Mark 2:12 - Luaniua New Testament

¹² Saika la oia, kama navae emake la ukuu iluna, noko kemoena aia la, ihaele valakonu nakama la hakoa. Kena keonohenua la emasalo haeꞌo, kena ihamaha i Keakua penei, “Kakou sehimea eꞌike penei imua.”

Mark 2:12 Iomraidhean Croise

Matthew 9:33

Keualoko Jesus ehakui kipua la ikaha, kama la ulavaa kekakala. Kena keonohenua la umasalo haeꞌo, kena ime aꞌe, “Sehikama ehuli aꞌe namahi penei iloko Israel imua.”

Matthew 9:8

Keualoko keonohenua eꞌike kama la uhaele, nakama la umakaꞌu, kena ihamaha Keakua pela aia eau aꞌe namahi la i kekama.

Luke 7:16

Nakama la hakoa umasalo, kena i hamaha Keakua, kena ikakala solakou, “Kama hananiu kela ehakae nakakala Keakua la ukae mai. Keakua uhamai nokonaꞌi makou keonohenua aia la.”

Acts 4:21

Ia nakama hamakua la ehamakaꞌu aꞌe koꞌolua la, kena ihakana koꞌolua la nokaꞌa ikaha. Ia nakama la ehainakaa kememe haeꞌo kia koꞌolua la, maikinimea keonohenua la hakoa ehamaha i Keakua

John 9:32

Sehikama imua lo elavaa kekonaꞌi nakama ehanau naꞌalemaka eseni la noꞌike.

John 7:31

Komaꞌi nakama keonohenua la eꞌike namahi kela Jesus ehuli aꞌe la, kena ihakina i kama la. Nakama la eme aꞌe, “Kulana keMesaea mehamai, kama la amehuli mai nahaꞌaku, ehau poi nia kama nei ehuli mai la.”

Luke 17:15

Kama hokahi nakama la hekama Samaria. Keualoko kama la uꞌike pela aia ukaualeꞌa muli, kama la uanaa hamaloa ihamaha Keakua, kena ivaꞌai muli

Luke 13:13

Kena iapaꞌe nokaohi kelima kehine la ihamakau nokuu konu. Kena kehine la ehamaha Keakua.

Luke 5:26

Keonohenua la hakoa umasalo haeꞌo, kena ihamaha Keakua hoi, kena ime aꞌe, “Makou eꞌike namea kaualeꞌa keaho nei.”

Mark 1:27

Nakama la hakoa umasalo haeꞌo, kena ivasisili solakou, “Kenei hemea pehe? Keaoaꞌo vahonei la ehuli aꞌe namahi elahi. Kama la ekakala aꞌe nakipua saꞌino la, ia kena nakipua la ehalono i aia.”

Matthew 15:31

Keonohenua la umasalo haeꞌo pela nakama selavaa kekakala la ukakala. Nakama nalima epiꞌo la ukonu. Ia nakama navae nimake la uhahaele, ia nakama naꞌalemaka lakou niseni la uꞌike muli. Kena iko nakama la hakoa ihamaha i Keakua kela ehamakua Israel.

Matthew 12:23

Keonohenua la hakoa umasalo haeꞌo, kena ime aꞌe, “Kenei o kemopuna David?”

Mark 2:11

“Anau eme aku aꞌoe, kuu iluna, ko kemoena aꞌoe na, aꞌoe uhaele i hale aꞌoe la.”