Luke 7:22 - Luaniua New Testament

²² Kena iko Jesus ime aꞌe koꞌolua nakama kaukali John la, “Vaꞌai muli nome aku John hea olua eꞌike, ia hea olua elono. Nakama alemaka seni la uꞌike, Nakama navae emake la uhahaele. Nakama elavea kemahana {leprosi} la ukaualeꞌa, Nakama akalina kuli la ulono muli, Nakama emake la umasiꞌe ikaha ma kemake, Ia nakama haaloha la ehalono kelono kaualeꞌa Keakua.

Luke 7:22 Iomraidhean Croise

Matthew 11:5

Eme pela, ‘Nakama alemaka seni la uꞌike, Nakama navae make la uhahaele, Nakama elavea kemahana {leprosi} la ukaualeꞌa, Nakama naakalina kuli la ulono muli, Nakama emake la umasiꞌe ikaha ma kemake, Ia nakama haaloha ehalono kelono kaualeꞌa Keakua.’

Matthew 21:14

Keualoko la, nakama alemaka seni ia ma nakama navae make la eo aꞌe Jesus la iloko hale kehale kapu la. Kena kama la ekonaꞌi nakama la nokaualeꞌa.

Luke 4:18

“Keanana Kapu Keakua enoho manau. Keakua eau mai namahi anau ikaukaꞌu kelono kaualeꞌa i nakama haaloha. Keakua ehaunalia mai anau nome aꞌe naonohenua hakoa pela aia meihasao nakama epono kia; Kena ime aꞌe nakama eseni pela lakou meilavaa keꞌike muli; Kena ihakana nakama haaloha ikaha ma namahi nakama hakanaka;

Luke 7:21

Saika la ia, Jesus ekonaꞌi komaꞌi nakama lavea ia ma nakama ehalono lihu namahana, ia ma nakama ekau lia nakipua saꞌino. Kama la ekonaꞌi komaꞌi nakama alemaka seni la noꞌike hoi.

Luke 7:23

Poi hekama esenapa i nakipukipu anau nei, kena kama na mehakapu lia Keakua.”

John 1:46

Ia Nathanael eme aꞌe Philip, “Nakama Nazareth la sehikama kaualeꞌa.” Ia Philip eme aꞌe, “Hamai nomaka.”

Acts 26:18

Anau meikalaꞌi naꞌalemaka nakama la, ia kena nakama la mekiꞌe ikaha ma kepouli, nonoho i kemasina. Pela nakama la mekiaꞌi namahi Satan, kena ukaukali Keakua. Keakua meisolo nahaisala lakou ikaha. Nakama la mehakina i anau, kena Keakua meihakea naola lakou, ia au aꞌe nakama la nakuhana lakou la.’

Acts 8:7

Nakipua saꞌino la evaa hamaloa, kena io iho ikaha ma nakama lakou ekau la. Ia komaꞌi nakama epiꞌo la ma nakama navae emake la ukaualeꞌa.

James 2:5

Aukaina. Halono mai. Keakua ehilihili nakama haaloha i kemaalama nei ihakina haimahi aia, pela nakama la mehamakua i kenoholana aia la. Ia kama la ekakala hamaoni iau aꞌe kenoholana la i nakama kela elaoi aia la.