Mark 1:5 - Luaniua New Testament

⁵ Hakoa nakama i Judea, ia ma nakama i Jerusalem uo nohalono John. Komaꞌi nakama ehaꞌali aꞌe nahaisala lakou, kena John ehaauꞌau kapu nakama la iloko kevai ke{liva} Jordan.

Mark 1:5 Iomraidhean Croise

Matthew 4:25

Komaꞌi nakama ekakaꞌa ma Jesus. Ala nikama i kemakaꞌina Jerusalem ia ma nakama Galilee, Decapolis, ia ma Judea, ia ma namakaꞌina kela ekuu kelaa vahi ke{liva} Jordan.

Mark 1:4

John Baptist ehasula iho i keꞌina kukuaha, nokaukaꞌu aꞌe keonohenua la penei, “Kiꞌe ikaha ma nahaisala okou, kena anau mehaauꞌau kapu okou. Kena Keakua mesolo nahaisala okou la ikaha.”

Mark 1:6

Napamalo John ehili nahuluhulu na{kamelo}. Kana kaukuu keꞌili kemanu. Naꞌai aia la nakama kelauniu ia ma na{hani}.

John 1:28

Namenei hakoa uapihi mai iloko kemakaꞌina Bethany i kelaa vahi ke{liva} Jordan, keꞌina kela John ehaauꞌau kapu keonohenua la.

John 3:23

Keualoko la, John ehaauꞌau kapu hoi i keꞌina Aenon, kapili kemakaꞌina Salim. Keꞌina la ekomaꞌi namakaa vai. Ia kena komaꞌi kekama eo aꞌe John ihaauꞌau kapu lia lakou.

John 5:35

Nakakala John la ehau poi heahi ehaula nohamalama. Ia okou ehihai ihalono nakakala kama la kamaualoko oia.

Acts 19:18

Komaꞌi nahakina ana la uhaꞌali aꞌe namea saꞌino kela lakou sasaꞌa kahi la.

Acts 2:38

Peter ume aꞌe nakama la, “Kiꞌe ikaha ma nahaisala okou, kena makou mehaauꞌau kapu okou i kemale Jesus Christ. Ia kena Keakua mesolo nahaisala okou la ikaha, kena ihoꞌi aku Keanana Kapu.

James 5:16

Ia kena okou nahakina ana ihaꞌali aꞌe nahaisala okou i alakama keloku, ia loku aꞌe Keakua ikonaꞌi okou, pela okou mekaualeꞌa muli. Keloku kekama ekonu kahi ehuli aꞌe namahi elahi. Kena namea aia eloku la meiapihi aku.