 4:2

Ala kahi nokaukaꞌu nakakala Keakua. Polopolo aꞌe nakama haisala. Hai aꞌe nakama saꞌino. Hapulupulu aꞌe alakama. Ia aꞌoe ivalekoa keaoaꞌo nakama la hakoa.