Luke 9:1 - Luaniua New Testament

¹ Jesus eanaa aꞌe sehui ma lua nakama kaukali aia la noꞌuku hakoa, kena iau aꞌe nakama la namahi kehaise nakipua saꞌino hakoa ikaha, ia namahi kekonaꞌi nakama lavea nokaualeꞌa.

Luke 9:1 Iomraidhean Croise

Matthew 16:19

Anau meiau aku na{kii} kenoholana i kevaelani ilolosi aꞌoe. Namea kela Keakua epui i kevaelani, aꞌoe meipui i kemaalama nei. Ia namea kela Keakua mehaakana i kevaelani, aꞌoe meihaakana i kemaalama nei hoi.”

Matthew 4:24

Kelono Jesus upalalaha nokae nakama hakoa iloko Syria. Kena nakama la uau aꞌe nakama lavea la ia Jesus. Ala nikama halono lihu namahana, nakama eisi nakipua saꞌino iloko lakou, nakama elavea kekeꞌi, ia ma nakama navae emake. Jesus ekonaꞌi nakama la hakoa nokaualeꞌa.

Matthew 8:9

“Anau ehalono nakama hamakua anau. Ia napulepule anau ehalono anau. Poi anau eme aꞌe pulepule la ihaele, kama la ehaele. Ia anau eme aꞌe kelaa pulepule ihamai, kama la ehamai. Ia poi anau eme aꞌe kama heheaꞌu la ipena kemea, kama la ehalono mai anau.”

Luke 10:1

Kena imuli, Jesus ekini kipuhiku ma lua nakama, kena ihaunalia nakama la kai koꞌolua iloko namakaꞌina imua aia.

Luke 10:19

Anau eau aku okou namahi ikakaꞌa naꞌaka ia ma naheunu. Ia anau eau aku namahi iluna Satan hoi. Ia kena sehimea memea okou ihalono lihu.

John 14:12

Anau eme aku okou kehamaoni. Poi hekama ehakina i anau, kama la mehuli aꞌe namahi kela anau nihuli aꞌe la. Ia kama la mehuli aꞌe namahi elaꞌa iluna ma namahi kela anau nihuli aꞌe la. Maikinimea anau meihaele nonoho ma Kamana.

Acts 1:8

Ia kulana Keanana Kapu meihaele iho nokau iloko okou iau aku namahi aia, kena okou meikakala aꞌe nakipukipu kaualeꞌa anau nei i nakama Jerusalem, ia ma nakama Judea lakou ma nakama Samaria, ia ma nakama nahenua kemaalama nei hakoa.”

Acts 3:16

Okou emakino kama navae emake nei. Okou eꞌike kama nei keaho ma keaho. Kama nei ehakina kemale Jesus. Kena Jesus ukonaꞌi kama nei nokaualeꞌa hamaoni imua namaisu okou hakoa.

Acts 4:30

Au mai makou namahi aꞌoe la ikonaꞌi nakama lavea, ia ihuli aꞌe nahaꞌaku ia ma namea kaualeꞌa i kemale Jesus, kekama ekapu kela eheheaꞌu maꞌoe la.”

Acts 9:34

Peter eme aꞌe kama la, “Aeneas. Jesus Christ ekonaꞌi aꞌoe i kaualeꞌa. Kakaꞌi pamalo aꞌoe la imau. Kena kuu iluna.” Saika la oia, kama la umasiꞌe nokuu iluna.