Luke 9:41 - Luaniua New Testament

⁴¹ Ko Jesus ime aꞌe nakama la, “Nakama kaukama okou na ikau kehakina, ia okou evale oia. Anau enoho ma okou saika loloa haeꞌo, ia okou sehakina anau.” Kena iko Jesus ime aꞌe kamana kaupeala la, “Ko mai kaupeala aꞌoe na.”

Luke 9:41 Iomraidhean Croise

Matthew 11:28

“Omai okou hakoa kela ekahi ikeamo namea emaha, ia kena anau meimea okou ihamalolo.

Matthew 12:39

Kena Jesus eme aꞌe, “Nakama kela enoho keaho nei esaꞌino ia ehakapanaka, kena hihai iꞌike nahaꞌaku. Ia Keakua meihuli aꞌe haꞌaku hokahi oia, ehau poi aia nihuli aꞌe ia Jonah, kama hakae nakakala aia la.

Matthew 12:45

Kena kipua la uhaele nohakaꞌi mai koahiku nakipua saꞌino haeꞌo, noulu iloko kama la. Kena keola kama la meisaꞌino, elaꞌa ma imua. Naola nakaukama saꞌino i kemaalama nei meme pela hoi.”

Matthew 16:4

Nakama saꞌino ia ma nakama sehalono Keakua la hihai iꞌike nahaꞌaku. Ia Keakua meihuli aꞌe nakama la namahi aia poi aia nihuli aꞌe ia Jonah la oia.” Kena Jesus ukiaꞌi naFarasi la nohaele ikaha.

Matthew 17:17

Kena Jesus ehai aꞌe nakama la, “Kaukama okou na ikau kehakina, ia okou evale oia. Anau enoho ma okou saika loloa haeꞌo, ia okou sehakina anau. Ko mai kaupeala na.”

Matthew 23:36

Anau eme aku kehamaoni. Nahalono lihu la meikae aku okou hakoa.

Matthew 3:7

John uꞌike komaꞌi naFarasi ia ma naSatiusi uo aꞌe, i keꞌina aia haauꞌau kapu alakama keonohenua la. Ia John ume aꞌe nakama la, “Okou niꞌaka. Keualoko Keakua meloko i okou, kena okou meselavaa kehulo ikaha ma kama la.

Mark 10:14

Ia keualoko Jesus uꞌike nakama kaukali aia la epui nakamaliꞌi la iseo aꞌe, kama la eloko, kena ime aꞌe, “Kiaꞌi nakamaliꞌi na io mai anau. Okou isepui nakamaliꞌi na. Maikinimea kenoholana Keakua heꞌina nakamaliꞌi na.

Mark 10:49

Ko Jesus ihamau, kena ime aꞌe, “Me aku kama na ihamai.” Kena nakama la ume aꞌe kama alemaka seni la, “Aꞌoe isekipuaina. Masiꞌe iluna. Kama la eanaa aku aꞌoe.”

Mark 9:19

Kena Jesus eme aꞌe nakama la, “Kaukama okou na ikau kehakina. Anau enoho ma okou saika loloa haeꞌo, ia okou sehakina oia. Ko mai kaupeala na.”

Luke 8:25

Ko Jesus ime aꞌe nakama la, “Ea, okou sehakina?” Nakama kaukali la umasalo haeꞌo, kena ikakala solakou, “Kenei hekama pehe? Kama la ekakala aꞌe kemakani la ma napeau la, ia namela ehalono nakakala aia la.”

Luke 9:40

Anau eainoa aꞌe nakama kaukali aꞌoe la ihaise kipua la ikaha ma kama nei, ia nakama la selavaa.”

Luke 9:42

Keualoko kaupeala la nihaele aꞌe, kipua saꞌino la ukau kama la nosuꞌe nohakapeꞌape valalo kaꞌele. Kena iko Jesus ihamakaꞌu aꞌe kipua la, kena ihaise kipua la ikaha ma kaupeala la. Vahola kaupeala la ukaualeꞌa, kena Jesus eau aꞌe muli kaupeala la i kamana aia la.

John 14:9

Ia Jesus eme aꞌe, “Philip. Kau saika loloa anau enoho ma okou hakoa. Ea aꞌoe oisemakino anau? Keualoko hekama eꞌike anau, kama la eꞌike Kamana hoi. Aiea aꞌoe emea ma ‘Huli mai Kamana’ naea?

John 20:27

Kena iko Jesus ime aꞌe Thomas, “Kaohi kemakalima aꞌoe inei, kena ila mai nalima anau; ia halo mai kolima nokaohi kevahi manava anau. Aꞌoe sehakapanaka. Aꞌoe ihakina oia!”

Acts 13:18

Niaina nakipukipu nakama la esaꞌino, Keakua elolosi hakaualeꞌa nakama la kipuhaa nahekau iloko keꞌina kukuaha.

Acts 2:40

Peter ekakala kahi aꞌe keonohenua la ihamakaꞌu aꞌe nakama la ma, “Konaꞌi okou soꞌokou, kena kehalono lihu nakaukama saꞌino nei meisekae aku.”

Romans 2:4

Keakua emanava aloha okou, ia kena ememe halaoi okou. Ia okou esehihai nakipukipu kaualeꞌa aia la. Okou ikau kemakino pela Keakua ealoha okou, pela imea okou ikiaꞌi nakipukipu saꞌino okou na.

Hebrews 3:19

Kena kakou emakino pela nakama la selavaa kekae henua lakou la, maikinimea lakou sehakina ia Keakua.

Hebrews 4:11

Kena kakou ihamamahi nohamalolo ma Keakua hoi. Aoki hekama kakou amekaukali nakipukipu nakama hakapanaka la, kena ikiaꞌi kehakina aia la.

Hebrews 4:2

Kakou nalono avale kelono kaualeꞌa, ehau poi nakipuna kakou nilono la hoi. Ia niaina ma nakama la elono kelono kaualeꞌa la, nakama la sehikaualeꞌa elave, maikinimea nakama la sehakina.

Hebrews 7:25

Ia kena nakama kela ehakina Jesus la meio i Keakua. Ia Jesus elavaa kekonaꞌi hamaoni nakama la, maikinimea aia eola kahi, kena mekuu imua Keakua nokonaꞌi nahakina ana la.