Luke 7:6 - Luaniua New Testament

⁶ Kena iko Jesus io ma nakama la nokapili ikae kehale kama hamakua napulepule la. Ia kama hamakua la ehaunalia nasoa aia la nome aꞌe Jesus, “Kealiꞌi, aꞌoe isehakekele kehamai nokae mai inei. Anau sekau pela aꞌoe ihamai nonoho iloko hale kehale makou nei.

Luke 7:6 Iomraidhean Croise

Matthew 20:28

{Kama ekipu kama} emea pela hoi. Kama la sehamai nohananiu nakama hakoa. Kama la ehamai nohoꞌi aꞌe keola aia. Kama la memake ihaakana komaꞌi nakama ikaha ma nahaisala lakou.”

Matthew 3:11

“Anau ehaauꞌau kapu okou i kevai, ihuli aꞌe pela okou ukiꞌe ikaha ma nahaisala okou. Ia kekama meihamai imuli anau la, ehananiu iluna anau. Anau sekau kesau nakapuae aia hahao la. Kama la meihaauꞌau kapu okou i Keanana Kapu ia ma keahi.

Mark 5:24

Kena iko Jesus io laua. Ia keonohenua la umumui hakiꞌe koꞌolua la.

Luke 5:8

Simon Peter ia ma nakama memeiꞌa la hakoa umasalo kela naiꞌa lakou nipui la. Peter uꞌike naiꞌa la hakoa, kena ikoukuli imua Jesus nome aꞌe, “Haele ikaha manau, Kealiꞌi. Anau hekama haisala.”

Luke 7:4

Ko nakama la ikaꞌa noainoa aꞌe Jesus, “Hamai nokonaꞌi kama lavea la. Kama hamakua aia la hekama kaualeꞌa.

Luke 7:5

Kama hamakua la elaoi makou, kena ihakuu hale loku makou la.”

Luke 7:7

Ia anau ehakaꞌoko pela anau sekau kehaele aku hoi. Emeia aꞌoe ime mai kakala oia, kena kama heheaꞌu anau la memaakala muli.

Luke 8:49

Keualoko kama la oikakala, kekama kehale Jairus la ukae aꞌe. Kena kama la eme aꞌe Jairus, kama hamakua keloku la, “Aꞌoe iseme aꞌe keRabai na ikonaꞌi kamaliꞌi hine aꞌoe la. Maikinimea kamaliꞌi la umake.”

Acts 10:38

Keakua ehakapu Jesus kela i Nazareth ma namahi Keanana Kapu, kena inoho ma kama la. Kena Jesus uhaele nopena namea kaualeꞌa, ia ikonaꞌi nakama kela elepokia namahi Satan.

James 4:10

Okou ihamalumalu Kealiꞌi, kena kama la meisau okou ialuna.

James 4:6

Ia niaina ma nakipukipu kakou la esaꞌino, Keakua ekauhano kelolosi laoi kakou nokaualeꞌa. Nakakala nei emau iho iloko kelauniu kapu. “Keakua ehakauoki ma nakama eahu, Ia elolosi laoi nakama pasemuu.”