Biblia Todo Logo
Bìoball air-loidhne

- Sanasan -




Luke 9:11 - Luaniua New Testament

11 Ia keualoko keonohenua la umakino keꞌina Jesus ehaele la, nakama la ekaukali vamuli kama la. Ko kama la ikakala hakaualeꞌa keonohenua la, kena ime aꞌe nakama la nakipukipu kenoholana Keakua, kena ikonaꞌi nakama lavea la nokaualeꞌa.

Faic an caibideil Dèan lethbhreac




Luke 9:11
21 Iomraidhean Croise  

Jesus emakino nahakaꞌoko naFarasi la, kena ihaele ikaha ma keꞌina la. Ia komaꞌi nakama ekaukali aꞌe vamuli aia. Kena Jesus ekonaꞌi nakama lavea la hakoa nomaakala muli.


Kulana Jesus uhau iuka, kama la uꞌike keonohenua elahi la, kena ialoha haeꞌo nakama la, kena ikonaꞌi nakama lavea la nokaualeꞌa.


Kena iko Jesus ivasili aꞌe namaakua hamakua la lakou ma nakama hananiu na{Jiu} la, “Oai kekama i haikaina la ehalono kamana laua la?” Kena nakama la eme aꞌe, “Kaupeala makua la.” Kena iko Jesus ime aꞌe nakama la, “Anau eme aku kehamaoni. Nakama kela aoao na{kakisi} ia ma nahine ehai huli la meikaꞌa iloko kenoholana Keakua imua okou, maikinimea nakama la ehalono John Baptist.


“Kena anau eme aku okou. Keakua meiko kenoholana aia la ikaha ma okou. Ia meau aꞌe kenoholana aia la i nakama kela ehuli aꞌe nakipukipu kaualeꞌa aia la.


Kama la ehanai hakaualeꞌa nakama haaloha, ia ihaise nakama haimoni la, sehimea au aꞌe.


Ia Jesus eme aꞌe nakama la, “Nakama selavea la meseo nomaka ke{tresa}. Kena nakama lavea la hihai io nomaka ke{tresa} la.


Kena imuli, Jesus uhaele valoko namakaꞌina elahi ma namakaꞌina soliꞌi ikaukaꞌu kelono kaualeꞌa kenoholana Keakua. Sehui ma lua nakama kaukali aia la ekaꞌa lakou hoi.


Ko kama la ime aꞌe, “Keakua hihai okou imakino nakipukipu kenoholana aia kela nihunaa lia. Ia anau eaoaꞌo keonohenua la nakakala hulihuli pela, ‘Nakama la eꞌike, ia semakino hea lakou eꞌike. Nakama la elono, ia semakino hea lakou elono.’


Keualoko nakama kela Jesus nihaunalia la uvaꞌai muli, nakama la ekakala aꞌe kama la namea lakou epena la. Kena Jesus uko nakama la io maia i kemakaꞌina emale ma Bethsaida.


Keualoko kelaa la ukapili isulu, ko sehui ma lua nakama kaukali la io nome aꞌe Jesus, “Keꞌina nei sehihale. Haunalia keonohenua nei i namakaꞌina kapili mai la nosee niꞌai ma lakou, ia isee hoi nihale ma lakou imoe.”


Kena Jesus ehaunalia nakama la nokaukaꞌu nakipukipu kenoholana Keakua, ia nokonaꞌi nakama lavea ikaualeꞌa.


Ko Jesus ime aꞌe, “Naꞌai anau eme penei. Anau epena hea kekama kela ehaunalia mai anau la ehihai anau ipena iokia.


Kamana meau mai nakama, kena nakama la meo mai hakoa. Ia anau mesehaise nakama la ikaha.


Kama la esemakaꞌu kekaukaꞌu nakipukipu kenoholana Keakua, ia iaoaꞌo nakipukipu Kealiꞌi Jesus Christ. Kena sehikama hoi epui kama la.


Nakakala nei emau iho iloko kelauniu kapu, “nakama la eo mai nokaukaꞌu kelono kaualeꞌa Keakua. Ia kena keonohenua ehihia lo.” Ia poi sehikama ehaunalia nakama la nokaukaꞌu, kena sehikama mekaukaꞌu. Ia poi sehikama ekaukaꞌu, kena keonohenua la meselono nakipukipu Kealiꞌi. Ia poi keonohenua la eselono nakipukipu Kealiꞌi, kena nakama la meselavaa kehakina i kama la. Ia poi nakama la esehakina, kena nakama la meselavaa keloku aꞌe Kealiꞌi ikonaꞌi lakou.


Ia poi hekama ekaukaꞌu nakakala Christ, kena keonohenua la elavaa kelono. Ia keualoko nakama la elono, kena nakama la elavaa kehakina.


Maikinimea Christ sehakaꞌoko kevahi aia soia. Nakakala nei emau iho iloko kelauniu kapu, “Nakama la esalu haeꞌo i aꞌoe, Ia anau elihu i nakakala lakou la hoi.”


Ala kahi nokaukaꞌu nakakala Keakua. Polopolo aꞌe nakama haisala. Hai aꞌe nakama saꞌino. Hapulupulu aꞌe alakama. Ia aꞌoe ivalekoa keaoaꞌo nakama la hakoa.


Ia kena kakou isemakaꞌu keo hakapili aꞌe kenoholana Keakua. Pela kama la amehaialoha mai kakou, kena ilolosi laoi kakou. Ia keualoko kakou selavaa kekonaꞌi kakou sokakou, kena kama la mekonaꞌi kakou.


Lean sinn:

Sanasan


Sanasan